3
Amo ly paleung mei y pathyp pi nai keung kalen keh ai niu nai
1 Areng i kani pri amtaw thau nai mo y pathyp pi nai keung kalen keh Josua angdo nai ai, takhra paleung mei niu naira y Areng my patei pi bo. Naibaly Josua i sahawi y setannote 3:1\xk setan: Mymy hawi ka-awi sa nai paleung ka-e i amyn ne.\x*angdo. Ni ly Josua ai thui tamawn ai nai angvei yb bo. Ref 3:1 Ezra 5:2; Amt 12:10
2 Areng i amtaw thau naimy setan teng y, “Aw setan awi, Areng my nang ai kamngo pajeng sy; Jerusalem mary ai tamen nai Areng ly nang ai kamngo pajeng sy; hini khumi ly mai theung i ajiu vui nai thengbeang hawi atawm nai ne,” napi.Ref 3:2 Juda 9
3 Josua ly chai y nai ateaungchi amchiu iy, huni meingtym y angdo bo.
4 Kani pri amtaw thau nai ly my i nithun abang nai kani pri chochi teng y, “Hini khumi i amchiu nai chai y nai ateaungchi leng pi vui,” napi chum baly Josua teng y, “Kai ly nang i kamngo kang la pi vui iy, nang amchiu ai nai ateaung kangthachi kang pei ai,” napi.
5 Ni ly abang nai ahawichi teng y, Josua i lura y chai pyn nai lupeu ajeng hai ai nai leu pei. Nichi py leu pei nai kamta sa u. Naibaly nichi ly Josua ai ateaung kangthachi amchiu hai bo. Areng i kani pri amtaw thau nai py, huni sahawi y angdo nai ne.
6 Naibaly kani pri amtaw thau nai ly Josua teng y,
7 ati cheaungkhang sa tha nai Areng my, “Nang ly kai i reita leuchi ai tangai iy, nang teng y kaimy kang pei nai kalopchi sa ai na baly, kai i Achura yhm hawi Achura yhm apaichi kry ai nai nga bi ai. Kai py kaimy i mo y awm nai kani pri amtaw thau naichi i chiu sa hnei takeng naichi thai nai kamta, nang i chiu sa nai py thai ai.
8 Hunai deaungkho y pathyp pi nai keung kalen keh Josua awi, tangai ba. Josua i ahawi pathyp pi nai keungchi awi, mo mang i vui rengrang ka-ma-ra nga nai khumichi awi, tangai u. Kai ly “Sai kadeu” nanai amyn pathi nai kaimy i miseaung amthawn hai ai!Ref 3:8 Jer 23:5, 33:15; Zek 6:12
9 Amhi mawi saryhrei awm nai lengseaung ai py, Josua i mo y kakhai ai. Huni lengseaung salo y cha mawi katajiu iy, hini pri i kamngochi ly kanirei y my, kala pi vui ai.
10 Huni neng kani tym nai khala, nangchi bawibawi ly kreip akhochi hawi thaidu keungchi pajyn iy, tlamsa naimy awm u thai ai nai, nangmychi i yhm deaungpachi palau u ai,” napi. Ref 3:10 Mik 4:4