11
Samrang hawi y naichi deung tlum nai
1 Aw Lebanon, nang i saitleang keungchi lynote 11:1\xk saitleang keungchi: Hini keungchi ai sa thai naira awm nai prichi, ti y baly samrangchi ai pata hai nai py ne.\x*
mai my kang ai nai nang i apai katheu pa-khochi paeaung ba.
2 Aw maicha keungchi awi, vo tangam u;
saitleang keungchi ly aheng pawn veng bo;
apu parai nai huni keungchi ly phra pawn bo!
Aw Basanra i ngopraibiu keungchi awi, vo tangam u;
thengreung atu ai ly ateng biu vui bo.
3 Samrangchi ly paleung si naimy vo u;
nichi i phum-ang ly tama veng bo!
Khrangsichi i hang nai katyn tangai u;
nichi aeung nai Jordan tavo leaunghawira i thengreung py phra veng bo!
Beram typ keung leaung nyhrei
4 Kai i Areng Tameuh my kai teng y, “Nang ly tleh ai nai khai yb nai beram kanghu theung i, beram typ keung kamta so.note 11:4\xk beram typ keung: Hinira ly samrang, ti y baly lu sa naichi ai pata nai ne i, beramchi ai ly mymy i khumichi, ti y baly abang naichi ai pata nai ne.\x*
5 Beram yhmkeungchi my huni beramchi ai tleh nai ly mana khala py kamngo tlo u y. Nichi ly beram mawi jo iy, ‘Kaichi ly nang chawn bo! Areng ly nang parai nai awm sy!’ beram typ keungchi malawn py mychi i beramchi ai pahen u y,” napi.
6 (Areng my, “Kai ly khaileaung salo y awm nai khumi amimi ai py, kapahen y leang bo. Kaimy khypkhyp my, khumi bawibawichi ai, mychi i samrangchi kiu y kaau ai. Huni samrangchi ly khaileaung pri ai taphra i py, kai ly atleu ai ny y,” napi.)
7 Beram ka-jo ka-van sa nai khumichi my kai ai alai nai deaungkho y, kai ly ana naira avum nai beramchi ai typ nai keung lawm bo. “Pahen naira” napi nai amyn nga nai beram cheaungvawi harei hawi, “Amkawm naira” napi nai amyn nga nai beram cheaungvawi harei la iy, beram kanghuchi ai typ ai nai tla bo.
8 Kai ly kai ai niu ngai y nai beram typ keung leaung thomrei tlang tleaung y kham pajau y nai deaungkho y, nichi ai loreira y my kapaheng vui bo.
9 Naibaly kai i beram kanghuchi teng y, “Kai ly nangchi i beram typ keung sa ai nai ngai y leang bo. Dei ai nai beramchi ly dei palai jau sy; tleh ai avo nai beramchi ly tleh naira avum u teu na sy; dei kamthum beramchi py, mychi tengtawi apadei u ai,” nanai thui bo.
10 Naibaly kai ly khumi cheng cheaungkhangchi hawi Areng i sa nai Leu Maikawm ai taphra nai kamta, “Pahen naira” napi nai cheaungvawi kala iy khei vui bo.
11 Hunai deaungkho y Leu Maikawm ly huni kani y phra veng nai ne. Beramchi ka-jo ka-van sa nai khumichi ly kai ai khen u. Nichi ly kai i sa nai sai khen iy, Areng my leu pei nai awm, nanai pany u bo.
12 Kai ly nichi teng y, “Nangchi pei ai nai ngai baly kai i kalop sa vang peu u. Pei ai nai ngai y baly pei u moh,” kanapi. Hunai deaungkho y nichi ly kalop sa vang tangkacho phairei ang pei u. Ref 11:12 Mt 26:15Ref 11:12-13 Mt 27:9-10
13 Areng my kai teng y, “Huni tangka chochi ai ly Achura yhm theung i tangka khaira y khai ba,” nanai leu ang pei nai kamta, kai ly nichi my vang tahm pateng nai nawi parai nai tangka cho phairei la iy, Achura yhm i tangka khai naira theung y khai bo.
14 Naibaly kai ly “Amkawm naira” napi nai cheaungvawi ai khei vui bo. Hunaibaly Juda pri hawi Israela pri i amkawm nai ly phra veng nai ne.
15 Areng my kai teng y, “Nang ly vai tlenrei beram typ nai keung kamta so bi rai; vai i ly hawi y nai beram typ keung kamta ne.
16 Kai ly kaimy i beram kanghuchi i vui typ keung leaungrei khai pi i py, ni ly deira avum nai beramchi ai sabawm y; tama nai beramchi ai hau y; tamo nga nai beramchi ai hawi so pi y; dei kamthum beramchi ai py pacho y. Huna nai sa ai nai tleaung y ly veung hawi nai beram ngan cha iy, muikenchi py takheaung nai ne.
17 Vang teng y nai beram typ keung ka-khum ly taham si! Ni ly my i beram kanghuchi ai khai su bo. Tavai takai deaungkho y ni i sa thai naira bawibawi ai taphra vui ai. Ni i kiuban ly jeirawm vui iy, lamtang mei py paju ai,” napi.