3
1 Solomon i ampo samrang Davida ly Achura yhm sa ai nai meingtym tahyh pi yb. Huni meingtym ly Areng my Davida teng y patei pi nai Jerusalem mary Moria mawi, Jebusi cheng Araunah i choh ati nai meingtym ne. Samrang Solomon i Achura yhm sa ai amteaung nai lyRef 3:1: AA 22:2
2 my i peang nai palyh saneng, pa-nyh lo y amteaung nai ne.
3 Samrang Solomon i sa nai Achura yhm ly jeng miu 60 rei, kah miu 20 rei awm.
4 Achura yhm dangkhung ka ly Achura yhm ka miu 20 rei khyp awm iy, ka-sang miu 120 rei awm nai ne. Huni dangkhung theung mang ly muku tangcheng hawi palum bo.
5 Takun pui ly chamleaung keung myn hawi chaivawn leng myn sa nai saitleang pjeng hawi palum naira y muku an paleaung nai ne.
6 Samrang ly Achura yhm y apu parai nai vang kateng lengseaungchi hawi ka-pu sa iy, Parvaim pri i muku hawi palum bo.
7 Ni ly Achura yhm dengpangchi, satleangchi, kun nai lam hawi katheu pa-khochi palum ai nai molam muku teaung nai ne. Dengpangchira y kupe kakawpchi ly kheruben mynchi thiu u bo.
8 Khri pa-rei chai nai meingtym napi nai theung mang i takun ly jeng miu 20 rei, ka ly Achura yhm kamta miu 20 rei teang. Khri pa-rei chai nai meingtym palum ai nai muku sie 7778 rei teaung.Ref 3.8: Theu 26:33-34
9 Muku sengmo sa naira y muku sie 975 rei teaung bo. Salo takunchi i dengpangchi ai py, muku hawi palum nai ne.
10 Samrang ly my i kupe kakawpchi ai kheruben myn nyhrei sa hai i, muku hawi palum iy chai keh nai meingtym y khai hai bo. Ref 3.10-13: Theu 25:18-20
11-13 Kheruben myn nyhrei ly katheu pa-kho mang y motha naimy, angdo hai nai ne. Nini ly miu pangrei sau nai pakhi nyh nyhrei awm. Nini i pakhichi ly kah miu apomrei awm nai takunra kadai nai deaungkho y, pakhi nyhrei ly takun umtang y kadeaung tengtawi avum na i, takhra pakhi nyhrei ly dengpangchi hawi abi nanai ne.
14 Chai keh nai meingtym i vui kalang kamsen, kamleng, kamngauchi hawi aneng nai, kheruben mynchi hawi ka-pu sa nai kanih ali py jang nai ne.Ref 3.14: Theu 26:31
Kheupaja yhmmawm nyhrei
(1 Areng 7:15-22)
15 Samrang ly kasau miu 35 rei awm nai yhmmawm pui nyhrei sa iy, Achura yhm mo y khai bo. Yhmmawm meaung ha harei salo y miu 5 rei awm nai yhmmawm hawi beung nai ne.
16 Yhmmawm meaungchi ra y thiu nai kaseaung pau leang hawi, kheupaja hawi sa nai thaisi athai myn 100 rei ka-pu sa bo.
17 Huni yhmmawm pui nyhrei ai ly Achura yhm mo y pado i, tokalawi mang i pado nai ai ly amyn Jakhin pathi; tosyh mang i pado nai ai ly amyn Boza, nanai pathi nai ne.