SAM 6
Patang naira avum nai khala sabawmra nga ai nai chiu sa nai note Hebrai cha lu: Davida i thui nai Sam.
1 Aw Areng, kai ai kado theu hai iy parip moh kyh ba!Ref 6.1: Sam 38.1
Kado theu iy pajeng moh kyh ba!
2 Aw Areng, kai ly paha naimy awm i,
kai ai pahen kyh ba!
Atho khei be veng nai deaungkho y, atho angym hai teang kyh ba.
3 Kai ly tlang phailo khri pa-rei patang nai ne.
Aw Areng, mana khala y kai ai sabawm ai mo?
4 Aw Areng, jeu ly kai ai atleu ba;
nang i pahen naira hawimy, kai ai deira i nai atleu kyh ba.
5 Tavau kho y ly nang ai pany jo nai khumi by y leang;
huni meingtym y ly ami py nang ai palo pajau y leang.
6 Kai ly paleung si paleung mawn nai molam y paha naimy awm bo.
Dym tleirei kavo nai deaungkho y,
ira ly sui be na bo.
Kai i lutleang ly meikatui suipla naimy awm bo.
7 Paleung ka-echi molam y vo nai ly
kai i meichi bau na bo.
Khen i py hawihai palai niu pajau y leang bo.
8 Nangchi hawi y sa nai khumichi awi, kai teng i nai theu u pawn!Ref 6.8: Mt 7.23; Lk 13.27
Areng ly kai i vo nai raawi thai bo.
9 Sabawm naira nga ai nai kai i hnei nai raawi thai bo;
kai i chiu sa nai pathang pi ai.
10 Kai i paleung ka-echi ly kangji nga naimy sum u ai;
nichi ly vaimy ahei khrikhra iy angpreng u ai.