SAM 24
Nang parai nai samrangnote Hebrai cha lu: Davida i thui nai Sam.
1 Khaileaung pri hawi khaileaung pri y awm nai ngiereichi ai py,Ref 24.1: 1 Kor 10.26
khaileaung hawi khaileaung salo y heng nai amjy bawibawichi ai py, Areng my peang nai ne.
2 Mymy ly khaileaung ai khaileaung anui i tui kathiura y langdeng pala bo.
Thiu parai nai suida panglichi theung y sangum pala iy sa nai ne.
3 Areng i mawinote 24:3\xk Areng i mawi: Jerusalem i Achura yhm sa nai mawi. \x* salo y lyn pajau ai nai khumi ly ami mo?
Mymy i Achura yhm kachai theung y kun pajau ai nai khumi ly ami mo?
4 Kaja hawi iy paleung chai naimy Ref 24.4: Mt 5.8
tameuh takhrachi ai chiu y nai khumichi,
tapawp y, adeu nai vaineng taphra vai y nai khumichi ne.
5 Areng ly huni khumichi ai amtheaung hai iy atleu ai.
Huni khumichi ly kamngo chai nai khumichi ne,
nanai Areng ly amthang hai ai.
6 Huna nai khumichi ly Tameuh teng y ahihawi nai khumichi,
Jakob i Tameuh ai chiu u nai khumichi ne.
7 Mary apai katheu pa-khochi paeaung u;
jangni i katheuchi py paeaung u;
nang parai nai samrang kun ai.
8 Huni nang parai nai samrang ly ami mo?
Huni samrang ly sa thai naira haiho awm nai Areng,
tavai eaung nai Areng ne.
9 Mary apai katheu pa-khochi paeaung u;
jangni i katheuchi py paeaung u;
nang parai nai samrang kun ai.
10 Huni nang parai nai samrang ly ami mo?
Nang parai nai samrang ly tavai eaung nai Areng ne.