SAM 22
Aeu naimy tangam nai hawi palo nai khulym thui nainote Hebrai cha lu: Davida i thui nai Sam.
1 Kai i Tameuh, aw kai i Tameuh, ati mana nai kai ai khai su lawh mo?Ref 22.1: Mt 27.46; Mk 15.34
Sabawmra nga ai nai kai ly aeu bo;
na i py vai khrairei sabawm y rai.
2 Kai i Tameuh, kanithun khala y nang ai kang palau;
na i py nang ly pathang y.
Kai ly vum y kang palau bo;
na i py kai ly paleung awmnem naira ngo y.
3 Na i py nang ly Israela chengchi my areng atehra salo y
tahm pasang nai leaungrei awm khyh nai, chai parai nai keung ne.
4 Kaichi i amsi pajochi ly nang ai ym u nai ne.
Huna nai nichi my ym u nai deaungkho y, nang ly nichi ai atleu bo.
5 Nichi ly nang teng y aeu naimy hnei takeng nai deaungkho y,
ka-jeira i nai lawira nga u bo.
Nichi ly nang ai ym u nai molam y, hawi naira nga u nai ne.
6 Na i py kai ly khumi ny y, thaideaung teu;
khumi lutengchi my thui tamawn nai, khumi mei aniu y naira lawm bo.
7 Kai ai niu nai khumi lutengchi my ang panui hai bo.Ref 22.7: Mt 27.39; Mk 15.29; Lk 23.35
Nichi ly palai pathu hai iy, lu heang u nai ne.
8 Nichi my, “Nang ly Areng ai ym lo-oh!Ref 22.8: Mt 27.43
Ati mana nai y nang ai atleu y lawh mo?
Areng ly nang ai tamen nabaly,
ati mana nai mymy ly nang ai atleu y lawh mo?,” nanai thui u.
9 Kai ai patang naira avum hai y naimy,
amhm taku theung i dengdairei tapen hai nai keung ly nang ne.
Deaungdi chymplei nai khala py, nang ly kai ai chymme naimy khai bo.
10 Kai ly tapen khyp khala i dengdairei nang ai ym bo;
huni neng dengdairei nang ly kai i Tameuh ne.
11 Kai hawi palo naira y awm vui moh kyh ba!
Kai ly patang naira avum ai bo.
Sabawm ai nai keung leaungrei py by y.
12 Kai i paleung ka-echi ly
Bashan meingtym i ka-jei awm parai nai si kataichi kamta,
kai ai ang taki na bo.
13 Khrangsichi kamta labeaung ang iy,
hang naimy kai ai kei ai nai sa bo.
14 Kai i atho ly khaileaung y beu nai tui kamta phuirawm veng bo.
Kai i hiu bawibawichi ly athlengthlai pawn bo.
Taku theung i paleung pakawi ly
tlawn vui nai phajeaungdeng kamta lawm bo.
15 Kai i taonote 22:15\xk tao: Hebrai leu y “atho” nanai sai ne. \x* ly spryh kamta phuirawm i,
kai i palai py dangkang y akau vui bo.
Nang ly kai ai dei hai ai nai spryhra y khai su bo.
16 Khumi hawi y naichi ly kai ai katanmeuh bo.
Nichi ly kasui kanghuchi kamta kai i sahawi y ahihawi iy,
kai i kiu kheuchi ai kei piupa bo.
17 Kai i hiu bawibawi ly amteng seaungkhrang na.
Paleung ka-echi ly kai ai amo theu naimy khen u ripati bo.
18 Nichi ly kai i ateaungchi ai mychi tengtawi amji u.Ref 22.18: Mt 27.35; Mk 15.24; Lk 23.34; Jh 19.24
Kai i baichu kangjiu ai tambe va u bo.
19 Aw Areng, kai hawi palo naira y awm vui moh kyh ba!
Jeu kaliki iy atleu kyh ba.
20 Haisau bo ka-jeira i nai kai ai atleu kyh ba.
Hini uichi ka-jeira i nai kai ai atleu kyh ba.
21 Hini khrangsichi labeaung i nai kai ai atleu kyh ba.
Hini si parai nai si kataichi taki i nai kai ai atleu kyh ba.
22 Nang i sa nai leaungsaichi ai, kai i amjo amnauchi teng y amti pi ai.Ref 22.22: Heb 2.12
Nichi i achu naira y kai ly nang ai palo ai.
23 Areng i miseaungchi awi, mymy ai ly palo u!
Jakob i kangpreangchi awi, mymy ai tahm khai u!
Israela chengchi awi, mymy ai ly chiu u!
24 Mymy ly khumi kamawnchi ai khai su y leang;
nichi i ngari patang naichi ai py dawndan pi y nai by y.
Mymy ly nichi teng i nai meimai hi pi vui y leang.
Sabawm ai nai nichi i aeu hnei takeng nai pathang pi bo.
25 Kai ly nang i pahen nai saho y nang ai chiu nai
khumi mipuichi mo y nang ai palo ai.
Kai ly kaimy i adeu nai kamta, apathyp ai.
26 Khumi kamawnchi ly kajeu kawi pa-rei cha ai nai nga u ai.
Tameuh teng y ahihawi nai khumichi ly mymy ai palo u ai.
Nichi ly deungtasarei hawi naira nga u ai!
27 Khumi cheng cheaungkhangchi ly Areng ai pany u jo ai.
Khaileaung pri meingtym tleirei i khumi cheng bawibawichi ly
paleung amtlau iy, nang ai chiu u ai.
28 Areng ly samrang ne;
khumi cheng cheaungkhangchi ai peang bo.
29 Paleung len nai khumi bawibawichi ly nang teng y lu meung u ai.
Dei nai amjy khumi bawibawichi ly nang i mo y lu meung u ai.
30 Mo mang i deng kangthauchi ly nang i amtaw thau u ai.
Vai i deung kangthauchi ly mo mang i deng kangthauchi teng y, Areng i satang amti pi ai.
31 “Areng ly mymy i khumichi ai atleu pi bo,” nanai
mo mang y tapen nai khumichi teng y thui pi ai.