SAM 149
Palo nai khulym
Areng i mo y khulym kangtha thui u;
mymy ai ka-ym awm nai khumichi i achu naira y, mymy ai palo u!
2 Israela chengchi awi, nangchi ai sa nai keung molam y amo theu u;
Zion mary i khumichi awi, nangchi i samrang molam y amo theu u!
3 Lam nai hawimy mymy i amyn palo u;
atymchi hawi tarochi beu naimy mymy ai palo u.
4 Areng ly mymy i khumichi ai tamen nai ne;
tahm anem nai khumichi ai, eaung nai hawimy tahm pasang u.
5 Tameuh i khumichi ly tavai eaung nai deaungkho y amo theu u sy;
vumtorei amo theu naimy khulym thui u sy.
6 Pri bawibawichi ai tiu pajau iy,
khumi cheng cheaungkhangchi ai pajeng ai nai py,
7 nichi i samrangchi ai sengkry hawi pakheng iy
nichi i lu sa nai keungchi ai tamo dengki thiu ai nai py,
8 Tameuh i leu pei nai kamta,
pri bawibawichi ai pajeng ai nai py,
9 Tameuh i khumichi ly chiu parai nai haisau syn u sy;
hini ly Tameuh i khumichi i eaung pawi ne.
Areng ai palo u!