SAM 126
Atleura nga ai nai chiu sa nai
1 Achi ai Jerusalem mary y ang pahawi ali teang nai ly
amang kamta ne!
2 Achi ly khrikhri pa-rei panui u iy, amo theu naimy khulym thui ai nai nga u bo!
Huna nai khala takhra khumichi my,
“Areng ly hini khumichi i vui nang parai nairachi sa pi na a,” nanai thui u bo.
3 Mymy ly achi i vui nang parai nairachi ang sa pi khyp nai ne;
achi ly khri pa-rei amo theu u na a!
4 Aw Areng, kanitui ly tui kang nai tavo micheaungchi ai tui kawi hai teang nai kamta,
kaichi ai nang chawn ai nai pei ali teang kyh ba.
5 Mei katui tla naimy amti amjang pati nai khumichi ai ly
amo theu parai naimy amti amjang pakym achu ai nai pei pi kyh ba!
6 Mei katui tla naimy ti syn nai khumichi ly
amti amjangchi syn iy amo theu parai naimy
khulym thui nai tarawi y vawi u ali teang ai.