SAM 118
Eaung naira nga nai y kawn naimy chiu sa nai
1 Areng ly hawi nai ne i, tamen naira lyRef 118.1: 1 Neng 16.34; 2 Neng 5.13, 7.3; Eza 3.11; Sam 100.5, 106.1, 107.1, 136.1; Jer 33.11
deungtasarei awm nai deaungkho y, mymy ai kawn nai palo u.
2 “Nang i tamen naira ly deungtasarei ne,” nanai
Israela chengchi thui u sy.
3 “Nang i tamen naira ly deungtasarei ne,” nanai
Tameuh i pathyp pi nai keungchi thui u na sy.
4 “Nang i tamen naira ly deungtasarei ne,” nanai
nang ai chiu nai khumi bawibawichi my thui u sy.
5 Kai ly khri pa-rei patang naira avum nai deaungkho y,
Areng teng y chiu kasa;
mymy py pathang i, kai ai lawi naira nga hai bo.
6 Areng ly kai hawi vanrei awm nai ne i, kai ly jei ai ny y;Ref 118.6: Heb 13.6
khumi ly kai ai ati sa hai pajau ai mo?
7 Kai ai sabawm nai keung ly Areng ne nai deaungkho y,
kai ly paleung ka-echi sum nai kaniu ai.
8 Khumi ai ym nai tleaung y ly
Areng ai ym nai ly hawi keh.
9 Lu sa nai khumi ai ym nai tleaung y ly
Areng ai ym nai ly hawi keh.
10 Kai i tengpang sahawi y paleung ka-echi awm teu i py,
kai ly Areng i sa thai naira hawimy, nichi ai katamyh pawn nai ne!
11 Nichi ly cheaungkhangra mang kai ai ang taki na teu i py,
kai ly Areng i sa thai naira hawimy, nichi ai katamyh pawn nai ne!
12 Nichi ly khawichi kamta kai ai ang tabawm u teu i py,
aleng phreung ai mai my kang nai kamta, tama pawn veng ryp bo;
kai ly Areng i sa thai naira hawimy, nichi ai katamyh pawn nai ne.
13 Kai ly khri pa-rei ang tiu nai avum iy sum teu i py,
Areng ly kai ai sabawm bo.
14 Areng ly kai ai sa thai naira haiho len hai nai ne;Ref 118.14: Theu 15.2; Is 12.2
15 “Areng ly khri pa-rei sa thai naira hawimy lyh ai awm naichi sa!
Sa thai naira len parai nai saho y, kaichi ly eaung naira nga bo!,” nanai
16 Tameuh i khumichi ly Taichi theung mang dengdairei
amo theu parai naimy eaung nai raawi hawi aeu nai ly tangai u.
17 Kai ly dei y naimy heng i,
Areng i sa nai saichi thui pi ai.
18 Mymy ly kai ai khri pa-rei pajeng teu i py,
dei nai areng kiu y au y leang.
19 Kai i vui Achura yhm katheuchi paeaung pi u;
kai ly kun iy Areng ai palo ai
20 Hini katheu ly Areng i katheu ne i,
khumi kahawichi naini kun ai nga khyh nai ne.
21 Aw Areng, nang ly kai i hnei nai thai i,
kai ai eaung naira pei nai deaungkho y, kai ly nang ai palo nai ne.
22 Yhm sa nai khumichi my khai su nai lengseaung lyRef 118.22: Lk 20.17; Amt 4.11; 1 Pet 2.7Ref 118.22-23: Mt 21.42; Mk 12.10-11
aly len keh nai taki i lengseaung lawm bo.
23 Hini ly Areng i sa nai kalop ne;
achi i mei ka-niu y lyh ai awm parai na a!
24 Hini kani ly Areng i eaung nai kani ne i,
achi ly amo theu parai naimy pawi so u sina!
25 Aw Areng, kaichi ai atleu kyh ba, kaichi ai atleu kyh ba!Ref 118.25: Mt 21.9; Mk 11.9; Jh 12.13
Aw Areng, kaichi ai eaung ai nai pei kyh ba!
26 Areng i amyn y jeu nai keung ai ly Tameuh my amtheaung naira pei sy!Ref 118.26: Mt 21.9, 23.39; Mk 11.9; Lk 13.35, 19.38; Jh 12.13
Kaichi ly Areng i yhm mang dengdairei, nang ai amtheaung naira pei ai.
27 Areng ly Tameuh ne; mymy ly achi ai hawi ang sa pi bo.
Nangchi ly lymlo changpichi syn ly pawi sa amteaung iy,
28 Nang ly kaichi i Tameuh ne i, kaichi ly nang ai kawn naimy palo ai;
kaichi ly nang i nang parai nai saichi amthang hai ai.
29 Areng ai kawn naimy palo u; ati mana nai mo nabaly
mymy ly hawi i, tamen naira py deungtasarei ne.