13
1 Cheng naira awm nai chapo ly ampo i thui parip nai tangai reng; na i py paleung len nai khumi ly mana khala py mymy i tamang nai uikheih vai y.
2 Khumi kahawichi ly mymychi i thui katheu nai kawn vang nga u ai; na i py li-tapawp reng nai khumichi ly khrukhra nairachi sa reng.
3 Leu amkyn nai khumi ly amy i hengra ai akry nai ne. Leu katheu ngaulau reng nai khumi ly phra ai.
4 Khumi napjang ly ngai nai sai ho-na teu i py, my i ngai nai ly mana khala py, nga pajau ai ny y; angjeng atyp nai khumi ly mymy i aly ngai nai ngierei nga angym ai.
5 Neaung hawi nai khumi ly ka-chawi leu ai niu ngai y; na i py khumi hawi y naichi i leu ly tahm anem hai iy kaji ai nai hawi parai.
6 Leu meitang teaung nai ly kamngo by y nai khumi ai ama hai; hawi y naira ly kamngo sa nai khumichi ai atlym hai nai ne.
7 Phyrei khumichi ly ati sai py ny y pui naimy, khumi kanang amlawn u reng; na i py phyrei khumichi ly khri pa-rei nang teu i py, khumi kamawn amlawn u reng nai ne.
8 Khumi kanangchi ly mymychi i hengra ai tangka hawi atleu; na i py khumi kamawn ly ami i pajei pahyn nai avum vai y.
9 Leu meitang teaung nai khumichi ly angvang teaung nanai kangvang hawi atawm; khumi hawi y naichi ly jumryh jumryh reng nai maisi yhm hawi atawm.
10 Paleung len reng nai khumi ly patang hai naira ny y baly ati sai py pei vai y; tau kahawi hnei reng nai khumi ly cheng naira awmra nai ne.
11 Rai y naimy nga nai yhmtheaung katuichi ly rai y naimy khei kang dudu reng; ko rypsy nai yhmtheaung katui ly peungra peungra reng nai ne.
12 Athang khai naira by y nai khumi ly paleung phra athosi reng; na i py aly ngai nai nga angym nai khumi ly amo theu.
13 Tau kahawi pei nai leu ai akhi reng nai khumi ly ka-jeira ai palau nai khumi ne; tau kahawi pei nai ai tangai reng nai khumi ly chymme naimy awmnem ai nai nga.
14 Khumi kachengchi i parip nai leuchi ly hengra tuino kamta ne i, dei areng i vuinawn ra i nai nang ai lawi hai ai.
15 Tau cheng naira awm nai khumi ly khumi takhrachi i tahm khai naira avum reng; na i py ka-ym by y nai khumi ly patang naira avum reng.
16 Cheng naira awm nai khumi ly kalop sai sairei so y rai khala, adawn yb reng; khumi hawi y naichi ly mymychi teng y, cheng naira by y nai amthang leaung nai ne.
17 Ka-ym by y nai savaichi ly khrukhra nairachi sa reng; na i py ka-ym awm nai khumichi ly padyh padawi pi reng nai ne.
18 Thui parip nai ai ngai y nai khumi ly ngari kamtang avum iy tahm anem ai; thui parip nai ai tangai nai ngiereichi ly tahm khai naira avum ai.
19 Ngai nairachi nga angym nai ly paleung amo theu hai reng! Khumi hawi y naichi ly kamngo sa ai nai akhi vai y.
20 Khumi kachengchi hawi amkawm nai khumi ly khumi kacheng lawm ai. Khumi hawi y naichi hawi amkawm nai khumi ly phra ai.
21 Kamngo sa nai khumichi chei naira y, taham kasi abang reng; na i py khumi kahawichi ly hawi naira nga u ai.
22 Khumi kahawi ly my i katu chanauchi i vui y yhmtheaung khai pi pajau ai; na i py kamngo sa nai khumichi i yhmtheaung katuichi ly khumi kahawichi i kiu y tym vui ai.
23 Khumi kamawnchi ly paitiu khuta ra i, teicha teinei neangneang nga u pajau; na i py tau hawi y naichi molam y, huni li hlauchi sa ai nai ngo u y.
24 Cho chanau ai thui parip y nai khumi ly my i cho chanau ai tamen y nai ne; my i cho chanau ai tamen nai khumi ly thui parip ai.
25 Leu meitang teaung nai khumichi ly bym pa-rei cha ai nai nga u ai; na i py khumi hawi y naichi ly kajeu alam u ai.