34
Kanan pri i khujyhchi
1 Areng my Mosi teng y,
2 Israela chengchi i vui leu pei naichi ly: “Nangchi ly kaimy pei nai Kanan pri y tym u nai khala, nangchi peang ai nai khujyh ly hina nai jyh pi ai nai tla.
3 Tokalawi mang khujyh ly Zin daichi ka-vym dengdairei Edom pri khujyh jeung khrairei ne. Huni khujyh ly pangli kadei tokalawi kachawn nisi mang dengdairei amteaung ai nai tla.
4 Hu i nai bo baly tokalawi mang y ami iy, Akrabim mawi aleaung mang y chei nai Zin daichi ka-vym tako leu nai tokalawi mang Kadesa Barnea mang py, naibaly nidym tosyh taki Hazar Addar mang py, hu i nai Azamon mang py,
5 naibaly hu i nai ami iy Aikupta pri khujyh i leaunghawi mang py chei iy, Mrethe pangli kachawn y patem ai nai tla.
6 “Nidym mang khujyh ly Mrethe pangli peang ne.
7 “Tosyh mang khujyh ly Mrethe pangli peang dengdairei, Hora mawi mang py,
8 Hu i dengdairei Hamath mawi aleaung mang py kan prei iy, hu i bi baly Zedad mang py,
9 Zedad hawi Ziphron kan prei nai bo y, Hazar Enan y patem ai nai tla.
10 “Nisi mang khujyh ly Hazar Enan dengdairei Sepham mang py,
11 hu i bo baly tokalawi mang Ain nisi ngan Harbel mang py, naibaly Kalili ang peang nisi mang i mawi aheungchi ai kan prei chum baly,
12 tokalawi mang Jordan tavo jeungrei ne iy, pangli kadei y patem ai nai tla.
“Nangchi i pri khujyh palyhreichi ly hunai kamta awm ai nai ne,” napi.
13 Hunai deaungkho y Mosi my Israela chengchi teng y, “Hini khu ka-peang ly Areng my nangchi theaung takawrei hawi theaung ka-hyhreichi teng y phy pi nai khu ka-peang ne i, nangchi ly tambe va iy aphy u ai nai tla. Ref 34:13-15 Josua 14:1-5
14 Ruben theaung, Kad theaung hawi nisi ngan mang i Manase theaung ka-hyhreichi ly
15 Jordan tavo nisi mang Jeriko mary kangka khu ka-peang ai, mychi i nupai ka-lyp phy paji pi yb bo,” napi.
Khaileaung phy paji pi nai luchi
16 Areng my Mosi teng y,
17 “Pathyp pi nai keung Eleaza hawi Nun i chapo Josua nini ly khumi mipuichi i vui khaileaung phy paji pi ai nai tla.
18 Huni bo y theaung harei i lu leaung leaungrei vawi iy, nini ai sabawm hai ai nai tla,” napi.
19-28 Hinichi ly Areng my vawi takhra nai khumichi ne:
29 Hini khumichi ly Israela chengchi teng y Kanan pri phy paji pi ai nai Areng my khai nai khumichi ne.