12
Miriam ai pajeng nai
1 Mosi ly Midiannote 12:1 Midian: ti y baly Ethiopia khumi.neampachy leaungrei ai pom nai deaungkho y Miriam hawi Aron nini my, huni molam y leu nawi hai nai ne.
2 Nini my, “Areng ly Mosi dengdairei leu pei pajau khyh nai sai a? kaini dengdairei py leu pei pajau y nai sai a?” nanai thui hawi bo. Huni leu ai Areng ly thai nai ne.
3 (Mosi ly paleung apanem nai khumi ne; khaileaung pri y ni kamta paleung apanem nai khumi ami py by y.)
4 Areng ly vaimy Mosi, Aron hawi Miriamchi teng y, “Nangchi leaung thomrei theu u ly kai i awmra Tabynako mang y jeu u,” napi. Nichi ly chei u bo.
5 Naibaly Areng ly tamai theung mang satla kathiu i, Tabynako katheu pa-khora angdo iy, “Aron! Miriam awi!” nanai palau; naibaly nini ly mo mang y chei hawi i,
6 Areng my, “Vai kai i leu pei nai tangai hawi! Nangchi theung y amochi awm khala kai ly nichi teng y amang mang py, amei-amang jyh y py amteng hai iy kang thui pi.
7 Kai i miseaung Mosi ly huna nai amo py ny y; kai i khumi Israela cheng theaung verei kry ai nai ni teng y kaimy au nai ne.Ref 12:7 Heb 3:2
8 Hunai deaungkho y kai ly ni hawi mo atha iy chai pyn naimy kathui pi; leu aki nai kamta thui pi vai y leang. Ni ly kai i tlang apheung malawn py niu bo! Nangni ly kai i miseaung Mosi ai ati mana nai thui tamawn vam hawi lawh mo?” napi.
9 Areng ly nini ai kado theu hai; naibaly mymy ly leh vui i,
10 Tabynako salo i dengdairei tamai angteang kalau vui nai khala, Miriam ly ka-jei awm nai nganpeih no man nai deaungkho y, tlang verei kaleungbiu na. Aron ly Miriam i tlang y ang vawi hawi y nai man nai niu baly,
11 Mosi teng y, “Sara awi, kaini i sa tamang nai kamngo molam y, kaini ai pajeng mo kyh ba.
12 Tapen khyp khala i dengdairei tlang ka-hyhrei veaung tlawn nai kadei kamta, Miriam ai lawm hai mo kyh ba,” nanai takeng bo.
13 Naibaly Mosi ly Areng teng y, “Aw Tameuh, Miriam ai ly hawi so pi teang kyh ba!” nanai aeu naimy hnei takeng pi bo.
14 Areng my Mosi teng y, “Ni i meimai y ampo my pachi pathawi pi baly, ni ly kani saryhrei angji ngailai naimy awm ai. Hunai deaungkho y ni ly tai i angam mang y kani saryhrei awm sy, huni bo y tai theung y kun hai ali teang,” napi.Ref 12:14 Kati 5:2-3
15 Miriam ai kani saryhrei tai angam mang y awm hai takhra ai nai patheu vui bo. Ni ly tai theung y vawi teang khala naini, khumichi ly khuleaung amsa u nai ne.
16 Huni bo y nichi ly Hazeroth dengdairei theu u i, Paran daichi ka-vym y tai u bo.