2
Ninevi mary phra nai
1 Aw Ninevi mary, paleung ka-e ly nang ai ang tiu bo!
Nang ai tamyh ai nai khumi ly ang tym bo.
Nang i amtangrachi ai hawihai lu so!
Lam y tamcheaung khai!
Atiu ai nai angveirym!
2 (Areng ly Israela chengchi ai paleung ka-echi my tiu y rai khala i awm nai kamta, awm ali teang nai neng tym hai ai.)
3 Paleung ka-e risachi ly khupui kamsenchi syn iy
atawm riri nai ateaung kamsenchi amchiu u.
Nichi ly atiu ai nai angvei u rym bo!
Nichi i tavai keaungngo ka-richi ly mai kadeu kamta angveaung na!
Nichi i keaungngochinote 2:3\xk keaungngochi: Hebrai leu y ngam heng-a jo nai maicha keungchi hawi atawm, nanai sai ne.\x*ly achaw lengleang na!
4 Tavai keaungngo ka-richi ly amli hai kaliki iy,
khumichi amkheng nai meingtymra y, amli kathiu, amli kalau u bo.
Hunichi ly maiteaung kamta angvang phang na i,
amlosadi theu nai kamta rang parai na.
5 Tavai lu arengchi ai palau nai khala,
nichi ly pathuikhe i, atlymvi naimy mo mang y amsa u bo.
Atiu nai keungchi ly mary apai mang y angpreng kaliki i, khopuichi
adang iy amtangrachi panawi ai nai tamtleang puichi tai u.
6 Tavo sahawi i mary apai katheuchi ly vaimy am-eaung fau veng bo;
samrang yhm theung y py, jei nai paleung kawi na.
7 Samrangnu ai ly patiu veng bo;
ni i aheaung apaichi ly buhuchi kamta, vo tangam u.
Nichi ly paleung si nai deaungkho y, mymychi i paleung y atum u ryry bo.
8 Tui kam-eng leaung fau nai tui kamta,
khumichi ly Ninevi mary i dengdairei, athorei my preang u bo!
Nichi ai, Anawn! Anawn!” nanai aeu bo;
na i py khen alengli teang y.
9 Tangka lawm u!
Muku lawm u!
Hini mary ly yhmtheaung katui nang nai mary ne na a!
10 Ninevi mary ly phra veng bo; khumi angso by y, savai tlang na bo!
Khumichi ly khri pa-rei jei nai deaungkho y, paleung pakawi angto y vi na,
kheukhu anghyn naimy, atho bai u na.
Nichi i meimaira py, thi by y na bo.
11 Khrangsichi aeung nai tapiu,
khrangsi chochi ai teicha pacho nai meingtym,
khrangsi katheang kalenchi chymme naimy
awm ai nai abyhra meingtym hawi atawm nai mary ly
vai, ma mang y awm mo?
12 Khrangsi ly mawi kei chum baly
khrangsinu hawi chochi i vui, keibaw keibaw iy,
huni mawi akawichi hawi, mawi tapiu y kawi mang hai reng nai ne.
13 Ati cheaungkhang sa thai nai Areng my, “Kai ly nang i paleung ka-e ne. Nang i ka-richi mai y leng pawn ai. Nang i tavaimi risachi ly tavai keung y dei u ai. Amichi teng i nangchi my lawm vui nai vawnsai ngiereichi ai, kaimy taphra vui ai. Nang i savaichi hnei nai raawi thai u ai ny y leang bo,” napi.