20
1 Areng my Mosi teng y
2 Israela khumichi teng y amti pi ai nai leu pei nai ly “Nangchi theung i mo, ti y baly nangchi theung y awm nai cheng takhrachi theung i mo, leaung leaungrei my mymy i cho chanau ai Mole tameuh teng y leng patlum ai nai talam lawh baly, cheng vereichi my ni ai lengseaung hawi aphi ka ai nai tla.
3 Ami mi py my i cho chanau ai Mole tameuh teng chiu ai nai pei nai molam y, kai i Tabynako ai chai hai y iy kai i amyn thui tamawn lawh baly, kai ly ni ai meimai hi pi vui iy kai i khumichi theung i nai nyn va vui ai.
4 Na i py khumi humpui my ni ai bawi lo pi y iy padei y lawh baly,
5 ni hawi ni i yhm dengtheungchi ai py, huni khumi kamta kai ai ka-awi sa iy Mole tameuh ai chiu nai ngiereichi ai py, kai ly meimai hi vui iy kai i khumichi theung i nai nyn va vui ai.
6 “Kadeichi i phailo hawi leu arum nai khumichi teng y tau hnei nai khumi ai, kai ly meimai hi vui iy kai i khumichi theung i nai nyn va vui ai.
7 Kai ly nangchi i Areng ne nai deaungkho y, nangchi ly chai u ai nai tla.
8 Kai i reita leu pei naichi tangai u; ati mana nai mo na baly Kai ly nangchi ai chai hai nai Areng ne,” napi.
9 Areng ly hini reitachi khai pi bo; amy i amhm ampo ai pasawi nai khumi ai ly padei ai nai tla; amhm ampo ai pasawi nai deaungkho y dei ai ataing nai ne.Ref 20.9 Theu 21:17; Mt 15:4; Mk 7:10
10 Khumi neampacho leaungrei ly Israela cheng tengtawi i aju hawi tamang lawh baly, nini leaung nyhrei ai padei mei ai nai tla. Ref 20:10 Theu 20:14, Lev 18:20, Leu 5:18
11 Ampo i aju leaung leaungrei hawi tamang nai khumi ly my i ampo ai kangji pei nai ne i, nini leaung nyhrei ai padei mei ai nai tla. Nini ly dei ai ataing nai kamngo sa hawi nai ne.Ref 20:11 Lev 18:8; Leu 22:30; 27:20
12 Khumi neampacho leaungrei ly my i lengngo hawi tamang lawh baly, nini leaung nyhrei ai padei mei ai nai tla. Nini ly thi ngan ka-bi tengtawi tamang lawh nai deaungkho y, nini ly dei ai ataing nai ne. Ref 20:12 Lev 18:15
13 Neampacho tengtawi ta-pui ta-chi apha nai ly amso ngai naira sahawi nai ne i, nini leaung nyhrei ai padei mei ai nai tla. Nini ly dei ai ataing nai kamngo sahawi nai ne. Ref 20:13 Lev 18:22
14 Khumi neampacho leaungrei ly chaniu hawi amhm ai aju palawn mei lawh baly, kaji ai hawi nai deaungkho y nichi leaung thomrei ai mai y leng iy padei ai nai tla.Ref 20:14 Lev 18:17; Leu 27:23
15 Khumi neampacho leaungrei ly tawnbawi hawi apajang lawh baly, huni khumi hawi vanrei tawnbawi ai py padei mei ai nai tla.
16 Neampachy leaungrei ly tawnbawi hawi apajang lawh baly, huni neampachy hawi vanrei tawnbawi ai py padei mei ai nai tla. Nini ly dei ai ataing nai kamngo sahawi nai ne. Ref 20:15-16 Theu 22:19; Lev 18:23; Leu 27:21
17 Khumi neampacho leaungrei ly my i tuicho kypkyp, ny y baly ampo vanrei, amhm takhra nai tuicho ai pom lawh baly, nini leaung nyhrei ai khumi mipuichi mo y kangji pei iy, Israela chengchi theung i nai nyn va vui ai nai tla. Ni ly tuicho hawi ta-pui ta-chi apha nai deaungkho y, kamngo pajeng ai nai tla. Ref 20:17 Lev 18:9; Leu 27:22
18 Khumi neampacho leaungrei ly tlangchai tym nai neampachy hawi ta-pui ta-chi apha lawh baly, nini leaung nyhrei ly kachai sa nai reita ai taphra nai deaungkho y Israela chengchi theung i nai nyn va vui ai nai tla. Ref 20:18 Lev 18:19
19 Khumi neampacho leaungrei ly amni hawi ta-pui ta-chi apha lawh baly, thi ngan ka-bi tengtawi tamang nai ne i, nini leaung nyhrei ai pajeng mei ai nai tla.
20 Khumi neampacho leaungrei ly my i ampomo, ti y baly ampochy i aju hawi ta-pui ta-chi apha lawh baly, ni ly ampomo, ti y baly ampochy ai kangji pei nai deaungkho y, nini ai ly kamngo pajeng ai nai tla; nini ly cho chanau ngo y ai. Ref 20:19-20 Lev 18:12-14
21 Khumi neampacho leaungrei ly amjo amnau i aju ai pom lawh baly, nini ly cho chanau so y naimy dei hawi ai. Ni ly reita leaungsai y chai y naira sa lawh nai deaungkho y, my i amjo amnau ai kangji pei nai ne.Ref 20:21 Lev 18:16
22 Naibaly Areng my, “Kaimy pahawi iy nangchi tym u ai nai Kanan pri i dengdairei, nangchi ai patheu y ai nai kai i reitachi hawi leu kang pei nai bawibawichi patawm u ai nai tla.
23 Huni pri y awm nai khumichi i reita kamta so u moh; huni pri y nangchi kun u pajau ai nai molam y, kai ly huni pri i khumichi ai patheu pawn ai. Kai ly nichi i hawi y nai reitachi ai kapaso nai ne.
24 Na i py teicha teinei avaw y iy pa-tiu khuta hawi nai, huni pri nangchi amtym ai nai kang pei ai, nanai adeu nai kamta kai ly sa pi ai. Kai ly nangchi i Areng Tameuh ne iy, nangchi ly khumi takhrachi hawi atawm y, kaimy vawi takhra nai khumichi ne.
25 Hunai deaungkho y nangchi ly reita y cha ngau nai tawnbawi hawi tavo, cho ngau y nai tawnbawi hawi tavochi ai hawihai palai khawilang thai ai nai tla. Chai y nai tawnbawi hawi tavochi ly cho u moh. Kai ly hunichi ai chai y, nanai palawn nai deaungkho y huni heng nai amjychi ai cha lawh baly, nangchi ly chai y ai.
26 Kai ly Areng ne iy chai nai deaungkho y nangchi py chai ai nai tla. Nangchi ly kaimy vawi nai kai i khumichi ne. Kai naini nangchi ai kang peang ai nai, nangchi ai khumi cheng cheaungkhangchi theung i nai kaimy vawi takhra nai bo.
27 “Khumi kadeichi i phailo hawi leu arum nai neampacho ai py, neampachy ai py, lengseaung hawi aphi ka ai nai tla; ni ly dei ai ataing nai kamngo sa nai ne,” napi.