15
Juda samrang Uzia
(2 Neng 26:1-23)
1 Israela samrang pa-nyh Jeroboam i peang nai saneng 27 rei saneng y, Amazia i chapo Uzia ly saneng holai tariurei awm nai khala,
2 Jerusalem mary y saneng 52 rei peang nai ne. Ni i amhm ly Jerusalem mary i neampachy Jekolia ne.
3 Uzia ly ampo i sa nai kamta Areng i kangai sa.
4 Na i py myn chiu nai meingtymchi taphra y nai deaungkho y, khumichi ly huni meingtymchi ra y, kapathyprachi talam iy rimuichi patawi u bo.
5 Areng ly Uzia ai keaungsi man hai nai deaungkho y, ni ly dei pa-rei huni roka awm jo. Naibaly chapo Jotham teng y pri peang nai kalop au iy, mymy ly yhm takhra ra awm nai ne.
6 Samrang Uzia i atiti sa naichi ly Juda razavang cha-iu theung y tajiu pi typ nai ne.
7 Uzia dei nai khala ni ai ly Davida mary samrangchi i tapreaung y up. Naibaly ni i chapo Jotham ly samrang y atheng bo.Ref 15.7: Is 6:1
Israela samrang Zekhariah
8 Juda samrang Uzia i peang nai saneng 38 rei saneng y, pa-nyh Jeroboam i chapo Zekhariah ly Israela samrang lawm i, Samari mary y lo tariurei peang.
9 Ni ly mymy ny y rai khala i peang nai samrangchi kamta, Areng i tlang tleaung y kamngo sa. Ni ly Israela chengchi ai kamngo lam mang y pahawi nai keung Neba i chapo samrang Jeroboam i hawi y nai lam mang y abang nai ne.
10 Jabe i chapo Shalum ly dawn paviu i, samrang Zekhariah ai Ibalamnote 15:10\xk Ibalam: Hebrai leu y “mipui mo y” nanai sai ne. \x* mary y padei chum baly, ni i meingtym amtym iy samrang lawm bo.
11 Samrang Zekhariah i atiti sa naichi ly Israela razavang cha-iu theung y tajiu pi typ nai ne.
12 Hunai deaungkho y Areng my Jehu teng y, “Kai ly nang i katu chanauchi ai deung palyh tym pa-rei,note 15:12\xk deung palyh tym pa-rei: samrang Zekhariah ly Jehu i katu pa-thom ne. \x*Israela pri peang hai ai,” nanai leu pei nai kamta bo.Ref 15.12: 2 Areng 10:30
Israela samrang Shalum
13 Juda samrang Uzia i peang nai saneng 39 rei saneng y, Jabe i chapo Shalum ly Israela samrang lawm i, Samari mary y lorei peang nai ne.
14 Kadi i chapo Menahem ly Tirzah mary i dengdairei Samari mary y chei iy, Shalum ai padei vui i, ni i meingtym samrang y lyn bo.
15 Shalum i samrang Zekhariah ai kangviu y padei nai hawi, ni i atiti sa naichi ly Israela razavang cha-iu theung y tajiu pi typ nai ne.
16 Menahem ly Tirzah mary i dengdairei tavai thau nai thym khala, lam y Tapuah marynote 15:16\xk Tapuah mary: Hebrai leu y “Tipsah mary” napi. \x*i khumichi my amtang lawh nai deaungkho y, huni mary hawi tengpang i khu ka-peangchi ai taphra pawn. Ni ly neampachy jeubomchi ai malawn py, kajeu sekra iy padei nai ne.
Israela samrang Menahem
17 Juda samrang Uzia i peang nai saneng 39 rei saneng y, Kadi i chapo Menahem ly Israela samrang lawm i, Samari mary y saneng horei peang nai ne.
18 Ni ly Neba i chapo Jeroboam i sa tamang nai lam y abang iy, Areng i tlang tleaung y kamngo sa bo. Jeroboam ly mymy heng nai sala ryrei, Israela chengchi ai kamngo lam mang y pahawi nai khumi ne.
19 Asuria empara samrang Tiklath Pilesa ly Israela pri theung y kun iy tavai tiu bo. Huna nai khala Menahem ly mymy i sa thai naira khaw jo ai nai molam y, tangka chang sie 552,50rei hawi meimai sa.
20 Menahem ly huna nai pei pajau ai nai Israela kanangchi teng i, leaungrei y tangka chang vuipangrei cheaung nai ne. Naibaly Tiklath Pilesa ly mymy i pri mang y vawi teang bo.
21 Menahem i atiti sa naichi ly Israela razavang cha-iu theung y tajiu pi typ nai ne.
22 Ni dei nai khala y ni ai heung u bo. Ni i chapo Pekahia ly ampo i meingtym amtym i, samrang lawm nai ne.
Israela samrang Pekahia
23 Juda samrang Uzia i peang nai saneng 50 rei saneng y, Menahem i chapo Pekahia ly Israela samrang y lyn i, Samari mary y saneng nyhrei peang nai ne.
24 Ni ly Neba i chapo Jeroboam i sa tamang nai lam y abang i, Areng i tlang tleaung y kamngo sa. Jeroboam ly Israela chengchi ai kamngo sa ai nai lam patei nai khumi ne.
25 Pekahia i tavailu leaungrei, Remaliah i chapo Pekah ly Kilead pri i khumi leaung 50 reichi hawi vanrei, kangviu y Pekahia ai Samari mary samrang i yhm theung y padei vui iy, ni i meingtym samrang y lyn bo.
26 Pekahia i atiti sa naichi ly Israela razavang cha-iu theung y tajiu pi typ nai ne.
Israela samrang Pekah
27 Juda samrang Uzia i peang nai saneng 52 rei saneng y, Remaliah i chapo Pekah ly Israela samrang y lyn i, Samari mary y saneng apomrei peang nai ne.
28 Ni ly Neba i chapo Jeroboam i sa tamang nai lam y abang i, Areng i tlang tleaung y kamngo sa. Jeroboam ly Israela chengchi ai kamngo sa ai nai lam patei nai khumi ne.
29 Samrang Pekah my peang nai thym khala, Asuria empara samrang Tiklath Pilesa ly Ijon mary, Abelbet Maaka mary, Janoah mary, Kedesh mary, Hazo mary hawi Kilead pri, Kalili hawi Naphtali prichi ai peang vui iy, khumichi ai py Asuria pri mang y langheng y hawi pawn nai ne.
30 Uzia i chapo Juda samrang Jotham i peang nai saneng apomrei saneng y, Elah i chapo Hosea ly samrang Pekah ai kangviu y padei vui i, ni i meingtym samrang y lyn bo.
31 Pekah i atiti sa naichi ly Israela razavang cha-iu theung y tajiu pi typ nai ne.
Juda samrang Jotham
(2 Neng 27:1-9)
32 Remaliah i chapo Israela samrang Pekah i peang nai pa-nyh saneng y, Uzia i chapo Jotham ly
33 saneng 25 rei awm nai khala y, samrang lawm i, Jerusalem mary y saneng holai tariurei peang. Ni i amhm ly Zadok i chaniu Jerusa ne.
34 Jotham ly ampo Uzia i sa nai kamta, Areng kangai sa.
35 Na i py ni ly myn chiu nai meingtymchi taphra y nai deaungkho y, khumichi ly huni meingtymchi ra y apathyp iy, rimuichi patawi u. Jotham ly Achura yhm tosyh mang i katheu sa nai keung ne.
36 Jotham i atiti sa naichi ly Juda razavang cha-iu theung y tajiu pi typ nai ne.
37 Suria samrang Rezin hawi Israela samrang Pekah nini ai, Juda pri y tiu ai nai Areng my pato nai ly Jotham i deung y ne.
38 Jotham dei nai khala ni ai ly Davida mary samrangchi i tapreaung y up. Naibaly ni i chapo Ahaz ly ampo i meingtym samrang y lyn bo.