15
Juda theaung ai phy pi nai khu ka-peang
1 Juda theaung yhm dengtheungchi nga nai khu ka-peang ly hinichi ne. Juda theaungchi i khu ka-peang ly,tokalawi mang Edom pri khujyh ra awm nai Zin daichi ka-vym i tokalawi katem y khrairei ne.
2 Tokalawi mang khujyh ly pangli kadei tokalawi ngan katem dengdairei,
3 tokalawi mang y awm nai Akrabim mawi aleaung y takoleu baly, Zin mary ryrei tym. Hu i nai bi baly Kadesabana mary i tokalawi mang y chei iy, Hezaron mary ai takoleu naimy, Ahda mary mang y lyn i, Karka mary mang y amhi chum baly,
4 Azamon mary y tym nai ne. Naibaly Aikupta pri khujyh ra i micheaung heaung baly, Mrithe pangli y tym nai ne. Hini ly Juda khu ka-peang i tokalawi khujyh ne.
5 Nisi mang khujyh ly pangli kadei tokalawi katem dengdairei, Jordan tavo leaung nai tavo vum ryrei ne.
Tosyh mang khujyh ly huni tavo vum dengdairei amteaung iy,
6 Beth Hokalah mary mang py, hu i nai bi baly Bohan i lengseaung (Bohan ly Ruben i chapo ne.) mang y tym baly,
7 patangra napi nai leaunghawi dengdairei, Debira mary mang y lyn kalau nai ne. Naibaly leaunghawi tokalawi mang y awm nai Adumim mawi aleaung hawi adengdang nai, Kilakala mary awm nai tosyh mang y amhi bo. Naibaly Ensimai tuikho dengdairei Enrokela mary y tym chum baly,
8 Jebusi chengchi i mary napi nai Jerusalem mary sa nai mawi aheung tokalawi mang y awm nai, hinnom leaunghawi nidym mang mawi aheung katlen prei nai ne.
9 Hu i nai bi baly Nipha daichi tuikho hawi, Ephron mawi sahawi i marychi katlen prei iy, Baala (ti y baly Kiriajarim mary) mang y amhi nai ne.
10 Huni mary i dengdairei amhi baly, nidym mawi aheung y tym i, Jarim mawi (ti y baly Khesalon mawi) tosyh mang dengdairei, anui mang i Bath Shemesh mary mang y tym baly, Timnah mary katlen vui nai ne.
11 Huni bo baly Ekron mary tosyh mang i mawi mang y tym khala, Sikeron mary mang y amhi iy
12 Baala mawi y katlen naimy, Jabanila mary y tym. Hunaibaly nidym mang khujyh napi nai Mrithe pangli y tem nai ne.
Juda theaung yhm yhm dengtheungchi ly salo mang i khujyhchi theung y awm u nai ne.
Hebron mary hawi Debira mary ai Kaleb my tiu vui nai
(Tara chih 1:11-15)
13 Areng my leu pei nai kamta, Josua ly Juda theaung Jephonneh i chapo Kaleb teng y, Juda theaung khu ka-peang theung i, Hebron mary phy pi bo. Hebron mary ly Anaka i ampo Arba i mary ne.Ref 15.13-14: Tara chih 1.20
14 Kaleb ly Anaka i kangpreangchi napi nai Shesai nupai, Ahiman nupai hawi Talamai nupaichi ai, huni mary i nai patheu vui bo.
15 Ni ly hini mary i dengdairei, Debira mary mang y amsa iy tiu bo. (Vaichi khala Debira mary ai Kiriath Sepha mary, nanai palau.)
16 Kaleb my, “Kiria Sepha mary ai tiu pajau nai khumi ai ly kai i chaniu Akhasa hawi apom hai ai,” nanai thui i,
17 Kaleb i amnau, Kena i chapo Othniela ly huni mary ai tiu vui pajau nai deaungkho y, ni i chaniu Akhasa hawi apom hai bo.
18 Apom nai kani y Othniela ly Akhasa ai, ni i ampo teng i li harei hnei ai nai pachei. Akhasa ly keaungngo kano kasau tleaung i nai satla. Huna nai khala Kaleb my chaniu teng y, “Ati aly ngai mo?” nanai deng i,
19 chaniu my, “Nang i pei nai khaileaung ly khutaha meingtym ne; tuikhochi py pei,” nanai hnei bo. Hunai deaungkho y Kaleb ly ni i chaniu ai tleaung mang i tuikho hawi tlawi mang i tuikhochi pei pi bo.
Juda pri khu ka-peang i marychi
20 Juda theaung yhm dengtheungchi amtym nai khu ka-peang ly hinichi ne.
21 Edom pri khujyh sahawi khu ka-peang tokalawi katem i nichi amtym nai marychi ly: Kabzila mary, Eda mary, Jakura mary,
22 Kinah mary, Dimona mary, Adada mary,
23 Kadesa mary, Hazo mary, Ithanan mary,
24 Zipha mary, Telem mary, Balot mary,
25 Hazohadeta mary, Kerioth Hezron mary, (ti y baly Hazo mary)
26 Amam mary, Sema mary, Molada mary,
27 Hazakada mary, Heshamon mary, Bethpalet mary,
28 Hazajuala mary, Baraseba mary, Bizithija mary,
29 Baala mary, Lim mary, Ezem mary,
30 Elatolad mary, Khesila mary, Homah mary,
31 Zikalet mary, Madmanah mary, Sensanah mary,
32 Lebaoth mary, Silhim mary, Aeng mary hawi Rimon mary napi nai mary kalen apomphai takawrei hawi vanrei, tengpang sahawi i avangchi ne.
33 Mawi kheutang y awm nai marychi ly: Esatola mary, Zorah mary, Ahsana mary,
34 Zanoah mary, Engkanim mary, Tapuah mary, Enam mary,
35 Jamuth mary, Adulam mary, Sokoh mary, Azeka mary,
36 Sharaim mary, Adithaim mary, Kaderah mary hawi Kaderothaim mary napi nai mary kalen holai palyhrei hawi vanrei, tengpang sahawi i avangchi ne.
37 Huni bo y Zenan mary, Hadasa mary, Mikadalkad mary,
38 Dilen mary, Mizapa mary, Jokathela mary,
39 Lakhisa mary, Bozaka mary, Ekalon mary,
40 Kabon mary, Lahmem mary, Kisaleat mary,
41 Kederoth mary, Bedakon mary, Naamah mary hawi Makedah mary napi nai mary kalen holai tariurei hawi vanrei, tengpang sahawi i avangchi py abawi nai ne.
42 Huni bo y Libana mary, Ether mary, Asen mary,
43 Iphata mary, Asanah mary, Nezib mary,
44 Keila mary, Akhazi mary, hawi Maresa mary napi nai mary kalen takawrei hawi vanrei, tengpang sahawi i avangchi py abawi nai ne.
45 Huni bo y Ekron mary hawi tengpang sahawi i avangchi,
46 Ekron mary dengdairei Mrethe pangli sahawi i Asadod mary hawi, huni sahawi i mary katheang kalenchi py abawi nai ne.
47 Huni bo y Aikupta pri khujyh i micheaung hawi, Mrethe pangli peang ryrei kau nai meingtymra i, Asadod mary, Kaza mary hawi tengpang sahawi i mary katheang kalenchi py abawi nai ne.
48 Mawi aheung ra y sa nai Shamir mary, Jatir mary, Sokoh mary,
49 Danna mary, Kiria Sepha mary (ti y baly Debira mary),
50 Anah mary, Esatemo mary, Anim mary,
51 Kosen mary, Holon mary hawi Kiloh mary napi nai mary kalen holai harei hawi vanrei, tengpang sahawi i mary katheang kalenchi py abawi nai ne.
52 Huni bo y Arab mary, Dumah mary, Esan mary,
53 Janim mary, Beth Tapuah mary, Aphekah mary,
54 Humtah mary, Hebron mary, Zior mary hawi vanrei, tengpang sahawi i mary katheang kalenchi py abawi nai ne.
55 Huni bo y Maon mary, Karamela mary, Zipha mary, Jutah mary,
56 Jezarela mary, Jokadem mary, Zanoah mary,
57 Ka-ina mary, Kibeah mary hawi Timnah mary napi nai mary kalen horei hawi vanrei, tengpang sahawi i mary katheang kalenchi py abawi nai ne.
58 Huni bo y Halahula mary, Bethzura mary, Kedo mary,
59 Maarath mary, Bethanoth mary hawi Elatekon mary napi nai mary tariurei hawi vanrei, tengpang sahawi i mary katheang kalenchi py abawi nai ne.
60 Huni bo y Kiria Bala mary, (ti y baly Kiriajarim mary) hawi Rabba mary napi nai mary kalen nyhrei hawi vanrei, tengpang sahawi i mary katheang kalenchi py abawi nai ne.
61 Daichi ka-vym meingtymra y Betharaba mary, Midin mary, Sekakah mary,
62 Nibshan mary, Salt mary hawi Ankadi mary napi nai mary kalen tariurei hawi vanrei, tengpang sahawi i mary katheang kalenchi py abawi nai ne.
63 Juda theaungchi ly Jerusalem mary y awm nai Jebusi chengchi ai patheu pajau y nai deaungkho y, nichi ly vaini khrairei Juda theaungchi hawi vanrei, huni mary y awm u nai ne.Ref 15.63: Tara chih 1.21; 2 Samuela 5.6; 1 Neng 11.4