12
Mosi my pajau nai samrangchi
1 Israela chengchi ly tokalawi mang Arnon tavo leaunghawi dengdairei, tosyh mang Heramon mawi ryrei, nisi mang khu ka-peang hawi Jordan tavo leaunghawi jeungrei ai tiu nai peang chum veng bo.Ref 12.1-5: Kati 21.21-35; Leu 2.26—3.11
2 Nichi ly samrang leaungnyhrei ai pajau veng bo. Samrang leaungrei nai ly Hesabon mary ai peang nai Amori samrang Sihon ne. Ni i pri y (Arnon tavo leaunghawi sahawi i) Arraw mary hawi, huni tavo leaunghawi sahawi y awm nai mary dengdairei, Amori khu ka-peang Jabbok tavo ryrei kau nai Kilead pri ka-hyhrei abawi nai ne.
3 Huni bo y tosyh mang Kalili ang dengdairei, pangli kadei nisi mang y awm nai Bethjesimoth mary tym pa-rei Jordan tavo leaunghawi, hu i nai bi baly Piska mawi kheutang ryrei kau nai khu ka-peang py abawi nai ne.
4 Asataroth mary hawi Edrei marychira y peang iy, kangkhym y awm asai nai Riphaiah chengchi theung i leaungrei nai Bashan samrang Oka ai py, Israela chengchi ly tiu pajau vui nai ne.
5 Ni i pri y Harmon mawi, Salekah pri, Kesuri pri hawi Maaka pri khujyh ryrei kau nai Bashan pri verei py, Hesabon samrang Sihon my peang nai pri khujyh tym pa-rei kau nai Kilead pri ka-hyhrei py abawi nai ne.
6 Hini samrangchi ai Mosi hawi Israela chengchi my tiu i, eaung nai ne. Areng i miseaung Mosi ly huni samrangchi i khu ka-peangchi ai Ruben theaung, Kad theaung hawi Manase theaung ka-hyhreichi teng y, amtym ai nai pei pi bo.Ref 12.6: Kati 32.33; Leu 3.12
Josua my pajau nai samrangchi
7 Josua hawi Israela chengchi ly Jordan tavo nidym mang Lebanon leaunghawi y awm nai Balakat mary dengdairei, tokalawi mang Edom pri sahawi i Halet mawi tym pa-rei kau nai meingtym y peang nai samrang bawibawichi ai tiu i, pajau vui nai ne. Josua ly hini meingtym ai Israela theaung bawibawichi teng y amtym jojo ai nai khu paji pi bo.
8 Huni meingtymchi ra y mawi aheung meingtym, nidym mang y mawi kheutang meingtym, Jordan tavo leaunghawi hawi huni sahawi y awm nai mawi kheutang meingtym, nidym mang mawi aheung meingtym hawi, tokalawi mang khutaha meingtymchi abawi nai ne. Huni meingtymchi ra y awm nai khumichi ly Hiti cheng, Amori cheng, Kanan cheng, Perizi cheng hawi Jebusi chengchi ne.
9 Israela chengchi ly mary phaipalyh hareichi i samrangchi ai tiu i, pajau vui nai ne. Huni marychi ly; Jeriko mary, (Bethela mary sahawi i) A-i mary,
10 Jerusalem mary, Hebron mary,
11 Jamuth mary, Lakhisa mary,
12 Ekalon mary, Keza mary,
13 Debira mary, Keda mary,
14 Homah mary, Arad mary,
15 Libana mary, Adulam mary,
16 Makeda mary, Bethela mary,
17 Tapuah mary, Hepha mary,
18 Aphek mary, Lasaron mary,
19 Madon mary, Hazor mary,
20 Simron Meron mary, Akasa mary,
21 Taanach mary, Mekido mary,
22 Kadesa mary, (Karamela mawi salo y awm nai) Jokanem mary, (pangli peang y awm)
23 Dora mary, (Kalilinote 12:23 Kalili: Hebrai leu y Kilakala napi. pri y awm nai) Koeng mary hawi,
24 Tirzah marychi ne.