9
1 Hina nai ngari kamtang tym nai neng ly nichi law tleaung ai nai lam awm ai ny y.Ref 9.1: Mt 4:15
Mo mang y tym ai nai samrang
Mrethe pangli dengdairei nisi mang y tako baly Jordan tavo vai hawi, Kalili pri khrairei tym nai, Zebulon hawi Naphtali cheng theaungchi i khu ka-peang napi nai cheng takhrachi awm nai meingtym ly vaichi khala tahm by y i py, mo mang y ly tahm awm ai.
2 Kaveng theung y tako nai khumichi ly Ref 9.2: Mt 4:16; Lk 1:79
khri pa-rei angvang nai kangvang niu u bo.
Nichi ly dei areng i ka-khui khiu nai pri y awm u teu i py,
vai ly nichi i tlang tleaung y kangvang sangso tym hai bo.
3 Aw Areng, nang ly nichi ai khri pa-rei amo theu ai nai pei bo.
Nang ly nichi ai amo theu hai bo.
Khumichi ly amti amjang pakym nai neng khala py,
atiura i vawnsaichi phy amji u nai neng khala py, amo theu u nai kamta
nichi ly nang i sa naichi molam y amo theu u nai ne.
4 Ati mana nai mo nabaly nang ly nichi i myn kaji hawi
nichi ai pakhau nai thengbeang khei pi vui nai deaungkho y ne.
Jangni khala nang ly
Midian tavaimichi ai tiu nai pajau pi vui nai kamta,
mymy i khumichi ai ana nai khumichi ai patheu pi vui bo.
5 Tiu ai jeu nai tavaimi paleung ka-echi i
phainaichi hawi thi akau nai ateaungchi ly
mai leng pawn nai avum u ai.
6 Kaichi i vui deaungdi tapen pi!
Kaichi i vui chapo ang pei bo!
Ni ly kaichi ai ang peang ai.
“Ni i amyn ly rengrang tlai,”note 9:6 rengrang tlai; ti y baly cheng naira. “Tau pei nai keung,”
“Sathai naira len parai nai Tameuh,” “Deungtasarei Ampo,”
“Tlamsa nai samrang i Chapo,” nanai amyn pathi ai.
7 Ni i sa thai naira haiho ly hlo veangveang iy,Ref 9:7 Lk 1:32-33
ni i pri py tlamsa jojo ai.
Ni ly samrang Davida i yhmtheaung amtym iy
vai i dengdai deungtasa tem pa-rei leu meitang adyh adawi naimy peang ai.
Ati cheaungkhang sa thai nai Areng ly
hina naichi tym angym hai ai nai leu pacheang yb veng nai ne.
Israela chengchi ai Areng my parip nai
8 Areng ly Jakob i katu chanauchi hawi Israela pri tlang tleaung y tara chih bo.
9 Huna nai sa, nanai ly Samari mary y awm nai khumi bawibawichi hawi, Israela cheng bawibawichi my pany u ai. Vai, nichi ly amlyh am-e iy paleung len u nai ne. Nichi my,
10 “Iusai yhmchi anawi pawn teu i py, hunichi ai achi ly si nai lengseaungchi hawi so palum u teang sina. Antengtai keung kaleaungchi tameang pawn teu i py, achi ly hunichi ai hawi keh nai saitleang keung hawi, theng teang u sina,” napi u.
11 Areng ly nichi ai tiu ai nai paleung ka-echi ai kachyh nai ne.
12 Nisi mang i Suria pri hawi nidym mang i Philistia prichi ly Israela pri tamyh vui ai nai angvei u rym bo. Huna nai y Areng i kado theu nai ly rym y. Nichi ai parip ai nai mymy i kiu pheu nai ly awm jo rai nai ne.
13 Israela chengchi ly uikheih u y. Ati cheaungkhang sa thai nai Areng ly mymychi ai pajeng teu i py nichi ly mymy teang y ali u teang y.
14 Areng ly kanirei y my Israela lu sa naichi hawi khumi mipuichi ai kamngo pajeng ai. Mymy ly nichi i lu hawi kalawichi ai kanirei y my, tameang pawn ai.
15 Lu, napi nai ly saneng kanaing len iy tahm awm nai khumichi ne; kalawi, napi nai ly ka-chawi thui reng nai amochi ne.
16 Hini khumichi ai lam patei nai khumichi ly lam kateng patei y i, paleung khrukhra hai reng.
17 Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.
18 Khumichi i hawi y nai sai ly aleng keung cheaungkhang ai kang hai nai mai kamta, angveaung bo. Kamparui mai kamta angveaung iy maikhyh angjawichi khyh hai kalau nai ne.
19 Ati mana nai mo nabaly ati cheaungkhang sa thai nai Areng ly kado theu bo. Mymy i pajeng nai ly pri verei y mai kamta angveaung iy, khumichi ai tamyh pawn ai. Huna nai khala khumi luteng ly amy i vui tleaung ai nai atho sa u ai.
20 Khumichi ly meingtym tleirei y mychi nga thai nai ryrei, teicha teineichi cha u teu i py, kajeu kanglam dam ai ny y. Nichi ly mychi i cho chanauchi ai malawn py cha u lawh bo ly!
21 Manase cheng theaungchi hawi Ephraim cheng theaungchi ly mychi tengtawi atiu u chum baly, nini leaung nyhrei amkawm hawi iy Juda cheng theaungchi ai tiu hawi nai ne. Hunai deaungkho y py Areng ly kado katheu rym y naimy, kamngo pajeng ai nai kiu pheu jojo nai ne.