49
Israela ly khumi cheng cheaungkhangchi i vui kangvang
1 Pri takhra i khumi cheng cheaungkhangchi awi, Ref 49.1: Jer 1:5
kamlora y awm nai khumichi awi, kai i thui nai leu nangchi tangai u!
Kai ai tapen y rai khala my Areng ly
kai ai vawi takhra iy, mymy i miseaung y ang khai bo.
2 Mymy ly kai i labeaung ai haisau kamta chiu hai iy, Ref 49.2: Heb 4:12; Amt 1:16
mymy kiu hawi kai ai ama hai bo.
Mymy ly khai yb nai thailiho chyn chiu parai nai kamta,
kai ai lawm hai nai ne.
3 Mymy ly kai ai, “Aw Israela, nang ly kai i miseaung ne;
nang deaungkho y khumichi ly kai ai palo u ai,” napi.
4 “Kai ly kalopchi kasa, na i py ati sai py ny y lawh!
Kai ly atho naini kakheih teu ni ly ati sai py amcheang y, nanai katheu bo.
Na i py kai ly kaimy i kalopchi amsym ai nai Areng ai ym na sy.
Mymy ly kai i sa nai kalop molam y, kawn vangchi ang pei ai.
5 Amhm taku theung y awm nai thym khala my, Areng ly kai ai vawi takhra bo.
Mymy ly mymy i khumichi ai hawi ali teang ai nai,
ahei dan nai Israela chengchi ai hawi ali teang ai nai py, kai ai miseaung y ang khai nai ne.
Areng ly kai ai tahm ang khai iy,
kai i atho pakeung sangum ne.
6 Areng my kai ai, Ref 49.6: Is 42:6; Lk 2:32; Amtaw 13:47, 26:23
“Kai i miseaung, kai ly nang ai kalop kalenra y sa hai ai.
Dei kamthum Israela chengchi sa thai naira haiho
nga u ali teang nai khyh chang y i,
khaileaung pri verei malawn py atleu naira nga ai nai,
kai ly nang ai khumi cheng cheaungkhangchi i kangvang lawm hai ai,” napi.
7 Khumi cheng cheaungkhangchi my
niu ngai y nai khri pa-rei avum iy,
samrang hawi y naichi i miseaung teng y,
Israela chengchi i chai parai nai Tameuh, atleu keung my,
“Pri peang nai samrangchi ly
nang ai law tleaung hai iy tahm ang khai u ai.
Samrang i chapochi my py nang ai niu iy,
tahm khai nai lu meung u ai.”
Ati mana nai mo nabaly ka-ym awm nai Areng napi nai Israela chengchi i
chai parai nai Tameuh ly nang ai vawi takhra nai deaungkho y ne,” napi.
Jerusalem mary palum teang nai
8 Areng ly mymy i khumichi teng y,Ref 49.8: 2 Kor 6:2
“Nangchi ai atleu ai nai neng tym nai khala y, kai ly nangchi ai neng ka-pe pei iy,
sabawm ai nai, nangchi i aeu nai raawi tangai pi ai.
Kai ly nangchi ai kang kry ai.
Nangchi i molam y, khumi bawibawichi hawi py, leu maikawm asa ai.
Vai, anawi seaungkhrang nai nangchi i pri y, saleaung khuteng achah iy
awm u ali teang ai nai kang pei ai.
9 Theaung tla nai khumichi teng y, ‘Amy ngaingai theu u!’ nanai py,
kaveng theung y awm nai khumichi teng y,
‘Kangvang y theu u!’ nanai py kang thui pi ai.
Nichi ly mawi aheungchira y teicha tlai nai beramchi hawi atawm ai.
10 Nichi ly mana khala py, teicha teinei avaw ai ny y.Ref 49.10: Amt 7:16-17
Nichi ly mymychi ai tamen nai keung i lam patei nai avum iy,
kanito hawi speung kangngo molam y, patang naira avum ai ny y.
Mymy ly nichi ai tui sampumchi awm naira mang y pahawi ai.
11 “Kai ly mawi aheungbanchira y, lampui lamlen kasa prei ai.
Kai i khumichi i vui y khuleaung lam sa pi rym ai.
12 Kai i khumichi ly kamlo paraira i nai py,
tosyh hawi nidym mang i nai py,
tokalawi mang y awm nai Asavannote 49:12\xk Asavan pri: Aikupta tokalawi mang i mary, hu y Judachi khuteng sa nai ne. \x*pri i nai py, ang jeu u ai,” napi.
13 Kani khusang awi, khulym thui! Khaileaung awi, amo theu naimy khulym thui!
Mawichi ly raawi pajeng parai naimy, khulym thui u sy!
Areng ly mymy i khumichi ai, awmnem naira pei ai.
Mymy ly ngari kamtang avum nai mymy i khumichi ai pahen ai.
14 Na i py Jerusalem mary i khumichi ly
“Areng ly kaichi ai khai su bo!
Mymy ly kaichi ai tami veng bo,” nanai thui u nai ne.
15 Hunai deaungkho y Areng my,
“Amhm ly mymy paleung tleaung i chanau ai tami vui thai na a?
My i kajeu y aneng nai deaungdicho ai, tamen y nai awm thai na a?
Amhm ly mymy i deaungdicho ai tami vui lawh teu rai sy;
kai ly nangchi ai mana khala py, tami vui ai ny y.
16 Aw, Jerusalem mary, kai ly nang ai mana khala py tami pajau y!
Kai i kiu padawi y nang i amyn tajiu kheng bo.
17 “Nang ai palum teang ai nai khumichi ly kra y naimy ang tym u ai.
Nang ai phra hai nai khumichi ly theu u pawn ai.
18 Nang i tengpang y ati mana lawh mo, nanai khen prei cham!
Nang i chengchi ly akachu u iy, mychi i pri mang y vawi u dudu bo!
Kai ly Tameuh kangheng ne nai deaungkho y,
nang ly amia lengseaungchi amthyp iy
deaung vawi nai anglo kamta, my i chengchi molam y amlyh ai.
19 “Nang i pri ly phra seaungkhrang iy, khumi angso savai tlang veng bo.
Na i py vai ly awm nai khumichi i vui
huni pri ly theang ala veng nai ne.
Nang ai phra seaungkhrang hai nai khumichi ly
kamlora y tym u veng ai.
20 Pri pala naira y tapen nai nang i chengchi ly
kanirei nai khala nang teng y,
hini pri ly theang ala,
kaichi awm ai nai meingtym ngai asai rai!,’ nanai thui u ai.
21 Naibaly nang ly amymy ai,
‘Kai ly hini cho chanauchi ai ami hawi nga nai mo?
Kai i cho chanauchi ly dei pawn nai iy, kai ly cho chanau by y leang bo.
Kai ly kamlora y pri pala nai avum i,
hini cho chanauchi ai ami my, tleaungri pacheang pi mo?
Kai ly kaimy leaungrei naini kaawm khyh bo.
Hini cho chanauchi ly ma mang i nai tym u nai mo?,” nanai ang deng ai.
22 Areng Tameuh my mymy i khumichi teng y,
“Kai ly khumi cheng cheaungkhangchi ai ka-ma-ra patei nai khala y,
nichi ly nang i cho chanauchi ai ang hawi u ai.
23 Samrangchi ly ampo kamta nangchi ai ang kry iy,
samrangnuchi ly amhm kamta pacho panei ai.
Nichi ly lu meung naimy nang ai chiu u ai.
Nichi ly tahm apanem naimy, nang ai tahm khai nai sai patei ai.
Huna nai khala y kai ly Areng ne, nanai nangchi pany u ai.
Kai i kasabawmra ajeng nai ngiereichi ly paleung phra ai ny y,” napi.
24 Nang ly tavaimi risa teng i,
ni i nga nai vawnsai lo vui pajau na a?
Samrang hawi y nai kiu i, langheng hawi nai khumichi ai atleu pajau na a?
25 Areng my,
“Vai tym ai nai leaungsai ly hina nai kamta ne.
Tavaimi risa my patiu iy langheng hawi naichi ai kaimy patleaung vui ai.
Samrang hawi y naichi i nga nai vawnsaichi ai, kaimy pakym vui ai.
Kai ly nang ai tiu nai khumichi ai tiu iy,
nang i cho chanauchi ai atleu ai.
26 Kai ly nang ai pahyp y naimy ana nai khumichi ai,
mychi tengtawi atleh hai iy, kasa them hai ai.
Huna nai khala kai ly nangchi ai atleu nai keung Areng ne, nanai
khumi bawibawichi my pany u ai.
Kai ly Israela chengchi i sa thai naira awm nai keung Tameuh ne, nanai nichi pany u ai,” napi.