12
1 Israela khumichi i khawn khutawi dengdai kani dym khala khrairei, sa nai dawn nai ngiereichi ly kamran by y, atyhtyh teu. Nichi theung y ka-ym by y nai, khrukhra naichi nawi ra nai ne. Nichi ly Asuria pri hawi amsawi amnai asa naimy, Aikupta pri hawi ka-sum ka-pai sa u bo,” napi.
2 Areng ly Juda khumichi ai thui tamawn bo. Israela ai py mychi i sa nai sai molam y pajeng ai. Mymy ly nichi i sa nai kamta, hawi nai hawi y nai heung pi ai.
3 Nichi i amsi pajo Jakob ly amhm taku theung y awm nai khala my, amjo Esaw hawi ajo hawi bo. Jakob ly tleaungri acheang nai khala y, Tameuh ai ka-awi sa iy ajo hawi nai ne. Ref 12:3 AA 25:26Ref 12:3-4 AA 32:24-26
4 Ni ly kani pri amtaw thau hawi ani i, pajau nai ne. Ni ly vo iy amtheaung naira hnei. Tameuh ly Bethela mary y achi i amsi pajo Jakob teng y jeu iy, leu pei bo. Ref 12:4 AA 28:10-22
5 Huni Tameuh ly ati cheaungkhang sa thai nai Areng Tameuh ne. Mymy i amyn ly Areng ne i, huni amyn y chiu ai nai tla.
6 Hunai deaungkho y Jakob i kangpreangchi awi, nangmychi i Tameuh ai ym iy mymy teng y vawi u teang ba, ka-ym awm u, kahawi so u, nangmychi i Tameuh ai paleung sau parai naimy ajeng u.
Tara chih nai satang thui panawi bi nai
7 Areng my, “Israela khumichi ly Kanan chengchi kamta, paleung akawi parai. Nichi ly teng y nai sie khyry hawi van nai khumichi teng y jo u reng nai ne.
8 Nichi my, ‘Achi ly nang chawn u bo. Paisa tangka neangneang pateung bo. Ami py achi ai teng y naimy nga nai tangka hawi nang chawn nai ne, nanai neng hai pajau y leang,’ na u.
9 Na i py nangchi ai Aikupta pri i dengdairei pahawi nai nangchi i Tameuh kai, Areng ly khutaha daichi ka-vymra y, nangchi kani yhmchi hawi awm nai kamta, vai py kani yhmra y awm hai ai. Ref 12:9 Lev 23:42-43
10 “Kai ly amochi teng y amteng hai iy, mo mang i vui atitichi niu hai bo. Amochi dengdairei kai i khumichi ai pany hai pi bo.
11 Na i py nichi ly Kilead pri y, mynchi ai chiu u. Huna nai chiu nai khumichi ly dei ai. Kilakala mary y awm nai khala, si kataichi apathyp u iy huni meingtym y awm nai maichamchi ly adym angdengra y lengseaung pakheng achu naichi lawm ai.”
12 Achi i amsi pajo Jakob ly Mesopotamia pri mang y preang iy, aju nga ai nai molam, khumi leaungrei teng y beram typ ai nai tla.Ref 12:12 AA 29:1-20
13 Areng ly Israela khumichi ai miseaung achei nai Aikupta pri i dengdairei pahawi ai nai hawi, kry ai nai amo leaungrei ai pato pi. Ref 12:13 Theu12:50-51
14 Israela khumichi ly Areng ai khri pa-rei kado theu hai bo. Mychi i sa tamang nai molam y dei u ai nai ataing khyp nai ne. Nichi ly Areng i nang parai nai sai ai cheh nai deaungkho y, mymy ly nichi ai pajeng ai.