9
Khaileaung pri ichi chiu sa nai hawi kani pri ichi chiu sa nai
1 Naibaly kangman i leu maikawm ly Tameuh ai chiu ai nai reita hawi hini khaileaung pri i Meingtym Kachai py nga khyp bo.
2 Ati mana nai mo nabaly achura yhm jang u i, angchei i naira y maisi khai naira hawi, sabawi hawi,khai takhra nai tako py awm; huni ly Meingtym Kachai napi nai ne.Ref 9.2: Theu 26.1–30, 25.31–40, 23–30
3 Naibaly kanih jang naira nyhrei nai palem y ly achura yhm Chai Keh Nai Meingtym napi nai awm;Ref 9.3: Theu 26.31–33
4 hunira y ly rimui pakhyh nai muku laawm hawi, muku bih nai leu mailkawm pawm py awm: huni theung y Manna awm naira muku laawm hawi, Aron i cheaungvawi ampho nai hawi leu maikawm lengseaung phei nyhrei py awm.Ref 9.4: Theu 30.1–6, 25.10–16, 16.33; Kati 17.8–10; Theu 25.16; Leu 10.3–5
5 Naibaly huni salo mang y ly pahen nai atehra ai deung nai nang parai naira i Cherub nini py awm teang; huni atitichi molam y kaichi ly vai ly ka-kawi ka-mi thui pajau y leang.Ref 9.5: Theu 25.18–22
6 Naibaly huni atitichi ai ly hunai kamta sa nai ne iy, pathyp pi nai keungchi my Tameuh ai chiu ai nai reita sa ai nai achura yhm angchei i naira y ly kun u jojo;Ref 9.6: Kati 18.2–6
7 pa-nyh naira y naini pathyp pi nai keung kalen keh harei, amy i vui hawi khumichi i kamngo nairachi i vui y talam pi ai nai thi syn y nai ny y naimy, saneng tleirei y tlenrei kun khyh:Ref 9.7: Lev 16.2–34
8 hini ly angchei i achura yhm awm nai sala ryrei ly Chai Keh Nai Meingtym y kun ai nai lam ly amteng y leang rai, nanai Phailo Kachai my pany hai nai ne.
9 Huni ly vai dymkhawn i pata naira ne; huni kamta atiti pei nai hawi apathyp nairachi py talam pi reng; hunichi ly hawi nai hawi y nai pany naira y ly chiu nai keung ai ly angym hai pajau y leang:
10 cha nei ai naichi, tui y paju nai takhra takhrachi, hunichi ly tlang i reita ne, sa palai bi ai nai neng tym y ryrei ly khai rym nai teu.
11 Na i py Krista ly atiti kahawi awm ai nai y pathyp pi nai keung kalen keh ang jeu iy, kiu y so y nai, atiti sa naichi theung i ny y nai achura yhm nang keh nai hawi angym keh nai mang y tako prei bo:
12 naibaly mymy ly mi-i hawi si cho i thi deaungkho y ny y naimy, mymy i thi kypkyp deaungkho y Meingtym Kachai y ly kun bi ai nai aly by y pa-rei tlenrei my kun i, deungtasarei atleu naira nga chum bo.
13 Mi-i hawi si kataichi i thi hawi, si beaungjeaung dym y malawn py khumi chai y naichi i tlang tleaung y katheng iy tlang chai pa-rei pachai pajau makho baly,Ref 9.13: Lev 16.15–16; Kati 19.9, 17–19
14 deungtasarei Phailo i saho y meimai cheh ai by y nai Tameuh teng y atalam nai Krista i thi my ly Tameuh kangheng i kalop sa ai nai, nangchi hawi nai hawi y nai pany naira ai ly hini hengra abawi y nai atiti sa naira y ly mana tanrei pachai ai mo?
15 Naibaly leu maikawm kangman i anui y taphra nairachi atleu ai nai ang dei vui nai deaungkho y, palau naichi ly deungtasarei yhmtheaung amtym nai leu adeu naira nga thai ai nai ni ly leu maikawm kangtha i savai ne.
16 Yhmtheaung amtym nai cha awm baly, tajiu nai keung i dei nai py awm khyp ai nai tla.
17 Ati mana nai mo nabaly khumi dei nai bo y yhmtheaung amtym nai cha ai khaw hai nai ne: cha khai nai keung heng nai sala ryrei ly huni ly kakhaw ny y leang rai.
18 Hunai deaungkho y leu maikawm kangman i nai py thi ny y nai my ly khaw hai y leang.
19 Mosi my ly Reita kamta leu pei nai ngierei ly khumi bawibawichi teng y thui pi nai bo y,Ref 9.19–20: Theu 24.6–8
20 si cho hawi mi-ichi i thi py, tui hawi beram mui kalang kamleng hawi hussop py la iy, cha-iu y hawi khumi bawibawichi ai py katheng i, “Hini ly Tameuh my nangchi teng y ang pei cheng nai leu maikawm thi ne he,” napi.
21 Huni harei khyh ny y naimy ni ly achura yhm hawi chiu ai nai atiti teaung nairachi bawibawi y hunai kamta thi katheng teang.Ref 9.21: Lev 8.15
22 Naibaly Reita y ly ati cheaungkhang thi y pachai ai nai tla lawn reng, nanai kathui pajau ngaw khyh, naibaly thi theu nai ny y baly pipi pahen naira by y leang bo.Ref 9.22: Lev 17.11
Krista i amy ai talam nai saho y kamngo lawira nga nai
23 Hunaibaly kani pri mang i atiti ka-tawmchi py huni hawi pachai ai nai awm angchi yb nai ne; na i py kani pri mang i atiti tangchengchi naini huni tleaung y apathyp naira hawi keh nai hawi pachai ai nai tla.
24 Krista ly kiu y sa nai Meingtym Kachai, meitang atawm hai naira y kun y leang; na i py vai ly Tameuh i mo y achi i jeng y angdo ai nai kani mang kypkyp y kun lawh veng;
25 naibaly pathyp pi nai keung kalen keh ly saneng tleirei amy i thi ny y nai, thi syn nai tarawi y Meingtym Kachai y kun reng nai kamta, ni ly amy ai atalam jojo ai nai py kun y leang;
26 hunai ne mo khyly mymy ly khaileaung palum angchei kha i ka-so tlen majirei mo patang ai nai tla lawh veng; na i py vai dymkhawn i neng tem naira y ly amymy ai apathyp nai deaungkho y kamngo tama hai vui ai nai tlenrei my ni ai amteng hai bo.
27 Naibaly khumi i vui ly tlenrei dei ai nai khai yb nai ne i, huni bo y ly tara chih ai tla nai kamta ly,
28 Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.Ref 9.28: Is 53.12