5
1 Khumichi theung i vawi takhra nai pathyp pi nai keung kalen keh ngierei ly kamngo nairachi deaungkho y atiti pei nai hawi apathyp naira talam thai ai nai, Tameuh mang y khumichi i vui atiti sa pi ai nai khai rym nai ne lawh veng:
2 naibaly mymy kypkyp ai ly ham y naira my taki teang nai deaungkho y, ni ly ati sai py pany y nai hawi lam tamang naichi i tlang tleaung y neaung kham thai reng nai ne;
3 hunai deaungkho y ni ly khumi humchi i vui talam pi nai kamta, amy i vui py kamngo nairachi deaungkho y talam teang ai nai tla.Ref 5.3: Lev 9.7
4 Naibaly Aron i tlang tleaung y tym nai kamta, Tameuh my palau nai kha y ny y baly, ami py huni tahm khai naira ly amymy alo vai y leang.Ref 5.4: Theu 28.1
5 Hunai kamta khyp teang, Krista py pathyp pi nai keung kalen keh y awm ai nai tahm apasang y leang; huna ny y naimy mymy teng y thui pi nai keung my,Ref 5.5: Sam 2.7
“Nang ly kai i Chapo ne,
Vaini ly kang lawn hai bo,” napi.
6 Naibaly meingtym takhrara y py,Ref 5.6: Sam 110.4
“Nang ly Melkisadeka kamta
Deungtasarei pathyp pi nai keung ne,”
nanai thui.
7 Ni ly tlang y awm nai thym khala y ly, dei naira y mymy ai paheng pajau nai keung teng y ly khrikhri pa-rei aeu nai hawi mei katiu tla nai tarawi y chiu sa nai hawi atiti hnei nai talam iy, Tameuh teng y aau nai deaungkho y ang tangai pi:Ref 5.7: Mt 26.36–46; Mk 14.32–42; Lk 22.39–46
8 ni ly Chapo kypkyp ne iy py mymy i atiti patang naira y ly leu tangai ai nai amtiu nai ne;
9 hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:
10 Tameuh my ni ai ly Melkisadeka kamta pathyp pi nai keung kalen keh y amyn pathi bo.
Reita ai khai su y ai nai leu pei nai
11 Kaichi ly huni molam y leu neangneang thui ai nai awm i, nangchi ly kano kapang lawn lawh nai deaungkho y thui pi pachai ai nai rai parai.
12 Ati mana nai mo nabaly huna tanrei kra iy nangchi ly patiu nai keung y lawn, nanai pa-rei awm na teu iy py, Tameuh i leu sangum pakeungchi nangchi ai patiu ai nai aly ngai rai nai khumi lawn u lawh veng bo he; nangchi ly biu tang ny y naimy kanu hang aly awm.Ref 5.12–13: 1 Kor 3.2
13 Kanu hang y kan nai ngierei ly hawi naira leu y ly pany naira by y leang: mymy ly deungdi nai deaungkho y teu.
14 Na i py biu tang ly khumi ka-cheangchi i vui ne; nichi ly mymychi i pany naira teaung u reng nai deaungkho y, hawi nai hawi y naira cham ai nai, nich i pany thai nairachi ly apajeng u bo.