17
Leu Maikawm ka-ma-ra Lengkhym takip nai
1 Abram ly saneng vui takaw hongan takawrei awm nai khala y, Areng my Abram teng y amteng i, “Kai ly ati cheaungkhang sa thai nai Tameuh ne. Kai i leu tangai iy kalop kateng so ba.
2 Nang hawi Leu Maikawm asa iy, nang i kangpreangchi neangneang peung hai ai,” napi.
3 Abram ly khaileaung hawi meimai abi na pa-rei lu meung nai thym y Tameuh my,
4 “Kaimy nang hawi asa nai Leu Maikawm ly hina nai ne: kaimy nang ai khumi neangneangchi i ampo lawm hai ai;
5 Kaimy nang ai khumi cheng cheaungkhangchi i ampo lawm hai ai nai deaungkho y, nang i amyn ly Abram ne jo y leang bo, Abraham,note 17.5:\xk Abraham Abraham, nanai ly “Khumi cheng cheaungkhangchi i amsi sangum,” nanai sai ne.*\x* nanai kang palau ai.Ref 17:5 Rom 4:17
6 Kaimy kangpreang neangneang peung hai ai i, phyrei ly samrangchi lawm u ai. Cheng cheaungkhang khumichi lawm ai nai, nang ly kangpreang neangneang peung ai.
7 Hini ly deungtasarei leu maikawm ne i, nang hawi nang i kangpreang deung kangthauchi teng y py kaimy i leu adeu nai ly kakhaw hai jo ai. Kai ly nang i kangpreangchi i Tameuh hawi nang i Tameuh ne ai. Ref 17:7 Lk 1:55
8 Vai, nang ly angvyn kamta awm nai hini pri bawibawichi ai nang hawi nang i kangpreangchi teng y kaimy pei ai. Kanan pri verei ly nang i kangpreangchi i vui deungtasarei pri lawm ai; kai py nichi i Tameuh lawm ai,” napi.Ref 17:8 Amt 7:5
9 Tameuh my Abraham teng y, “Nang ly Leu Maikawm khaw ai nai, nang hawi nang i kangpreang deung kangthauchi py kai hawi paleung adyh ai nai tla.
10 Nang hawi nang i kangpreangchi py neampacho ngierei ly lengkhym takip ai nai tla.Ref 17:10 Amt 7:8, Rom 4:11
11-12 Vai i dengdairei cheng takhrachi teng i van nai miseaungchi py, nangmy i yhm y tapen nai miseaungchi py, nangmy yhm dengtheungchi py neampacho deaungdi ly kani tajarei kani y lengkhym takip ai nai tla. Huni ly nang hawi kai sala y Leu Maikawm asa nai ka-ma-ra ne.
13 Neampacho ka-so ngierei ly lengkhym takip ai nai tla. Huna nai sa nai ly nang hawi kai sala y Leu Maikawm asa nai deungtasarei khaw jo ai nai, tlang tleaung y amny thai nai ka-ma-ra ne ai.
14 Neampacho ka-so ngierei lengkhym takip y nai ai ly kai i khumi ne, nanai palawn y ai; ati mana nai mo nabaly mymy ly kai i Leu Maikawm ai khaw hai y nai deaungkho y ne,” napi.
15 Tameuh my Abraham teng y, “Nang i aju ai ly Sarai, nanai palau moh jau; vai i dengdairei Sarah,note 17.15:\xk Sarah: Sarah, nanai ly Hebrai leu y “samrang i chaniu,” nanai sai ne.*\x* nanai palau ai.
16 Kaimy ni ai amtheaung hai ai, nimy nang i vui chapo tapen pi ai. Kaimy ni ai amtheaung hai ai i, mymy ly khumi cheng cheaungkhangchi i amhm lawm ai; mymy i kangpreangchi theung i nai samrangchi theu ai,” napi.
17 Abraham ly meimai khaileaung y abi na pa-rei meung iy chiu bo; na i py ni ly “Khumi ly saneng chungvairei awm nai kha y deaungdi ngo pajau na a? Saneng vui takawrei awm nai Sarah ly deaungdi so rai na a?” nanai dawn pasym i panui bo.
18 Mymy ly Tameuh teng y, “Ati mana nai y Ismaela ly kai i yhmtheaung kamtym lawm pajau y lawh mo?” nanai deng.
19 Na i py Tameuh my pathang nai ly “Ny y leang, nang i aju Sarah my chapo ang tapen pi ai i amyn Isaka note 17:19\xk Isaka: Hebrai leu y “ni ly panui” nanai sai ne. *\x* pathi ai nai tla. Kai ly ni hawi py, ni i kangpreangchi hawi py asa nai Leu Maikawm ly deungtasarei khaw hai jojo ai. Huni ly deungtasarei i vui Leu Maikawm ne.
20 Ismaela i vui nang i hnei nai kai thai mang; mymy ai py kaimy amtheaung hai ai: cho chanau neangneang peung ai i, kangpreang neangneang peung hai ai. Ni i kangpreangchi py khumi kalen lawm ai i, mymy py peang nai keung leaung holai nyhreichi i ampo lawm ai.
21 Na i py kaimy amlo hini neng y Sarah my tapen ai nai nang i chapo Isaka hawi py kai i Leu Maikawm khaw hai ai,” napi.
22 Tameuh my Abraham teng y leu thui pi chum baly leh vui bo.
23 Huni kani khypkhyp y Abraham ly Tameuh i leu tangai i chapo Ismaela ai py, van nai miseaungchi ai py, mymy i yhm y tapen nai miseaungchi ai py, mymy i yhm dengtheung raurei neampacho ka-so ngierei ai ly lengkhym takip bo.
24 Abraham mymy ai lengkhym takip nai khala y ly saneng vui takaw ho ngan takawrei awm i,
25 mymy i chapo Ismaela ly saneng holai thomrei awm nai ne.
26 Nichi ly huni kanirei y my vanrei lengkhym takip u bawi bo.
27 Abraham i miseaung bawibawichi py vanrei lengkhym atakip u nai ne.