10
1 Rimui hangra y pathau veu tla nai deaungkho y rimui hang ai kaveaung mui hai nai kamta, maidenreichy akhum nai ly khri pa-rei tau cheng naira ai phra hai pajau.
2 Khaileaung pri i reita kamta nabaly, khumi kacheng ly kahawi sa reng, khumi ka-khum ly tamang nairachi sa reng.
3 Lam y ni hawi avum nai apany vai y nai khumichi my malawn py, ni i hawi y nai sai ai hawihai palai pany y. Ni ly amy ai khumi ka-khum, nanai khumi neangneangchi teng y pany hai reng nai ne.
4 Nang ly nangmy ai peang nai keung my kado theu hai nai avum lawh baly, kalop theu vui moh; ni i tlang tleaung y kham naimy awm. Naibaly ni ly nang i khri pa-rei tamang naichi ai malawn py ang pahen pi ai.
5 Hini khaileaung pri y peang nai keungchi i kateng so y nai saichi kai ly niu.
6 Cheng naira by y nai khumichi ly sa thai naira kalen nga u iy, khumi kanangchi ly tahm khai y naira avum u nai ne.
7 Miseaungchi ly keaungngo atang u iy, samrang i bangtangchi ly miseaungchi kamta kheu hawi tako nai kaniu.
8 Ref 10.8: Sam 7:15; Lk 26:27 Angawm tai nai khumi ly huni angawm theung y tla reng; lengseaung apai taphra nai khumi py pavui my patiu nai avum reng.
9 Lengseaung tai nai kalop sa nai ly lengseaung my no nga hai reng; theng khawi nai khumi ly theng khawi nai thym khala, no nga reng nai ne.
10 Atiu ai kato y naimy khai nai khumi ly khri pa-rei atho pathau iy sa ai tla. Angveirym yb nai ly chengkeh.
11 Nang ly pavui ai patiu hai manme baly, nang i pavui sara sa nai ly atyhtyh teu bo.
12 Khumi kacheng i leu ly amy ai tahm awm hai iy, khumi ka-khum i leu ly amy ai phra naira tym hai reng.
13 Ni ly kamlai leu katheu amteaung iy kamthu leu hawi patem reng.
14 Khumi ka-khum ly leu avaw by y na pa-rei katheu reng.
Mo mang y ati tym ai mo, nanai ami py pany y; achi dei nai bo y ati mana awm ai mo, nanai py, ami py achi teng y thui pi thai y.
15 Yhm y vawi ai nai lam pany y nai khumi ka-khum ly amymy ai khri pa-rei akawm hai ai nai sa ai.
16 Samrang ly saneng nau iy mymy i bangtangchi ly vumtorei cha nei amo theu naimy awm baly, huni pri ly taham si.
17 Na i py amy i cheng naira hawi kalop sa nai samrang my peang iy, cho nei ala y naimy tahm akhai thai nai samrang i bangtangchi awm nai pri ly taham hawi nai ne.
18 Khumi leaungrei ly pjang ala nai molam y mymy i yhm amphu palum y naimy awm lawh baly, huni yhm ly kani leaung ai i, anawi jawn ai.
19 Cha nei pawichi ly khumi ai amo theu hai; na i py paisa tangka by y baly, huni cha nei pawi so pajau y leang.
20 Samrang ai ly preaung moh; ka-dengra nang i takun theung y malawn py preaung moh. Tavo amairei my nang i katheu nai leuchi ai, nichi teng y syn pi tang syn pi lym ai.