15
Saryh saneng
(Lev 25:1-7)
1 Saneng saryhrei y tleirei kalai keung ly kalai la nai keung teng y nga ai awm nai ngierei, palawi pi pyn ai nai tla.
2 Huna nai kalaichi palawi pi nai sai ly hina nai ne. Israela cheng tengtawi leaungrei teng y tangka alai ai pei nai keung ly huni kalai palawi pyn ai nai tla. Areng my kalai palawi pi pyn bo, nanai thai hai chum nai deaungkho y, huni kalai thui bi ngau y.
3 Cheng takhrachi teng i kalai thui pajau lawh teu i py, amy cheng tengtawi teng i kalai ly thui ngau y bo.
4 “Nangchi i Areng Tameuh ly nangchi ai pei nai pri y nangchi ai amtheaung hai ai.
5 Vaini nangchi ai kaimy kang pei nai reita ngiereichi ai tangai iy patawm u baly, nangchi theung y khumi ami py kamawn acheang ai ny y.
6 Areng ly mymy i adeu nai kamta nangchi ai amtheaung hai nai deaungkho y, nangchi ly khumi cheng neangneangchi teng y tangka paseng u ai; na i py nangchi ly nichi teng i ati sai py kalai la u ai ny y; nangchi ly khumi cheng neangneangchi ai peang u ai. Na i py mani khumi cheng my py nangchi i tlangtleaung y peang u ai ny y.
7 “Nangchi i Areng Tameuh my pei nai pri y awm nai marychira y, khumi mawn Israela cheng awm baly amy i vui harei dawn khyh y naimy, huni khumi ai sabawm ai nai pasai moh.
8 Kapahen paleung khai iy ni i ngai nai jirei alai pi ai nai tla. Ref 15.7-8: Lev 25:35
9 Kalai palawi pi pyn ai nai saneng kasa teu i py, ni teng y alai ai pei y nai awm moh. Nang teng y huna nai nun-si nai ka-dawn kun moh. Nang ly ni teng y alai ai nai pei y baly ni ly Areng teng y amti pi ai i, nang ly kamngo sa nai tla lawh ai.
10 Nang ly nun-si nai paleung by y naimy, huni khumi ai kapahen paleung hawi pei pi. Huna nai khala Areng ly nangchi i sa nai ngiereichira y amtheaung hai ai.
11 Nangchi theung y khumi mawn avaw nai Israela chengchi awm aninau ai. Hunai y nichi ai paleung ka-dawn kahawi hawimy pei u ai nai kaimy leu kang pei.Ref 15.11: Mt 26:11; Mk 14:7, Joh 12:8
Miseaungchi i vui reita
(Theu 21:1-11)
12 “Israela cheng neampacho, ti y baly neampachy leaungrei ly nang teng y saneng tariurei miseaung kamta achei iy, saryh saneng tym nai khala nang ly ni ai miseaung i nai palawi ai nai tla.
13 Nang ly ni ai palawi pi nai khala y, bengtlairei patleaung moh.
14 Areng my amtheaung naira pei nai deaungkho y nangchi teng y beram, choh hawi kreip hangchi nga nai kamta, huni vawnsaichi theung i ni ai paleung kahawi hawimy pavum u.
15 Nangchi ly Aikupta pri miseaung i nai nangchi i Areng Tameuh my nangchi ai lawi tleaung pi nai pany u; huni molam y vai, kai ly hini reitachi nangchi teng y kang pei nai ne.
16 “Na i py miseaung ly nang hawi nang i yhm dengtheungchi ai paleung bie iy awm hawi nai y, amprei vui ai nai ngai y lawh baly,
17 ni ai ly nang i yhm katheu pa-kho mang y hawi iy, ni i kano pheu ai nai tla; naibaly ni ly nang teng y mymy deungrei miseaung lawm jo ai. Miseaung neampachy ai py huna nai kamta sa ai nai tla.
18 Nang ly nangmy i miseaung leaungrei ai palawi naira y, paleung adi adiu nai awm moh; ni ly ka-thamnote 15:18 miseaung ka-thang... khy nyhrei; ti y baly ka-thamchi sa nai tleaung y phy nyhrei ka-teng sa ai tla nai ne.khumi i tham nai vang ka-hyhrei nga khyh naimy nang teng y saneng tariurei miseaung achei nai ne. Huna nai sa baly nangchi i Areng Tameuh my nangchi i sa naira tleirei y amtheaung hai ai.Ref 15.12-18: Lev 25:39-46
Si hawi beram cho chaluchi
19 “Nangchi i si hawi beram cho chalu katai bawibawichi ly nangchi i Areng Tameuh i vui y khai takhra ai nai tla; si chaluchi ai kalop so hai moh, beram chalu ai py mui takip moh.Ref 15.19: Theu 13.12
20 Saneng tlenrei nang hawi nang i yhm dengtheungchi ly Areng ai chiu nai meingtym hareira Areng i mo y, huni si chalu hawi beram chaluchi mawi cha ai nai tla.
21 Na i py huni si hawi beramchi ly kheu tabai nai, mei paju nai, ti y baly takhra no-na ha harei awm lawh baly, hunichi ai nangchi i Areng Tameuh teng y talam ngau y.
22 Huna nai tawnbawichi i mawi ly nangchi i marychira y cha pajau. Nangchi theung y reita leaungsai y chai nai khumi, chai y nai khumi bawibawichi ly sisiu mawi, chakhi mawi cha nai kamta, huni tawnbawichi i mawi py cha pajau.
23 Na i py thi ly cho u moh; tui lai nai kamta thi ly khaileaung y lai vui ai nai tla.Ref 15.23: AA 9:4, Lev 7:26-27, 17:10-14, 19:26, Leu 12:16-23