2
Moba khumichi ai tara chih nai
1 Areng my, “Moba khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly Edom samrang i hiuchi ai maidym satlawi palawn vui nai hawimy, Edom samrang ai tahm khai u y bo. Ref 2:1-3 Is 15:1—16:14, 25:10-12; Jer 48:1-47; Ezek 25:8-11; Zep 2:8-11
2 Kai ly Moba pri salo y mai kani nai hai iy, Kerioth mary i amtangra yhmchi ai maidym satlawi palawn vui ai. Tavaimichi i aeu nai raawi, baw katyn hawi atiu nai katynchi amsau nanai neng khala y, Moba khumichi dei u ai.
3 Kai ly Moba samrang ai kapadei ai; Moba pri i lu sa nai keung bawibawichi ai tleh pawn ai,” napi.
Juda khumichi ai tara chih nai
4 Areng my, “Juda pri khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kai i leu pei naichi niu ngai y iy, kai i pei nai reita leuchi patawm u y. Mychi i amsi pajochi ahihawi iy, chiu nai teng y nai tameuhchi mang y mychi naimy abang i, lam tamang u bo.
5 Hunai deaungkho y kai ly Juda pri salo y mai kani nai hai iy, Jerusalem mary i amtangra yhmchi ai maidym satlawi palawn vui ai,” napi.
Tameuh my Israela khumichi ai tara chih nai
6 Areng my, “Israela khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kalai pe pajau y nai khumi kahawichi hawi, phainai makengrei vang malawn py kalai pe pajau y nai khumi kamawnchi ai, miseaung y jo u bo.
7 Nichi ly atho di nai khumi hawi jeaungmang nai khumichi ai chiu iy, khumi kamawnchi ai nui u pawn nai ne. Ampo hawi chapo ly miseaung neampachy leaungrei hawi i ahawi mei naimy, kai i amyn kachai ai tahm anem hai bo.
8 Chiu naira meingtym tleirei y khumi kamawnchi teng i kalai atheu nai kanihchi bai iy, i u nai ne. Nichi ly kalai awm nai khumichi teng i kalai atheu nai kreip hang ai, mychi i chiu nai Tameuh i achura yhm y nei u bo.
9 “Huna nai kamta ly kai i khumichi awi, kai ly nangchi i vui saitleang keung tanrei asang iy, ngopraibiu keung kamta atho awm parai nai Amori khumichi ai kataphra pi chauchau bo. Ref 2:9 Tara 3:8-11
10 Kai ly nangchi ai Aikupta pri i dengdairei, kang pahawi nai ne. Daichi ka-vym theung y saneng vui palyh ryrei pahawi iy, Amori khumichi i pri ai nangchi peang ai nai kang pei bo.
11 Kai ly nangchi i chapo phyreichi ai amo lawm ai nai py, nangchi i thawndeang deaungdi phyreichi ai naziri khuminote 2:11\xk Naziri khumi: Tameuh teng y au patyp iy hm-rah nei y, sam vau y, tlaiveu nam y ai nai vaineng abeu nai Israela khumi ne.\x*lawn ai nai py, kang vawi pi takhra bo. Aw Israela chengchi awi, hini ly ne angchi khyp nai ny y a? Hini ly kai, Areng i leu pei nai ne.Ref 2:11 Kati 6:1-8
12 Na i py nang ly naziri khumichi ai kreip hang nei hai iy, amochi ai ly kai i leu pei nai thui y ai nai paka u bo.
13 Naibaly kai ly nang ai khaileaung y kang chiu piupa ai i, nang ly choh pho kaji kawi cheng nai ka-ri kamta tangam ai.
14 Khri pa-rei angpreng rang parai nai khumichi malawn py tleaung ai ny y. Atho ham nai khumichi py atho bai ai i, tavaimi risachi py mychi i tlang atleu u pajau ai ny y.
15 Thailiho pa nai khumichi py khaw u pajau ai ny y. Khri pa-rei angpreng rang nai khumichi py law tleaung ai ny y; keaungngo tleaung i khumichi py, mychi i tlang tleaung u pajau ai ny y.
16 Huni kani y sorai keh nai risachi malawn py, mymychi i tavai ateaungchi khai su iy, angpreng u pawn ai,” nanai Areng my thui nai ne.