1 Sal iknak seihnam tiangih a om tu hmawhhmawh ni an bawile cu upatnak kim co tlak ah ruat uh seh, cuticun kan Pathian ih min leh kan thuzirhmi hi thangsiat a i hlah taw uh. 2 Zumtu bawile a ngei tupawl ni an bawile cu zumtu unaupawl an i paan vaih kovawh tiin nautat thok an i lo; an ren Žhat hlehhlo awk tu a ii, icatile an mi rennak ih Žhathnemnak zarto tupawl cu an dawtmi zumtupawl an ii.

Hih Žuanvopawl hi zirh hngai la torh hngai. 3 Phuncein mi a zirhtu leh kan Bawi Jesuh Khrih ih aanka hmaan leh Pathian Žihzahnak rum a kaihtiami zirhnak lungkim lo tupoh cu 4 a zumtia, ituhman a tiah lo, culeh thu hnaihnok leh aan-altiak a dawtdan a damsam lo. Ahipawl hin iksiknak, ŽhenŽhehnak, mirawn, aŽha lomi lunghrinnakpawl, 5 cun ruahnak rawkcat leh thuhmaan a tiah ti lo tupawl lakah thu-altiaknak tipawl an vasuak, Pathian Žihzahnak ni miatnak a suahsak tiah an ruat. 6 Biaknak cu lungkimnak rum an komtiak ahcun miatnak hnempi a suahsak pan kau ee; 7 icatile vulei ah hin ituhman kan hei suahpi lo, curuangah a hemin ituhman kan lata kho lo; 8 ihmansela caw leh partlai kan ngeih ahcun ahipawl rum kan lungkim awk a ii. 9 Len a daw tupawl cu tukforhnak sung ah an tla ih rawhcahnak leh siatsuahnak ah mi a pil saktu atthu a imi leh harnak mipiatu hiarnak tampi ni thang in a awk hngai. 10 Icatile tangka dawttuknak cu Žhat lonak phun zate ih hrampi a ii, culeh len an lakhlahnak ah mihrekkhat cu zumnak in an pial mianmi ih anmah leh anmah titiak tlungpi in an suntlek tia.

11 Ihmansela nang, Pathian ih milai ni cu ahi hmawhhmawh hi hrel hngai; dingfelnak, Pathian Žihzahnak, zumnak, dawtnak, inkhawhnak, nunnemnak hi tiakpi in zuamtia hngai. 12 Zumnak ca-ih dohtiak Žha cu Žhate in do; kumkhua nunnak cu tlaihtia, acu caah kawh na ii ih tiahpitu tlungpi hnganih Žhate in na phuanmi a ii. 13 Thil zate hemah nunnak a piatu Pathian leh Pontias Pilat hmaiih a thuhla a sim ahkhin Žhate in a simphuangtu Khrih Jesuh hnganah, 14 Kan Bawi Jesuh Khrih a lan hlansung ka thupiak hi soisel leh mawhthluk awk omloin zul dingah ka tan torh. 15 A cui Ni cu a thluasuakmi leh amah ceu a Cungnungmi, siangpahrangpawl ih Siangpahrang, bawipawl ih Bawi ni a caan hmaan te ah a iksak thokmi a ii. 16 Thihthiam lonak a ngeitu leh hnaihkhawh lomi ceunak sungih om tu, ahu hman ih hmuh thah lo mi leh hmuhkhawh lomi, cu amah ceu a ii; amah hemah cun sunloihnak leh kumkhua uknak cu om kau seh. Amen. 17 Atu san ih a lian tupawl cu porhtia lo dingah, iklole rintlak lomi lennakpawl parah iloin, kan nompi dingah izongza lianngai in a man thlaktu Pathian par tu ah an ruahsannak Žhum dingah thu pia hngai. 18 ThilŽha vua ding, rianŽha Žuannak ah lian ding, a siangmi leh mihlawm a mantia mi i ding an ii. 19 Cuticun nunnak taktak a imi nunnak an tlaih ngahnak dingah hmala ca-ih hrambin Žha a imi hlawnthil a khawltia taw uh.

20 Timote, na hemih tan kinsakmi cu Žhate in kinkhawi kau. Pathian rum pehpontia lomi bawroktiaknak leh amah leh amah a kalhtiami, “thutiahnak” tiin a sualpiih kawhmi cu va hrel. 21 Acucu kan ngei titia in mihrekkhat cu zumnak rum pehtlaitiami thu ah lam an Žhelh rom. Veel cu nan zate cungah om hram seh.