1 Mi ucang deuh cu aanhrang in bia hlah, pa pakhat mangin bia. Minodeuh cu naule mangin, 2 numi ucang deuh cu nule mangin, numi nodeuh cu tarnule mangin thinlung thiangte rum pehtlai hngai. 3 Nuhmei taktak a i mi pawl cu upat hngai. 4 Nuhmei pakhat cu tiale iklole tule a ngeih hngai ahcun, biaknak la ih an Žuanvo cu anmah ih innsang parah leh an nulepapawl hemah izet maw piakŽhan ding khi a ii ti hi zir peita uh seh; icatile ahihi Pathian hmuhhngan ah lungawi aw a ii. 5 Nuhmei taktak, amah ceu matmi cu a ruahsannak Pathian parah a sia ih, sun leh zan in bondilnak leh thlacamnak in a peh berbo. 6 Ihmansela nomnak ca-ih a nung tu nuhmei cu a nunlio hman ah a thi. 7 Ahi thupiakpawl hi khaw pia hngai ve, cuticun, mawhsiat kailo a i taw uh. 8 Culeh a hrihrai, ahleice in a innsang sungtelpawl hman a zokhen hngai lo tupoh cu zumnak a hnongih, zumlotu vanin a siava sawn. 9 Nuhmei cazin ih siah dingmi cu kum 60 cung a imi leh pumah pakhat ceu a ngeita dah mi a i thok. 10 Amah cu aŽhami a rianŽuanpawl ruangah minngei mi: tianaupawl Žhate in a han cawm tu, khual Žhat lansaktu, mithiangpawl ih kepawl Žawl hngaitu, mi harsa bawntu, culeh thilŽha tinak ah a lam cang in punpiatiatu, a i thok. 11 Ihmansela a nodeuhmi nuhmeile zong cu cazin ih telh hngai ding al lei ci; icatile an tiksa hiarnak ni Khrih hemin a Žhen hngai tikah pumah ngeih an daw, 12 culeh an thutiam peita an tlolh ruangah sual thuŽhennak an phatsak. 13 Acu hleiah, phenhlo an zir, inn pakhat hnuk pakhat an vak zualzo; culeh an phenhlo men lo, mi khaw an rawnih mi thu ah an telhtia, an aan awk a i lo mi an ang. 14 Curuangah a nodeuhmi nuhmeile cu pumah ngei kau uh seh, tianau ngei uh seh, cun an innsang zokhen uh seh ka ti, cuticun kan ralpa hi man nautat nak ding caanŽha piak a i hlah taw. 15 Icatile mi hrekkhat cu Satan dung zul dingah an mertia rom. 16 Zumtu numi ahu ni maw nuhmei taktak sungkhatpawl a ngeih hngai ahcun bawn hngai kau seh; pawlpi cu a phurh rihsak i hlah seh, cuticun nuhmei taktak a i mipawl khi a bawn hngai kho taw. 17 Žhate in mi a hruaitu upapawl, ahleice in phungsim leh zirhnak ah a Žuan rethei tupawl cu sunloihnak a lethnih cotlak ah ruah ii uh seh; 18 icatile Lai Thianghlim ni, “Tiangcang a cil liomi cawpetuum cu a hmur Žeem hlah,”Ref 5:18 Daan(Deu)25:4 tiin leh, “A Žuan retheitu cu piak a tlak,”Ref - 5:18 Mat 10:10, Luk 10:7 tiah a ti. 19 Upa pakhat sual an puhnak cu tiahpitu pahnih maw pathum maw an omlo ah cun khawcang hmanah cosang hngai hlah. 20 A sualreuri tupawl cu zapi hnganah hringŽon hngai la, cuticun a taangmi khaw a hrul taw uh. 21 Pathian leh Khrih Jesuh leh rilmi vanmile hnganah, hi thuzirhpawl hi mithmai zocenak omloin zul dingah, thleidannak parin ituhman ti lo dingah ka tan cah. 22 Ahuhman hnawtiatuk in kutsuan hngai hlah, cun mipacepawl ih sualnak ah telve hlah; thianghlim in sia tia. 23 Na sung tiak leh na titiak ŽiuŽeu caah tii ceu ding ti hlah, sabit zu tlawmte tu hmang. 24 Mihrekkhat ih sualnakpawl cu an langfiangih sual thuŽhennak ah a phat kheel hngai, mipacepawl ih sualnakpawl cu anmah dung in an zul. 25 Curuangah thilŽha vuakmipawl khaw an langfiang; culeh an lanfiang lo hmanah thuh in an taang kho lo.