TIMOTE
Hemih Laikuat Pakhatnak
Timote kuat khat, kuat hnih, leh Titas hemih laikuatpawl hi “Pastor laikuatpawl” tiin tiah leh kawh an i bil. A ngandan, an thupithlur, an buaipimi thupawl leh hi laikuat cotu Timote leh Titas hi Pastor an ik ruangah acutiih kawh an iknak a ii. Timote cu Efesa khua ih pawlpi ah Pastor Žuan dingin siahmi a ii. Paul ih rianŽuanpi a ita bil nain atu cu anmah bulte in Žuan tlak ah ruah a ik ruangah Žuansak a ii.
A Ngantu, Ngan Kum leh Ngannak Hmun. A ngandan leh a thutlangpi an sakhat ngaiih, Žum khat ah mi pakhat ih ngan khatmi an ik khaw a fiang ngai. Paul ih ngaan ik hi tuante in mi tampi ni an zum. Paul ih ngan ik zumlotupawl zong ni Paul ih thih hnukah amah hnaihtleng tu leh a thinlung tiah tleng tu ni Paul ih ruahnak a hrampi ah hmangin a ngan a i thok – a aanta, a thutlangpi, pawlpi hruaitiakdan hi Paul san lio thilomdan mang an i lo tiah an ti. Ihmansela, san leh thilomdan an thlengtiak mangin aanta hmanmi leh laingandan, hruaitiakdan khaw a thlengtia kho ve ruangah Paul ih nganmi ik zum dinhmun ah a Žangtu an om reuri. 1 Tim 1:3; 3:14; 4:13; 3:15 tipawl zoh tikah, a nitin van a hnukdeuh kho men nain kir cop ringtia in Timote cu Efesa khua ah a mataih Masidonia a tlon khaih kan hmu. 2 Tim 1:8, 16 ahcun thawng sungih a om kan hmu leh. 1 Timote leh Titas hi Žum khat ah ngan hngai in, 2 Timote hi hnukdeuh ih a ngan zum a ii. Cuti a ik ahcun, AD 60-62 ih Rom khualipi ah thawng a tlak lio ih nganmi laikuatpawl lakah telhcih an ik thah lo ruangah thawng in a luat duau lio AD 63-64 sungah a i kho tleng. A thawng tlak Žhan hi AD 64 hlan a ik zum a i lo ih an thah khaw AD 67 hnuk ik zum a ik lo ruangah, 1Timote leh Titas cu acu hlan, a thawngtlak Žhan hlanih a ik thok ruangah Masidonia peng a tlon Žhan lio ah a nganmi i thokin zum a i tleng. Paul ih nganmi iloin mipace ih nganmi a ik ahcun a ngan kum cu AD 90-100 lakah, Asia Minor hmun pakhatkhat ah a i thok.
A Ngansaktu Thupawl. Timote Pastor a ii. A pa Grik-mi, a nu Judahmi a ii. Mino te a ii, hruaitiakdan leh pawlpi lamtahdan laah ralŽha in mi a hruai ngam lo a bai te. Cun ningzahngei leh sungtiak tuar berbo a ii. Efesa khuapi ih Pawlpi ah Pastor Žuantu ding ahcun a ŽonŽai ih, thanau, cumrim leh thinnuamloin a om thok tiahthiam, thapiak, a dungla ih dinpi a Žul.
1Timote ih Tumtahmi. (1) Pawlpi sungah zumnak buaisak kho tu zirhnaksual a luh khawh ruangah a cu doh a torh(1Tim 1:3tt). (2) Pathian innsang a imi Pawlpi kilkhawinak leh Pathian biakdan, hruaitule ih nunzia tipawl thupit zia a sim. (3) Zirhnakhmaan kilkhawi leh zirhsin ding, a net tiang zum Žhote ih om ding, a torh.
1
1 A man Rungtu Pathian leh kan ruahsanmi Khrih Jesuh ih thupiaknak in Khrih Jesuh ih tirhthlah pakhat a i mi Paul ni,
2 zumnak sungih ka tiapa taktak Timote hemah lai ka tan kuat. Pa Pathian leh Khrih Jesuh kan Bawipa hemin veel, naktiahnak leh daihnak cu tan pha hram seh.
3 Masidonia la ka tah ih ka tan torh tak mangkhin, Efesa ah taangtain, mihrekkhat khi thupon phun ce zirh lo dingah leh,
4 zumnak thawngin tiahmi Pathian khuakhang sawn iloin, thu-altiakpawl a suahsak tu mi-sapolh thuanthupawl leh dengngeilo suahkehnak pipu min khummi la thupitsakin punpiatia lo dingah sim hngai dingin ka tan torh.
5 Ka tan torhnak ih tumtahmi cu: athiangmi thinlung, aŽhami siaŽha thleidannak leh zumnak tlaitluang in asuakmi dawtnak omsak dawt ah a ii.
6 Mihrekkhat cu ahipawl hin an pialih sullamngei lomi bawroktiaknak laah an mertia,
7 itu an aang ti iseh, thupingngaiih an simmi iseh tiahthiam cuang loin. Daanzirhtupawl ik an daw.
8 Daan cu a hmandante in hman ahcun a Žha kau ti kan tiah.
9 Ahihi daan timi cu sualnakngeilo caah vuak piak a i lo ih daanngeilo leh thuzullo caah, Pathian ngeilo leh asualmi caah, mithianglo leh hnawmtaam caah, an pa maw an nu maw a that tule caah, lainawngle caah,
10 numipami sualkhatle, pami veve sualkhatle, sal sumletle, mideule, a ilopi in thudinpitule,
11 thluasuak Pathian ni ka hemih a ma kilsakmi thuthangŽha sunglawi mang a imi thupon hmaan a dokalhmi itupoh caah vuak piak a ii ti kan tiah.
(Tirh. 8:1-3; 9:1-19)
12 Rinsantlak ah ma ruatin a rian caah ama tirh ih thazaang ama pia tu Khrih Jesuh kan Bawipa ka lawm.
13 Hlanlio ahcun mithangsiattu, mihremtu, minaktiah ngei lomi ka ita. Ihmansela, amah tiah lonak leh zum lonak sungih tekcak ta ka ik ruangah velngeihnak ka co.
14 Culeh kan Bawipa ih veel cu Khrih Jesuh sungih a ommi zumnak leh dawtnak rum ka caah a luangliam.
15 Aannak ih Khrih Jesuh cu misualpawl rung dingah vuleipi ahhin a pha timi hi zumtlak leh kimhlang in cosaan tlakmi a ii. Acupawl lakah kei cu a sualtleng ka ii.
16 Ihmansela acui thu rori ruangah a ii velngeihnak ka co, acucu misual tleng kamah sungah Jesuh Khrih ni a tlamtlingmi thinsaunak lansak in, kumkhua nunnak ngah dingin amah a zum leh thok tupawl ih zoŽhimawk in ma vua dingah a ii.
17 Kumkhua Siangpahrang, thihngeilo, hmuhthiamlo, Pathian omsun hemah upat leh sunparnak cu kumkhua in kumkhua om hram seh! Amen.
18 Timote, ka tiapa, na thuhla simlimi mangin, acupawl na zulhnak hngai thawngin dohtiaknak Žhami na doh khawhnak dingah hi zirhnakpawl hi ka tan kin sak.
19 Zumnak leh siaŽha thleidannak Žha tlaiŽho kau. SiaŽha thleidannak an hnonnak thawngin mi hrekkhat cu an zumnak tangphawlawng ih rawh tak hngai an tuar.
20 Acule lakah mi thangsiat lo ding a zir taw uh tiin Satan hemih ka piak hngai mi Haimenias leh Alexander an tel.