3
1 Netatlengah, ulenauhngai, nanmah lakih a ikning mangin Bawipa ih thu cu hmun pace ah rangngai in a karhih sunparsak a iknak ding,
2 cun mi Žhalo leh misual hemin runsuah kan iknak ding, kan caah thlacam uh; icatile mi zate ni zumnak ngeih a i lo.
3 Ihmansela Bawipa cu zumtlak a ii; amah ni nan tha a Žhawngsak lei ih mi Žhalopa hemin a tan kilveng hngai thok.
4 Ti ding ih thu kan tan piakmi thilpawl nan ti rero ih nan ti peh ringring thok tiin Bawipa sungah kan tan lunglum.
5 Bawipa ni nan thinlung cu Pathian dawtnak leh Khrih ih hmunŽhonak laah hoisak hngai hram seh.
6 Atu ah hin ulenauhngai, kan hemin an cosinmi thurosiah mangin nung loin phenhloin a om tu zumtupawl hemin a hlatnak ah om dingah kan Bawi Jesuh Khrih min in thu kan tan pia hngai.
7 Icatile khawti in man cawng ding nan ik cu nanmah hrimhrim ni nan tiah kau; nan hemih kan om ahkhin kan phenhlo ta lo,
8 cun a man pia loin ahu pakhat ih caw hman kan aw tlawi ta lo; ihmansela nanmah ahu parah khaw phurhrit kan ik lonak dingah tiin rethei leh harngai in sun leh zan rian kan Žuan.
9 Acucu a cumangin ti khawhnak kan ngeih lo ruangah iloin, nan cawn ding zohŽhimawk tan pia ding tu ah a ii.
10 Icatile nan hemih kan omtak lio hman ah: Ahumaw rian Žuan zuam lo tu cu caw aw hlah seh, timi thupiak hi kan tan pia ta.
11 Mihrekkhat cu phenhloin, itu Žuan loin mi Žuannak ih telhtiak hmang nan om ti kan za.
12 Acumang mipawl cu nanmah ih rian daite in Žuan ih anmah awkhlawh ding puncawmnak hrawltia dingah Bawi Jesuh Khrih sungah thupiain kan torh hngai.
13 Ulenau hngai, ahmaanmi Žuannak ah thabangin om hlah uh.
14 Hi laikuat sungih kan simmi a cangngai lo tu cu minhlin hngai uh la anmah rum ituhman pehpontia hlah uh, ningzak in a om taw uh.
15 Ralle ah cu ruat hlah uh, zumtu dinhmun in ralrinnak zong pia uh.
16 Atu cu daihnak Bawipa amah rori ni caan hmawhhmawh ah lam phun kip in remdaihnak tan pia hngai hram seh. Bawipa cu nan zate hemah om kau seh.
17 Kei Paul ni hi biaksonnak hi ka kut rori in ka ngan. Hihi ka laikuat poh ih minhlinnak a ii; ka laingan daan a ii.
18 Kan Bawi Jesuh Khrih ih veel cu nan zate hemah om kau seh.