1 Cuhnukah Tusuan ni tacik pasarih lakih pakhat a phoih ka hmu, culeh thilnungle pali lakih pakhat ni khuaritur awpi in, “Ma pha” tiih a kawh ka za. 2 Ka zoh ih saai raang pakhat a om! A citiatu cu lii pakhat a ngei; siangpahrang lukhum pakhat piak a ii ih nehthah leh neh dingah a vasuak. 3 A pahnihnak tacik a phoih tikah a pahnihnak thilnung ni, “Ma pha” tiah a kawh ka za. 4 Culeh saai pace pakhat a vasuak, santle a ii; a citiatu cu pakhat leh pakhat thattia cincen dingah vulei par ih remdaihnak lasuak dingin sen a ii; cun ralreen hnempi pakhat piak a ii. 5 A pathumnak tacik a phoih tikah a pathumnak thilnung ni, “Ma pha” tiih a kawh ka za. Ka zoh ih saai nak pakhat a om! A citiatu cu a kut ah zazu a pu, 6 culeh thilnungle pali lakin ik a hoih mi aw pakhat ni, “Denarias pakhat ah sang-vut pe khat, cun denarias pakhat caah barli sangvut pe thum, oliv thathau leh sabit tii zong cu rawhsak hlah law!” tiah a ti ka za. 7 A palinak tacik a phoih tikah a palinak thilnung ni, “Ma pha” tiih a kawhnak aw ka za. 8 Ka zoh ih saai paalphiaphua pakhat a om. A citiatu ih min cu Thihnak a ii ih Mithikhua ni a zul; vulei ih Žhen li Žhen khat parah ralreen, mangŽam, sontiakbai tiahhrinsia leh vulei parih sahrangpawl in thah khawhnak thu piak an ii. 9 A panganak tacik a phoih tikah, Pathian thu leh an thu dinpimi ruangah thah a tuakta tupawl ih thlaraupawlnote 6:9 ‘Thlarau’ hi nunkhua tiih kan leh bilmi khi a ii. pakawh tangah ka hmu hngai. 10 Aw dakpi in, “Cungnung Bawipa, a thianghlimmi leh ahmaanmi, vulei ih om tupawl parah thu na Žhen hngai ding leh kan thisan phulei na sam hngai hlan hi ihlet rau rih lei maw?” tiah an au. 11 Anmah cu angkitual raang pakhat vek piak an ii ih, anmah mangin thah a i cop thokmi an salpipawl leh an unaule ih milu a kimngah hlansung cawlhnga duau rih dingin sim an ii. 12 A paruknak tacik a phoih tikah, ka zoh ih, linghnit rauhpi a tlung; ni cu khumdip puan meibuhmi mang anakmi ah a cang, thlapa khaw thisan mang a cang. 13 Culeh huihsia ni a hnin tikah theikung ni isik khuk ih a vuangpawl a Žhilh hngai mangin van ih arsipawl cu vulei parah an Žil. 14 Van cu amahte a zawltiami laizawl mangin a hma, culeh tlang leh tikulh cang an omnak in thawn an ii. 15 Cutikah vulei cung siangpahrangpawl, uktupawl, ralbawile, milian leh mi ŽhawngŽha, cun mi cang – sal leh miluat ti lo – lungkuakpawl sung leh tlang ih lungpipawl lakah an bu. 16 Tlangpawl leh lungpawl hemah, “Man tlaknon uh la toŽhiang parih to tu ih hmai leh Tusuan ih thinsiatnak in man thup hngai uh, 17 icatile an thinsiatnak nii ŽihŽha cu a pha romih ahu ngai ni tuar zo lei?” tiah an au ciamco.