5
1 Cuhnukah cun toŽhiang parah a to tu ih vorhla kut sungah sunglasan leh dunglasan ah lai ngantia in, tacik pasarih khenmi laizawl pakhat ka hmu.
2 Culeh a tha a dikmi vanmi pakhat ka hmu ih aw dakpi in, “Laizawl phar dingah leh a tacik khok dingah a tlakmi ahu a ii?” tiah a ho.
3 Vancung ah iseh, vulei parah, iklole vulei tangah iseh ahuhman lai zawl phar dingah iseh, a sung zoh dingah iseh a ti kho tu an om lo.
4 Culeh laizawl phar kho dingah iseh, a sung zoh kho dingah iseh, ahuhman atlakmi hmuh an ik lo ruangah ka Žap kheeikho.
5 Cutikah upale lakih pakhat ni, “Òap hlah law. Zohhman. Judah hrin ih Kiosa, David ih Hrilhhram ni laizawl leh a tacik pasarih a phoih khawhnak dingah a neh rom,” tiah a ma ti.
6 Cuhnukah toŽhiang leh thilnungle pali lalak leh upale lakah talh takmi mang a i mi Tusuan a din ka hmu. Tusuan ni kii pasarih leh mit pasarih a ngei hngai, acucu vulei cung punpuluk ah thlahsuakmi Pathian ih thlaraule pasarih an ii.
7 Amah cu a tat, culeh toŽhiang parah a totu ih vorhla kut sungin laizawl a la.
8 Laizawl a lat ngah tikah thilnungle pali leh upale kul hluanli cu Tusuan hmalaah an bok, tingtang pakhat vek leh, rimhmui in a khatmi sui kuak pawl an keng, acucu mithiangpawl ih thlacammi an ii.
9 Hla thar tiing khat,
“Nang cu laizawl la dingah
leh a tacikpawl
khok hngai dingah na tlak,
icatile talh na i ta ih,
na thisan thawngin
Pathian caah hrin cang leh
aan cang lehmiphun leh
ram cang inmithiangpawl
na tlang hngai;
10 Kan Pathian riantu
tlangbawipawl,
a siangpahrang uknak ah
na vua hngai rom,
culeh vulei parah an uk thok,”
tiah an sa.
11 Cutikah khua ka zoh ih, toŽhiang leh thilnungpawl leh upale velkimah vanmi tampi ih aw ka za; siarhanglo a thawng a thawng in an tam,
12 aw dakpi in,
“Talh takmi Tusuan cu
huham leh lennak leh
tinnak leh thaŽhawngnak leh
upatnak leh sunparnak leh
thluasuah cotlak a ii,”
tiah hla an sa.
13 Cutikah vancung leh vulei par leh vulei tang leh rili sung leh an sungih a ommi seemsuahmi cang ni,
“ToŽhiang parih a to tu leh
Tusuan hemah
thluasuah leh upatnak leh
sunparnak leh
thaŽhawngnak cu
a kumkhua in kumkhua
om kau seh,”
tiah hla an sak.
14 Culeh thilnungle pali ni “Amen!” tiah an ti. Cun upale ni an bokih an bia.