22
1 Cuhnukah vanmi ni thlalang tiim mang a tlemi, nunnak tipi a ma hmuh. Pathian leh Tusuan toŽhiang in a suakih
2 khualipi lampika laisim in a luang. Tipi khatla kap veve ah vuang phun hleihnih a vuangmi nunnak thingkung a om, thla cangin vuang a vuang; cun thingkung ih a hnahpawl cu miphun kip caah damnak an ii.
3 acunang ahcun camkhaat a imi ituhman hmuh a i ti thok lo. Pathian leh Tusuan ih toŽhiang zong cu a sungah an om thokih a salle ni amah an bia thok;
4 a hmel an hmuh ngah thokih a min cu an cal parah ngan a i thok.
5 Culeh zan a om ti thok lo; meiinn iklole ni ih tleunak an Žul lo, icatile Bawipa Pathian cu an ceunak a i thokih, kumkhua in kumkhua a uk thok.
6 Culeh, “Ahi thupawl hi rinsantlak leh ahmaanmi an ii, icatile Bawipa, profetpawl thaw a khum hngaitu Pathian ni a cang cop thokmi khi a salle hmuh hngai dingah a vanmi a thlah rom.”
7 “Zohhman, ka pha rang thok. Hi laibu sungih simciami thupawl a zul tupawl cu mithluasuak an ii,” tiah a ma ti.
8 Kei Johan hi, hi thilpawl a za ih a hmu hngai tu pa ka ii. Culeh ka zak hngai leh ka hmuh hngai tikah, a cupawl a ma hmuh tu vanmi cu bia dingin a ke hramah ka bok.
9 Ihmansela ani ni, “Acucu na ti awk a i lo! Kei cu nang leh na rualcompi profetpawl leh hi laibu ih thupawl a zultule rum sal ikhat mi ka i kau. Pathian tu bia sawn,” tiah a ma ti.
10 Culeh, “Hi laibu ih simlimi thupawl hi tacik khen hngai hlah, icatile a caan a nai.
11 ThilŽhalo-titu cu ti rih kau seh, cun ningtirhŽha a i tu cu ningtirhŽha i rih kau seh, cun midingfel cu a dinghmanmi vua rih kau seh, cun a thianghlimmi cu thianghlim rih kau seh,” tiah a ma ti.
12 “Zohhman, ka pha rang thok; micang an rianŽuan mangin piaŽhan hngai dingah ngahvo ka keng.
13 Kei cu Alfa leh Omega, a peitatleng leh a netatleng, a hramthawhnak leh a netnak ka ii.”
14 Nunnak thingkung ih vuang awk khawhnak leh khualipi ah kotkapawl in luh khawhnak thu an ngeih nak dingah an angkitualpawl a hlau tule cu mithluasuak an ii,
15 Khua pawnla ahcun uicopawl, dawithiampawl, numipami sualkhat tupawl, lainawngpawl, mepa biatupawl leh hmaan lonak a daw ih a vua tule an om.
16 “Pawlpile ca-ih hi thusimthan rum ka vanmi na hemih a thlah tu cu kei, Jesuh, ka ii. Kei cu David ih hrihhram leh hrinsar, deirel arsi tle ka ii.”
17 Thlarau leh mo ni,
“Pha law,” tiah an ti.
Cun a za tupoh ni,
“Pha law,” ti uh seh.
Cun ti a hal tupoh cu
pha uh seh.
A daw tupoh ni nunnak ti cu
laksawng ah lattia uh seh.
18 Hi laibu ih simlimi thupawl a za tupoh ralrin ka pia hngai; ahu ni maw a beeng ahcun Pathian ni an parah hi laibu sungih simmi ngalbeu-pulhpawl in hremnak a beeng thok;
19 ahu ni maw hi profet simlinak laibu sungih thupawl a phiat ahcun ahi laibu sungih simmi nunnak thingkung leh khualipi thianghlim a Žom dingmi cu Pathian ni a phiat piak ve thok.
20 Hi thilpawl thu a simthan tu ni, “Ka pha rang hrimhrim thok,” tiah a ti. Amen. Pha law, Bawi Jesuh!
21 Bawi Jesuh ih veel cu mithiangpawl zate hemah om kau seh! Amen.