21
1 Cuhnukah van thar leh vulei thar ka hmu; icatile a peita ih van leh a peita vulei cu an liamtia ih rili khaw a om ti lo.
2 Culeh khualipi thianghlim, Jerusalem thar cu a pumah ca-ih a thuamtiami mo mangin Pathian hem vancung in a zong Žum ka hmu.
3 Culeh toŽhiang in aw dakpi pakhat ni,
“Zohhman uh, Pathian ih
puanthlaam cu
minungpawl lakah a om
An hemah om thokih;
a minungpawl an i thok,
culeh Pathian amah
hrimhrim cuanmah rum
a om thok;
4 an mit in mitthli zate
a hnul piak hngai thok.
Thihnak a om ti thok lo;
ngaihsiat lungzur leh
Žahnak lehtitiak
an om ti thok lo,
icatile a peita thilpawl cu
an liamtia rom,”
tiah a ti mi ka za.
5 Culeh toŽhiang parih a to tu ni, “Zohhman, thil hmawhhmawh a thar in ka vua hngai,” tiah a ti. “Hihi ngan, icatile hi thupawl hi rinsantlak leh ahmaanmi an ii,” tiin khaw a ti.
6 Cutikah ani ni, “A uuktia rom! Kei hi Alfa leh Omega, a thawhnak leh a netnak ka ii. Ti a hal mi hemah nunnak ti cirh ih ti cu laksawng ah ka Žhen thok.
7 A nehtupawl ni hi thilpawl hi ro ah an co thok, an Pathian i lang khawh ka tianaule an i thok.
8 Miralhrut, zumlotu, ningtirhŽha, lainawngle, numipami sualkhatle, dawithiamle, mepabiatule, thulopuahtule zate zong cu thih hnihnak a imi mei leh kaat in a alhmi tili cu an omnak hmun a i thok,” tiah a ma ti.
9 Cuhnukah vanmile pasarih lakih pakhat, a netatleng ngalbeu-pulhpawl rum a khat mi hai pasarih ngeitu ni suakin, “Ma pha. mo, Tusuan ih nupi, ka tan hmuh thok,” tiah a ma ti.
10 Culeh tlang saang hnempi laah Thlarau in a ma thiarta ih Pathian hem vancung in a zong Žummi khualipi thianghlim Jerusalem cu a ma hmuh.
11 Pathian sunparnak leh a har ngaitemi lungmankhung mang, jaspernote 21:11 Lunghring mankhung. timi mang a tle ih lungvar thlalang mangin a tiim.
12 A hnemih a saang mi kulhdawl, kotka hleihnih rum a ommi a ngei, kotkapawl ah cun vanmi hleihnih an om. Culeh kotkapawl parah cun Israel hrin hleihnih ih minpawl ngan an ii.
13 Nisuahnakla ah kotka pathum, sakla ah kotka pathum, thlangla ah kotka pathum, cun nilawhnakla ah kotka pathum an om.
14 Khualipi kulhdawl cu hrambin hleihnih a ngei hngai ih an parah Tusuan ih tirhthlah hleihnih ih minpawl an om.
15 A ma bia tu vanmi cu khualipi leh kotkapawl leh khuakulhpawl tahnak sui tahtung a ngei.
16 Khualipi cu killi a ii, a saula cu a kauhla rum an ruang; culeh khualipi cu a tahtung cun a tah, peng thawng khat leh za nga a ii; a sau leh a kauh leh a saan cu an ruang.
17 A kulhdawl khaw a tah ih pi 216 saang a ii, cucu minung ih tahnak a hmang.
18 Khua kulhdawl cu jasper timi lungvar in dawlmi a ii, khualipi zong cu sui thiangte, thlalang mangin atiimmi a ii.
19 Khualipi kulhdawl ih hrambinnakpawl cu lungmankhung phun kim ih thommi an ii. A pakhatnak cu jasper timi lungvar a ii, a pahnihnak cu safaiar timi lungmankhung sanhlau, a pathumnak cu agate timi lungkha, a palinak cu emerald timi lung khadup tle,
20 a panganak cu onix timi lung san mankhung, a paruknak cu karnelian timi sandup lungmankhung, a pasarihnak cu krisolaih timi lungmankhung aihrekha, a pariatnak cu beril timi mepian leh aihre cok lungmankhung, a pakuanak cu topaz timi lungmankhung aihre, a pahranak cu krisopeis iklole khalsidon timi lungmankhung paal, a hleikhatnak cu jacinth iklole Žarkhua timi lingmawsan iklole mepian-kha, a hleihnihnak cu amethyst timi lungmankhung sandup a ii.
21 Culeh kotka hleihnih cu tikeplung hleihnih an ii, kotka pakhat vek cu tikeplung pakhat vek ih vuakmi an ii. Khualipi ih lampi cu sui thiangte ih vuakmi a ii ih, thlalang mangin a tiim.
22 Khualipi sungah cun biakinn ka hmu lo, icatile a biakinn cu Bawipa Pathian Zongzatikho leh Tusuan an ii.
23 Culeh khualipi ni amah tlaantu dingah ni iseh, thlapa iseh a Žul hngai lo, icatile Pathian ih sunparnak cu a ceunak a ii ih a mei inn cu Tusuan a ii.
24 Culeh miphun zakip cu a ceunak thawngin an bualleng thokih vulei siangpahrangpawl ni an sunlawinak an luhpi thok.
25 A kotkapawl cu sun ah an khar dah thok lo – cun acunangah zan a om thok lo.
26 Mipawl ni an miphun ih sunlawinak leh upatnak an luhpi thok.
27 Athiang lomi zong cu itukhaw luh a zarh, ningtirhŽha a vuatu iseh, thulopuahrau iseh an lut thok lo. Tusuan ih nunnak laibu sungah an min ngan a i mipawl ceu an lut thok.