18
1 Ahi hnukah vanmi pace, thungeihnak hnempi a ngeimi cu vancung in a zong Žum ka hmu; vulei cu a sunparnak ni a tlet.
2 Aw ngekpi in,
“Tlakngah ee, tlakngah ee,
a nasami abilon cu!
Khawsiale ih omnak hmun,
thlarau thurhnawm poh ih
buallennak,
a thurhnawmmi va poh ih
buallennak,
a thurhnawmmi leh huatpokmi
sahrang poh ih buallennak ah
a cang tia.
3 Icatile miphun zate cu
a hurnak ih thinsiatnak zu
an ri rom,
cun vulei siangpahrangpawl cu
amah rum an sualkhat,
cun vulei cungih sumletpawl cu
amah nu ih len hleihluannak ih
nomhiarnak thawngin
an lennak,” tiah a au.
4 Cutikah vancung in aw pace ni,
“Ka milehngai, a hemin suak uh,
cuticun a sualnakpawl sungah
a telve hlah taw cu,
culeh a harsatnakpawl
a Žom ve hlah taw cu;
5 icatile a sualnakpawl cu
van tong cen saangin
an pengtia.
Pathian ni a Žhat lonakpawl
a cingkeng hngai.
6 Amah ih mi piak mangin
amah cu pia ve uh la,
a thiltipawl caah a lethnih in
amah cu rul uh;
a cawhrawimi hai sungah
amah caah lethnih in
cawhrawi piak uh.
7 Amah leh amah sunloih tia in
lianhleihluanih a nun mangin,
acu zet hremnak leh
ngaihsiatnak amah pia uh.
A thinlung sungah,
‘Siangpahrangnu dinhmun
in ka uk;
Nuhmei ka i lo ih
ngaihsiatnak ka tuak dah
thok lo,’ tiah a ti.
8 Curuangah ngalbeu-pulhpawl
tiahherh siava, mangŽam leh
lungzuurnak cu ni khat
sungah an pha thok,
culeh amah cu mei in
tih a i thok;
icatile amah thu a Žhentu
Bawipa Pathian cu
a dikcak,” tiah a ti ka za.
9 Culeh amah rum a sualkhatih lian hleihluanin a om tu vulei cung siangpahrangpawl cu mei ni amah a kan ih a khu an hmuh tikah an Žap, an aihram thok.
10 A hremtuarmi Žih ah lamhlapi ah dingin,
“Zetzoah, zetzoah, a nasami
khuapi, Anasami Babilon,
khuapi ŽhawngŽha!
Icatile nazi pakhat sungah
na thuŽhennak a pha hi!”
tiah an ti.
11 Culeh vulei cung sumletpawl cu amah caah an Žapih an lung a zur, icatile an thilri
12 sui, ngun, lungmankhungpawl leh tikeplungpawl, sianglaraang puan, mepian-san, pu leh sandup, thing rimhmui a phunphun, vuiho thilripawl, thingmankhung, daar, thir leh laingannak lung – tipawl ih vuak mi thilri phunphun,
13 thinghawng hmui, masala, rimhmui, myrrh rimhmui, frankincense, sabit zu, oliv thathau, kawlming leh sangvut, cawpe leh tuu, saileengpawl, salpawl leh minung ponmipawl – timang an lei ti lo.
14 “Na nunkhua ih a lamminote 18:14 Hlammi ti kan om.
thingvuang ni na hemin
a tan vakta rom,
na mawinak thilpawl leh
na sunlawinak cu an hma rom,
hmuh an i dah ti thok lo!”
tiah an ti.
15 Ahi thilpawl sumlettu, amah nu hemin a lian tupawl cu a hremtuarmi hrulah lam hlapi ah dingin,
16 “Zetzoah, zetzoah, anasami
khuapi, sianglaraang puan,
mepian-san leh sandup
sinthlai tia in,
sui, lungmankhungpawl leh
tikeplungpawl in
a thuamtiami!
17 Icatile nazi pakhat sungah
ahi lennak cu hoitlawi ah
cansak a ik hi!”
tiah lungzur leh
tiakpi in an Žap.
Culeh tangphawlawng mawngtupawl leh rili ih khualtlawnpawl an zate, tangphawlawng rianŽuanpawl leh rili cungih sumletpawl an zate cu lam hlapi ah an ding,
18 culeh a kannak mei khu an hmuh tikah,
“Anasami khuapi mang a timi
itu khuapi om ta nala?”
tiah an au.
19 Culeh an Žah leh an lung zuur thah ah, an lu parah vutning phulhtia in,
“Zetzoah, zetzoah, anasami
khuapi, rili ah
tangphawlawngpawl
a ngei tu an zate ni,
amah ih ngeihsiah in
an hang lenŽhatnak!
Nazi pakhat sungah amah cu
hoitlawi ah cansak a ik hi!
20 Maw vancung,
nangmi mithiangpawl leh
tirhthlahpawl leh profethngai,
amah nu hi direm uh!
Icatile Pathian ni nan caah
amah cu thu a Žhen rom,”
tiah an au.
21 Cutikah a dikcak mi vanmi pakhat ni cawrialnak lung hnempi mang a timi lungtum pakhat a la ih rili sung ah zon hawrin,
“Anasami Babilon khuapi cu
zon hawr repro a i thokih,
hmuh a i ti thok lo;
22 Culeh tingtangtumtule,
thlungtumtule, tilawvau
tumtupawl leh tawtawrawt
tumtupawl ih an tummi aw cu
na sungah zak a i ti thok lo;
zungthiam phunphun ih
an zungza pakhat hman
na sungah hmuh a i ti thok lo;
23 culeh na sungah mei inn ih
tleunak khaw a vaang ti thok lo;
nupitupa leh mo ih aw
na sungah zak a i ti thok lo;
icatile na sumletpawl cu
vulei ih mi pipatleng an ii,
ram hmawhhmawh cu
na dawithiamnak in
deuh an ii.
24 Cun na sungah profetpawl leh
mithiangpawl leh, vulei parih
thah a i rom mi hmawhhmawh ih
thisan cu hmuh a i ta,”
tiah a ti.