17
1 Cuhnukah haipawl a ngeitu vanmile pasarih lakih pakhat pha in, “Ma pha la, ti tampi parih a to tu a nasami numizuartia parih thuŽhennak ka tan hmuh thok.
2 Vulei siangpahrangpawl cu amah rum an sualkhat ih vulei parih omtupawl cu a misualpinak zu an ri,” tiah a ma ti.
3 Curuangah Thlarau ni ramŽhing ah ama thiarta mianmi ih, minu pakhat cu thangsiatnak minpawl in akhatmi sandup pianzia sahrang a cittiak ka hmu, sahrang cu lu pasarih leh kii pahra a ngei hngai.
4 Minu cu partlai mepian-san leh sandup a sinthlaitia, cun sui leh lungmankhungpawl leh tikeplungpawl in a thuammawitia, a kut ih a misualpinak ih thurhnomnak leh ningtirhŽha iknakpawl in akhatmi sui hai a puttia.
5 A cal parah min pakhat, tiah harsami: “Anasami Babilon, numizuartiapawl leh vulei ih ningtirhŽhapawl ih nu,” timi ngan a ii.
6 Culeh minu cu mithiangpawl ih thisan leh Jesuh ca-ih sarthile ih thisan ri in ka hmu.
Amah ka hmuh tikah ka khuaruah a har ngaite.
7 Ihmansela vanmi ni, “Icaah na khuaruah a har lawmlam? Minu leh amah a phurtu, lu pasarih leh kii pahra ngeimi sahrang ih thuthuk ka tan sim thok,” tiah a ma ti.
8 Na hmuh mi sahrang cu a om ta, cun a om lo, culeh tawnengeilo khurawng sungin a hangkai vel thokih siatsuahnak ah a tat thok. Culeh vulei parih a omtupawl, vuleipi hrambin hlanin nunnak laibu sungih an min ngan tak rom a ilo mipawl ni sahrang cu a om ta, cun a om lo ih a om leh thok ruangah an khuaruah a har thok.
9 “Hihi tiahthiamnak ngeimi khuahruahnak a Žul: lu pasarih cu minu ih tonak tlang pasarih an ii; siangpahrang pasarih khaw an ii.
10 Anmah lakah panga cu an thi rom, pakhat a nunglio ih pakhat cu a pha laithok; culeh a phat tikah cangkhatte sung ceu a hmun thok.
11 A om ta ih a om ti lomi sahrang cu a pariatnak a inain a pasarihnak ih ta a ii ih siatsuahnak ah a tat.
12 Culeh kii pahra na hmuhmi cu uknak a co rih lo tu siangpahrang pahra an ii, ihmansela sahrang rum hmunkhat ah nazi pakhat sung siangpahrang dinhmun in thungeihnak co thok an ii.
13 Ahile hi an huham leh an thungeihnak sahrang hemih piak ding an lung a rual;
14 Tusuan an do thok, culeh Tusuan ni a neh hngai thok, icatile ani cu bawipawl ih Bawi leh siangpahrangpawl ih Siangpahrang a ii, cun amah rum a om tupawl cu kawhmi leh rilmi leh zumtlak an ii,” tiah a ma ti.
15 Culeh, “Numizuartia a tonak tiipawl na hmuhmi cu miphun kip leh aan zakip in mipawl leh mibuurpawl an ii.
16 Cun na hmuhmi kii pahra leh sahrang ni numizuartia cu an hua thok; a ngeihsiah hmawh an sut thokih takpalawngin an vua thok; a sa an aw thokih mei in an ro thok.
17 Icatile Pathian ni a thupawl an kimsuah hlansung cu sahrang hemah an uknak pia dingih an lungrualnak thawngin a tumtahmi Žuansuak dingin an thinlung sung ah a san hngai.
18 Na hmuhmi minu cu vulei siangpahrangpawl a uk hngai tu a nasami khuapi cu a ii,” tiah a ma ti.