SAAM 96
ThuŽhen Pathian ThangŽhatnak
(I San. 16:23-33)
1 Bawipa hla thar sak uh law;
vuleimi hmawhhmawh
Bawipa cu hla sak uh.
2 Bawipa cu hla sak uh,
a min thangŽhat uh;
nicangin a runnak
thuthangŽha sim uh.
3 Miphunpawl lakah a sunparnak,
mipawl zate lakah donharŽha
a Žuanmipawl simthan uh.
4 Icatile Bawipa cu a nasa,
cun nasangaiih thangŽhat
awk a ii;
amah cu khuazing zate cungah
upat awk a ii.
5 Icatile mipawl ih khuazing
an zate in meipapawl an ii,
Bawipa ni tu cu vanpawl
a vua hngai.
6 Upat leh rumranak cu
a hmaika ah,
thazaang leh mawinak cu
7 Maw vuleimi hmawhhmawh,
Bawipa cu a sungpar,
cun a dikcak tiah ti uh.
8 Bawipa cu a min hoih mi
sunparnak pia uh;
thilhlu ding keng uh la,
a biakinn ah suak uh.
9 Bawipa cu thianhlimnak ih
mawinak rum bia uh;
vuleimi zate hi a hmai ah
10 Miphunpawl lakah cun,
“Bawipa cu siangpahrang a ii!
Vuleipi cu Žhongai in
diinsak a ii;
hnial a i dah thok lo.
Mipawl cu rualranin thu
a Žhen hngai thok,”
tiah ti uh.
11 Vanpawl ngetia uh sela,
vulei cu a lung awi seh;
rili leh a sung khah ih ommi
an zate huk uh seh;
12 lo leh a sungih om zongza
an lungawi ngaite uh seh.
Cuhnukah tupi sung thingpawl
an zate lungawiin
13 Bawipa hmai ahcun hla
an sa thok;
icatile amah a pha thok,
vulei thuŽhen dingah
a pha thok.
Vuleipi hi dingfelnak rum,
cun mipawl a thutak rum,
thu a Žhen hngai thok.