SAAM 95
Thuzulnak in Biak: ThangŽhatnak Hla
1 Suak uh law, Bawipa
hla sak le hu;
aman rungtu kan lungpi hemah
lungawiin awsuah le hu!
2 Lungawithusimnak rum
a hmaika ah suak ung la;
thangŽhatnak hlapawl rum
lungawiin awsuah tu ung!
3 Icatile Bawipa cu apipami
Pathian a ii,
cun khuazing zate cungih
a nasami Siangpahrang a ii.
4 Vulei ih thuknakpawl cu
a kut sungah an om;
tlangpawl ih an saannak khaw
amah ih ta siksik.
5 Rilipi cu amah ih ta a ii,
icatile amah ni a vua,
vulei car khaw a kut ih
6 Suak uh law, kuum in
amah bia le hu,
aman Vuatu Bawipa hmaiah
khukbil le hu!
7 Icatile ani cu kan Pathian a ii,
keimi cu a sumpil ih
a mipawl,
Nihinni ahhin a aw ngai
uh la cu maw!
8 “Israelmi ni Mezibah ah,
ramŽhing ih Massah ah,
9 nan pipule ni ama hniksak
tak hngai mangin,
cun ka Žuanmi an hmu rom
nain ka ikning lansak
ama ngiar hngai mangin
nan lung ruhsak hlah uh.
10 Kum sawmli sung ama ning
hngai ih, ‘Anmimi cu
an thinlung lam pialmi an ii,
cun ka tidanpawl
an nangaih lo,’ tiah ka ti.
11 Curuangah ka hehharin,
‘Ka dindaihnak ah
an lut thok lo,’ tiah siatsirin
thu ka khaam.”