SAAM 110
Pathian Rilmi ih Nehnak
David ih Hla
1 Bawipa ni ka bawipa hemah,
“Na ralle na keteih ih
ka vuak hngai hlansung cu
ka vorhla ah totia,”
2 Bawipa ni huhamngeimi
na siangpahrang teileng cu
Zion in a hei thlah thok.
Na doralle lakah hin
uk hngai kau.
3 A thiangmi tlangpawl parah
na ralkaple na hruai hngai
ni ah cun
na mipawl cu lungthote in
an piatia thok.
Mawla ih naitla mangin
na nawhnak ni
4 Bawipa ni thu a khaam romih
a thinlung a thleng ti thok lo.
“Nang cu Melkizedek tlangbawi
ikning mangin tlangbawi
na i tlaitluan,” tiah a ti.
5 Bawipa cu na vorhla san ah
a om;
a thinsiat ni ah siangpahrangle
a khuaizaan hngai thok.
6 Miphunpawl lakah khin
thu a Žhen thok;
an ram cu miruak in khatkau
a vua hngai thok;
vulei kaupi parah cun lupawl
a khuaizaan hngai thok.
7 Lamkap ih thlawng tii
a ding thok;
curuangah a lu a tung thok.