SAAM 109
Harnak Tuar pa ih Phunrunak
Hlarem Hruaitu hemah: David ih Hla
1 Maw, ka thangŽhatmi Pathian,
daite in om sawh hlah.
2 Icatile mihrokhrawl leh
mideuhhmangle ni
ma ralsanin an kaa an ang,
thulopuahrau lei rum
kamah khatlasan in an ang.
3 Huatnak aankapawl rum
ama kul hngai,
cun a thuhla omlopi in
ama do hngai.
4 An caah thla ka cam nain
ka dawtnak ma rulhnak ah
sual ama puh hngai.
5 Curuangah Žhatnak caah
siatnak,
ka dawtnak caah huatnak
6 Anmimi ni, “Mihrokhrawl
pakhat amah ralsanin sia la;
a vorhla san ah satan diing seh.
7 A thu relpiak a ik tikah
misual a ii tiah
hmuhsuak ihram seh;
a thlacammi cu sual ah
rel piak ihram seh.
8 A san tawi hram sela;
a dinhmun cu mipace ni
sut uh seh.
9 A tiale cu ngakŽah ii in,
a nupi cu nuhmei
i hram seh.
10 A tiale cu vakvai in
kutdong-awkhlawh
i hram uh seh;
an omnak inn rawk hmanin
Žhawl i hram uh seh.
11 A leibatnak mi ni a ngeih
zate sut seh,
thabangih a Žuanmi vuangpawl
khualle ni sut uh seh.
12 A parah Žhatnak vuatu,
a tiale ngakŽah naktiah tu,
ahu hman om hlah uh seh.
13 A citlang Žhawh ii uh seh;
a min cu san hnihnak ahcun
phiat piak ii seh.
14 A pupale ih Žhat lonak cu
Bawipa ni mang hram seh,
cun a nu ih sualnak cu
phiat piak i hlah seh.
15 Bawipa hmaiah cun
taang ringring uh sela,
vulei ahhin amah cu cinken
i ti hlah seh.
16 Icatile Žhatnak lansak cu
a ciing lo;
mifarah leh misambau, cun
thinkuaimi zong cu
an thih tiang a hrem hngai.
17 Mi camkhaat a daw;
camkhaatnakpawl cu
a parah pha hram uh seh.
Thluasuah cu a daw lo;
a hemin hlapi hram uh seh.
18 Angkipawnthuah mangin
camkhaatnak rum
a thuamtia,
acu ni a ruangpun tii mangin,
a ruhpawl thathau mangin
ciah uh seh.
19 A velkim a ngerhtiaknak
thilthaan mang i hram seh,
nicang a vaitiakmi tavai mang
20 Acucu sual ma puhtule parah,
ma ralsanin Žhat lonak
a ang tupawl parah,
Bawipa ih rulhnak hngai
i hram seh.
21 Ihmansela nang, maw Bawipa,
ka Bawipa, na min ruangah
ka can-ai in tekcak hram la;
ahmunmi na dawtnak
a Žhat ruangah
ma rungsuak hram.
22 Icatile kei cu mifarah leh
misambau ka ii,
ka thinlung cu ka sungah
a kuaizaan.
23 Simla thlahneep mangin
ka liamtia;
hlingmi thlabawk mang ka ii.
24 Ka caw ulhnak ah
ka khuuk an dor;
ka ruangpun cu
a re ŽiingŽeeng.
25 Sual ama puhtule caah
nihsairawn awk ka ii;
ama hmuh hngai tikah
26 Maw Bawipa ka Pathian,
ma bawn hram!
Ahmunmi na dawtnak mangin
ma rung hram.
27 Hihi na kut a ii, maw Bawipa,
nang ni na ti rom ti hi
tiah uh seh.
28 Anmimi cu ma camkha uh seh,
nang ni zong cu
a ma thluasuah thok.
Ama donam-tule cu ningzah
huah sak ii uh sela,
na tungsau cu ngetia seh.
29 Sual ama puhtule cu
hmaisiatnak rum
thuamtia uh sela,
angkitual mangin anmah ih
ningzahnak rum
tuuntia uh seh.
30 Bawipa hemah ka kaa in
lungawithu nasatak
ka sim thok;
mirualpi lakah amah
ka thangŽhat thok.
31 Icatile ani cu misambaule
thi dingih sualthu
a Žhen piak thok tule hemin
rung hngai dingah
an vorhla san ah a diing.