26
1 Òhal ih vur mang iseh,
thlaikhawm ih ruah mang iseh,
hmaizahnak cu miaa rum
a hoih tia lo.
2 Caate a thawntiak berbo mang,
vanva a soi berbo mang,
tuar phu lomi camkhaatnak cu
khawnang rep hman ah a tat lo.
3 Saai caah thawinak tung,
laak caah kakharh,
miaale ih keeng caah
teileng a ii.
4 Miaale cu an atnak mangin
let hngai hlah,
anmah mangin aa lei-a ci.
5 Miaale cu an at zia
lang dingin let hngai,
culo cu miting ah
ruattia lei-a uh.
6 Miaa thuphur ih thlah cu
mah ke Žhawh tiak leh
thihsi din rum a ruang.
7 Kezeng ih ke cu
a hawl men,
acumangin miaa kaa sungih
aanroling khaw a ii.
8 Miaa hmaizahnak piak cu,
saili parih lung Žawncih
mang a ii.
9 Miaa kaa sungih
aanroling cu
zurimi ni a kut sun tu
hling a coihtiak khaih
mang a ii.
10 Miaa vak tlawi leh zuri
rianŽuan ah hlawhse tu cu
micang a tuahmawh tu
thalkahthiam mang a ii.
11 A atnak ah a kirŽhan tu
miaa cu
a luak a aw Žhan tu
uico mang a ii.
12 Miting in a hmutia tule
hmu hngai cim?
Anmah vanin miaale caah
ruahsanawk a om deuh.
13 Miphen ni, “Inn lengah
kiosa a om,
lampi ah kiosa a om,”
tiah a ti.
14 Sangkakhar cu a paŽa
parah a mertiak mangin,
miphen cu a metnak ah
a let tia rero men.
15 Miphen cu a kut in
kuak a pur nain
a kaa ih caw han neltiak
hman a zuam lo.
16 Miphen ni cu tingngai in
thu mi a let kho tu
mi pasarih vanin
tingsawn ah a ruat tia.
17 Mipace ih bawhtiaknak ah
a thlak tia tu cu
uico vakmi a naa ih
a dawk tu mang a ii.
18-19 Mah innkiang a deu ih,
“Ka tan puarthau men
henakhawh,” a ti tu cu,
thihkhawhnak meitom leh
cantiang rum mi a saai tu
mihmaw mang a ii.
20 Thing a sambau ruangah
mei a di,
cun mirawnthup om lonak ah
bawhtiaknak a dai.
21 Meihol ni meiŽuang,
thing ni mei,
an sat sak mangin,
mibawhrau cu thawitiaknak
meitumtu a ii.
22 Hiohiotu ih aankapawl cu
caw tui mang an ii;
ruangpun sung tangla ah
an zong pil miarmo.
23 Thinlung Žhalo rum
hmurka a thlummi cu
mawingai in sihnulh mi
suntlung kuak leh
am mang a ii.
24 Ral ni cu sungla ih
mideuhnak a pai thah ah,
awkaŽha in a ang;
25 ral ni hmuingai in
a aan tikah
acucu zum duh hlah,
icatile a sungla ah
ningtirhŽha pasarih
tleem an ii;
26 huatnak cu ziarngeihnak in
tlem a inain,
ral ih hrokhrawlnak cu
zapi tumtiaknak ah
lansak a i thok.
27 Khur a saai tupoh cu
acu sung ah a tla thok,
cun lung cu a thau tu parah
a kir Žhan thok.
28 Thulopuahrau lei ni
a tuarsakmi le a hua hngai,
cun miporhrau kaa ni
siatsuahnak a Žuan hngai.