25
Solomon ih Simbeengmi Aanrolingpawl
1 Hipawl hi Judah siangpahrang
Hezekiah ih zungrianŽuan
upale ih khummi Solomon ih
aanroling pace an ii.
2 Thilpawl tlem hi
Pathian ih sunparnak a ii,
siangpahrangpawl ih
sunlawinak zong cu
thilpawl hrawl suah hi a ii.
3 Saanla ahcun van mangin,
thuh la ahcun vulei mangin,
siangpahrangpawl ih ruahnak
khaw cu purhkhawh lomi
a ii.
4 Ngun khi a eek zam la,
cun sosuthiam ni
hmanthil caah thilhriim
a ngei thok.
5 Siangpahrang hmaka in
mihrokhrawl cu Žhawl la,
a toŽhiang cu dingnak rum
Žhosak a i thok.
6 Siangpahrang hmaika ah
namah leh namah
hmai ah suahtia hlah,
cun mithupi ih omnak ah
diing hlah;
7 icatile miruathaile hmai ah
Žhumniam ik vanin cu,
“Hinangah suak law,”
tiih simmi ik cu
8 Na mit ih hmuhmi cu
tlangtungnak hmun ah
hnawtia tuk in suahpi hlah;
icatile, na innkiang ni
ningzah tan thlaih taw ah,
itu ngai ti lei ci?
9 Na innkiang rum langtalhin
na thuhla cu altia uh,
cun mi ih thuthup cu
phuang hlah;
10 na phuan ah cun
a tan za tu ahuni maw
ningzah a tan thhaih thok,
culeh an min siatnak
11 A caan rum a hoihtiami
aan kaa khat cu
ngun tangkadip sungih
sui vuang phuun mang
a ii.
12 Ngai a dawtu naa caah
a tingmi simhriingnak cu
sui zunghruk leh
sui thomtiaknak mang
a ii.
13 a felmi thuphurtu cu
a thlah tupawl caah cun
thlaikhawm can ih
vur dai mang an ii,
an bawile ih thinlung
an thartho.
14 Laksawng mi Žhen dahlopi
a porhtia tu cu
ruah phur lomi meici leh
huih mang a ii.
15 Uktu cu thinsaunak rum
leemngah a i kho men,
cun aannem ni ruhpawl
a ek hngai kho.
16 Khuailuati na hmuh ahcun
na tuakcaang ceu aw,
culocu tamtuk na awh ahcun
na lua thok.
17 Na ke ni na innkiang ih
inn a teih tlawm seh,
culo cu na innkiang
na ningphang thokih
a tan hua thok.
18 Mah innkiang ralsan in
thu a dinpitu cu
talvawng, ralreen,
a parmi cantiang mang a ii.
19 Harsat can ih mifello
rinsan cu
haner rum caw Žam leh
kezeng in vah mang a ii.
20 Thinlung rethei hemih
hlasak cu isik lioih
angki phoih piak leh
ma parih thil ahaangmi
toih mang a ii.
21 Na ralle an Ža a Žhit ahcun
awk ding caw pia hngai,
ti an hal ahcun
din ding tii pia hngai;
22 icatile an lu parah
meiril Žuang na toh thok,
cun Bawipa ni ngahvo
a tanpia thok.
23 Zo huih ni
ruah a phurh mangin,
mirawnthup ni
thinsiatnak a suah sak.
24 Mibawhrau nupi rum
innpi hlawmtiak vanin
luangkhum kilsu ih om
a Žhasawn.
25 Ram hlapi in thuthangŽha
zak cu,
tihal mi caah cun
tidai mang a ii.
26 Mihrokhrawl a pialta tu
midingle cu
a hnawimi cirhpawl leh
a kheenmi tihna mang
an ii.
27 Khuailuati tamtuk awk cu
a Žha lo,
hmai zahnak a thuah
a thuah ih hrawl khaw
a Žha lo.
28 Uknehtiak a hlawhsam tu cu
khuakulh ngeiloin abeeumi
khuapi mang a ii.