1 Nanmah lakah zirhtu hmaanlo an om thok mangin, Israelpawl lakah a hmaan lomi profetpawl an om ta ve. Zirhtu hmaanlo ni misiatsuahkho ruahnakpawl a athupte in an phatpi thok. Anmah a lei hngaitu Bawipa hman an pheh thokih, anmah leh anmah parah rangngai in siatsuahnak an phatsak thok. 2 Acu hman ah, mi tlungpi ni an thlahthlamtiaknak cu an zul thokih ahi zirhtupawl ruangah hin thutak lampi cu nautat a i thok. 3 An duhhamnak ruangah a sualmi zirhnakpawl hmangin a miat ngahnak ah an tan vua thok. Anmah sual thuŽhennak cu hlanliopi in thansuak a i romih, Žhihhawhnak men a i lo, nanmah siatsuahnak cu a me lo. 4 Icatile Pathian ni vanmipawl an sual tikah zuah hngai loin hell ah a thla hngai ih thuŽhen hlansung siah dingin a thuktlengmi khuamaw sungah hreng a khuah hngai; 5 Pathian Žihzah lomi vuleipi ah tinik a tlunsak ahkhin dingfelnak thu a au tu Noah cu mipace pasarih rum a rung hngai nain vuleipi cu a zuah tak lo a ik ahcun; 6 culeh Sodom leh Gomorrah cu vutcam ah a cansak hngai ih sual thuŽhen hngai in, Pathian Žihzah lotu parih a pha thokmi zohsunawk ah a vua ih 7 daanngeilole ih thlahthlamtiaknak ruangah a thin a har ngaite tu midingfel pa Lot a runsuah ahcun 8 acu midingfel pa cu an lakah ni khat hnuk ni khat khua a sak tikah, a hmuhmi leh a zakmi daanngeilo an thiltimipawl thawngin a dingfelmi a nunkhua cu tetemngai in a om, 9 Pathian a Žihzahtu cu an harsatnak in khawtiih runsuah hngai thok leh midingfelle cu thuŽhen ni hlansung 10 ahleice in an tiksa cu ningtirhŽha hurnak ah a thlahthlamtia tupawl leh thungeitu a nautat tupawl cu hremnak tangih siah daan a tiah. Anmah cu an ral a Žha ih an zumtia, vancung ih huhamngei vanmipawl hman sualpuh an ngam. 11 Vanmipawl hman dihnak leh huham ah an nasasawn nain ahile parah Bawipa hemin sualpuh ih thuŽhennak an phatpi lo. 12 Ihmansela ahile hi cu ruahnakngeilo hramsapawl, suahkeh ziaken in a tekcakmi, pon leh thah awk ih suakmi mang an ii. An tiahthiam lomi cu sualpuh in an rawn. Cui hramsapawl siatsuah an ik tikah anmimi khaw siatsuah an i ve thok, 13 thil sual an ti man hremnak an tuar thok. Sunla pipaw ah rii ih kuirak hi nom ah an rel. Puai nan vuak khat lio ah an tan deuhnak ih an riit leh kuirak cu nuam an ti ih ningzakaw leh soiselawk an ii. 14 An mit cu sualpi dawtnak in a khatih, sual ah diriamthiamlo an ii. Mi Žhalopawl cu sualnak laah an leem. Duhham daan an thiam ngaite. Camkhaatmi tiale an ii. 15 Lam ding matain an pial rom, Boer ih tiapa Balaam ih dung an zul. Amah cu thil sual vuak ih hlawhman ngah dawtu a ii. 16 a inain amah ih daanbuarnak ruangah nunsim a tuakih; aanthiamlo laak ni minung aw rum angin profet pa ih atnak cu rehkau in a khamngah. 17 Ahile cu ti om lo cirh leh huih ngek ih zuanpimi mawk mang an ii; anmah caah a thuktlengmi khuamaw siah a i rom. 18 Icatile sullamngeilo tihiamhomi an ang ih, sualpalhnak sungih khua a satupawl hemin a luatngah pekte mipawl khi an tiksa hiarnak thlahthlamtiaknak in an leem. 19 Zalennak an tiam hngai nain anmah tu cu rawhralnak ih salle an ii, icatile minung cu amah a neh tupoh ih sal a ii. 20 Icatile, kan Bawipa leh Rungtu Jesuh Khrih an tiahnak thawngin vuleipi ih hnomtamnakpawl in an luathngah hnukah, acupawl sungah thang ih awhmi leh hretngahmi an ik Žhan ahcun an iknak netatleng cu a peitatleng vanin siasawn ah a cang rom. 21 Dingfelnak lam tiah hnukah an hemih piaksinmi thupiak thianghlim in an mertiak ahcun tiah ta thok hlah uh sela an caah Žhasawn hngen tur.