PITER
Laikuat Pahnihnak
Hi laikuat hi khaw Zapi Laikuat tiih kawhmi pasarih lakih a pathumnak a ii. Piter laikuat pakhatnak rum vanin Judah laikuat rum an thuhla cu a hnaihtia sawn. Judah laikuat sungih thuhla zate sam theih 2 Piter sungah a tel Žhan. An pahnih hi Thukam Thar sungih a fiang lo tleng mi an ii, ahule hemih kuatmi an ik dangtham ih puhawk khaw tiah a i lo.
A Ngantu, Ngan Kum leh Ngannak Hmun. A ngantu hi Piter in a sim tia (1:1) nain a sung thuhla zoh tikah, Jesuh phatŽhan dah lo ruangih thanaumi thapiak hngai a dawt hi ni cui thilomdan cu Piter thih (AD 64) hlanah a suak man rih lo; Simon Piter a ti tia ih 1Piter rum an sakhat lo; AD 200 hlanah 2 Piter leh Judah hi an min sim an ita thah lo tluk a ii ih Thukam Thar Žhosak a ik thawh (AD 363) tiangah altiak rero leh zumhrotlo an i veve; Paul ih laikuatpawl an khawm hnukpi ta ding a hoih(2 Pit 3:15tt); Pawlpi thuanthu sungah an tiah tukmi laibu a i ta lo, Piter ik zum lo an om hnuaihni. Curuangah Piter ih kaizulle pakhatkhat ni AD kum 100 hrialkam hrawngah a nganmi a i thok an ti. Ihmansela Thukam Thar an namŽho ngah tikah a tel ve ruangah Piter ih ngan ik zum an om siksik. Amah ih ngan a ik ahcun kuat khatnak a ngan hnukdeuh fang, a thih hlanah a i kau thok. A ngantu leh a ngan kum mangin dangtham ih puh lo ahcun ahu ni khaw fiang in an sim kho lo. Curuangah Asia Minor hmun pakhatkhat ah a ngan mi a i thok ti hi sim kho tlengmi a ii. Piter ih ngan zum ahcun Rom khua ah a ngan kau thok.
A Tumtahmi. A laireltupawl hemah: Pathian dawtzawng ih nungcang ding an ii (1:3); piak an ik mi thuhmaan tlai Žho ding an ii (1:12); zirhnak hmaanlo an sungih a luh ruangah a cu ni hre hngai lo dingah ralringin dohlak ding; Pathian mipawl iknak in dingfelte ih an nun awk a ik zia; cun mipawl ni Jesuh phaŽhan thok loin an aan rero hmanah Bawipa cu a phatŽhan hrimhrim thok ruangah thindeng loih hngak dingin sim hngai a daw.
A Thupithlurpawl. 1. Pathian mipawl ih dinhmun leh khawtiih om thok a ik tiahfiang a Žul zia(1), Pathian iknak a teptu i dingih kawh an ik ruangah zum men loin zumnak parih beengmi ngeih miarmo a Žul; 2. Zumtu cu an hemih zirhnaksual a luh tikah zumla duh loin, Bawi Jesuh a tiah ih a hmutule ih simmi Žhate ih zum sawn ding (2), a hmaan lomi zirhtupawl a Žhuatsiat hngai ngam. 3. Bawi Jesuh a phatŽhan hriakhro lo ruangah a phaŽhan ti thok lo tiah a ruat tu an om. Pathian ih kum siardan leh minung ih siardan an ruang lo(3:8), curuangah Pathian ni mi zate run hngai a dawt zia tiahthiamin, thinsau ih hngah a Žul a ti.
1
1 Jesuh Khrih ih sal leh tirhthlah Simon Piter ni,
Kan Pathian leh rungtu Jesuh Khrih ih dingfelnak thawngin kanmah ih ta mang a sunglawimi zumnak a co tupawl hemah lai ka tan kuat hngai.
2 Pathian leh Jesuh kan Bawipa nan tiahnak thawngin veel leh daihnak cu duhdimin nanmah ta i hram seh.
3 Amah rori ih sunparnak leh Žhatnak in a man ko tu kan tiahnak thawngin Pathian Žihzah ih kan nunnak ding caah a Žulmi izongza cu a Pathian huham in a man pia rom.
4 Cun hi thilpawl thawng hin a sunglawimi leh a nasami a thutiampawl a man pia, acucu anmah thawngin hi vulei cungih ommi hurnak ruangih rawhralnak in nan luatih Pathian ih zia nan Žom nak dingah a ii.
5 Ahi ruang rori ah hin, nan zumnak ah Žhatnak, Žhatnak ah thutiahnak,
6 cun thutiahnak ah mah-uknehnak, mah-uknehnak ah inzonak, cun nan inzonak ah Pathian Žihzahnak,
7 Pathian Žihzahnak ah ulenau tlaihsantiaknak, ulenau tlaihsantiaknak parah dawtnak beeng dingin zuam ding cang nan zuam thok.
8 Icatile hipawl hi nan ngei hngai ih nan lakah a karh deuhdeuh ahcun Bawipa Jesuh Khrih nan tiahnak ah hmuarngei deuh leh Žhahnem deuh ah an tan vua thok.
9 Ihmansela hi Žhatnakpawl a sambau tu cu naite ceu hmu khotu iklole mitcaw a ii, a liamcia sualnakpawl in thiansak a ik a palhtia tu a ii.
10 Curuangah ulenauhngai, kawh leh ril nan iknak Žhosak dingah zuam hlehhlo uh, icatile ahi nan ti ahcun sualnak ah nan taubah dah thok lo.
11 Icatile a hi ti hin kan Bawipa leh Rungtu Jesuh Khrih ih kumkhua uknak sung ah luhkhawhnak zate piak nan i thok.
12 Curuangah hi thilpawl ih thuhla hi nan tiah cia kau ih nan hemah a phami thutak sungah nan Žhongah kau nain tan pherphuak peh hngai berbo ka khaitia.
13 Hi ruangpun in ka om sung hmawh cu nan thucinnak tan tharsuah hngai ding hi a hmaan kau tiah ka ruat.
14 Kan Bawipa Jesuh Khrih ni ka hemih a fiansak rom mangin ka thihnak cu ihlet hlanah a pha thok ti ka tiah.
15 Culeh ka thih hnukah hi thilpawl hi khawcangah khaw vonmangŽhan dingah zuam ding cang ka zuam thok.
(Mat. 17:5; Mar. 9:7; Luk. 9:35)
16 Kan Bawi Jesuh Khrih huham ngeingai in a phat ding thu kan tan tiahsak ahkhin puahcopmi mi-sapolh thuanthu kan ring lo, a nasami a sunparnak kan mit rori ih hmutu pawl kan ita.
17 Icatile Cungnung Sunparnak hemin, “Hihi ka Dawtngaimi ka Tiapa, a parih ka lunghmui ngai mi a ii,” a titu aw a phat ahkhin Pa Pathian hemin upatnak leh sunparnak a co.
18 Amah rum tlang thianghlim parih kan om lio ah kanmah rori ni hi aw hi vancung in a phat kan za.
19 Curuangah profetpawl ih simthanmi thu parah lunglumnak kan ngei hlehhlo. Nangmi ni khaw nan thinlung sungah khuaŽhetin deirel arsi a suah hlansung, khuamaw lakih vaanmi meiinn mangin a hihi thupi ih nan ruah ah a Žha thok.
20 A peitatleng ah, Lai Thianghlim sungih profet simcianak pakhat hman mahte in a sullam phuansuah tiak awk a i lo, ti hi tiahthiam uh,
21 Icatile profet simcianak pakhat hman minung thudawt in a suakmi a i lo, Thiang Thlarau ih hruainak in an simmi tu a ii.