3
1 Acu mangin nupile hngai, nan pumahle ih thungeihnak cosang uh, cuticun mi hrekkhat Pathian thu zum lo an ik hmanah, nan nunnak ih thianhlimnak leh upatthiamnak an hmuh tikah,
2 kaa khat aan hman Žul loin an nupile ih omdan thawngin hretngah a i taw uh.
3 Nanmah leh nanmah pawnla ah sam phiarngerh, sui ih vuakmi orh leh khuahtiak, partlai ŽhaŽha sinthlai, tipawl in thuamtia hlah uh.
4 Nan thomtiaknak cu Pathian ih hmuhnak ah a sunglawi ngaimi thinnemnak leh thindaidam ih hla a nguhmi mawinak rum thommi sungla iknak i sawn seh.
5 Ahimang hin kovawh hlanlio ah Pathian a ruahsantu a thianghlimmi numi le ni an pumahle ih thungeihnak cosangin anmah leh anmah an thomtiak bil cu.
6 Cuticun Sarah ni Abraham ih thu zulin bawipa tiah a ko. ThilŽha nan vuak leh hrulnak ni nan thla a tan kawk sak hngai lo sung hmawh cu a tianule nan cang rom.
7 Pumahle hngai, acu mangin, nan nun khatnak ah nan nupile parah ruahthiamnak lansak uh. Nunnak laksawng sunglawi rocotule an ik ve ruangah, a ŽawnŽai deuhmi an iknak zawn cu upat uh, cuticun ituhman ni nan thlacam a tan dawn hngai hlah taw.
8 Thudengnak ah, nan zate in lungput sakhahnak, zawnruahnak, pakhat leh pakhat dawttiaknak, phusahihnak, tangdornak ngei uh.
9 Siatnak cu siatnak in, iklole hmuhsihnak cu hmuhsihnak in rul hlah uh; acu let-la thluasuahnak in rul sawn uh. Thluasuah ro nan co ngahnak ding caah hin kovawh kawh nan ik cu.
10 Icatile
“Nunnak a hiar tupawl leh
ni Žha tuah a hiar tupawl cu,
thil Žhalo lakin an lei suptia
uh sela,
an hmur khaw mideuhnak
aan ang loin suptia uh seh;
11 Žhat lonak in mertia in
thilŽha vua uh seh;
remdaihnak hrawl uh sela
ngah ding roriin
zuam uh seh.
12 Icatile Bawipa ih mit cu
midingfel parah a om,
culeh a naa cu an thlacammi
laah a tun hngai;
ihmansela Bawipa ih
hmai cu Žhat lonak-titule
laah cun a hoi lo.”Ref 3:10-12 Saam 34:12; 37:27; 34:15-16
13 AŽhami thil vua dingih thahiar nan ik ahcun ahu ni hilei harnak an tan piak?
14 Ihmansela dingfelnak ca-ih harnak nan tuar hman ah, mithluasuak nan ii. An Žih-awk mi cu Žih-aw hlah uh. cun ralhrutkau vuakmi khaw i hlah uh.
15 Nan thinlung sung tu ah Khrih cu Bawi a ii tiin upat uh. nan sungih a ommi ruahsannak hi a thuhla sim an tan ngeen tu pakhatkhat an om ahcun Žanhimtia dingah ralring berbo uh;
16 Thinnemnak leh upatnak in zong let uh. Nan siaŽha thleidannak cu thiangin sia uh, cuticun puh nan ik tikah an tan simsia tupawl cu Khrih sungih nan nuncan Žhami ruangah ningzah an huat thok.
17 Icatile tuarnak hi Pathian thudawt a ik ahcun, thilŽhalo vuak ruangih tuar vanin thilŽha vuak ruangih tuar cu a Žhasawn.
18 Icatile Khrih khaw sualnakpawl caah sandaih in, midingfel cu midingfello caah, Pathian hemih tan hruai hngai dingin a tuar. Tiksa ahcun thah a ii, ihmansela thlarau ahcun nunnak ah thawhsak a ii.
19 Cutiin thawng sungih ommi thlaraupawl hemah khaw tatin thu a simthan.
20 Hlanliopi Noah ih lawng a sak lio, Pathian ni thinsaute in a hngak hngai ih, ti sungin mi tlawmte, pariat runsuah an ik ahkhin anmimi cu thucangngai ta lo tupawl an ii.
21 Culeh ahi ih khithmuhmi tihnimmak ni a tu a tan rung hngai – ruangpun parih kheen Žawlnak in iloin, Jesuh Khrih ih thawhŽhannak thawngin siaŽha thleidannak thiang rum Pathian hemih tiamkamtiak khi a ii.
22 Amah cu vancung ah a tat romih, Pathian vorhla ah a om, vanmipawl, thungeitupawl leh huhampawl cu amah thungeihnak tangah an om.