2
1 Curuangah, mireem dawtnak azate, mideuhnak azate, tisaktiaknak, minahsuahnak, cun mirawnnak zate hi hlitphoihtia uh.
2 Hrin pekmi nausuanpawl mangin, a thiangmi leh thlaraula cawhnawi duh-lianglo uh, cuticun acu thawngin runnak laah a Žhanglian taw cu.
3 Atu cu Bawipa cu a Žha ti nan tep taktak rom.
4 Minungpawl ni an hnong nain Pathian ni a ril ih, a mithmuh ah a sunglawimi – a nungmi lungpi hemah pha uh.
5 Culeh a nungmi lungpipawl mangin, a thianghlimmi tlangbawi i dingah, Jesuh Khrih thawngin Pathian ca-ih dotlami thlaraula ih rai hritia dingin, Thlarau inn ah satia uh.
6 Icatile Lai Thianghlim sungah,
“Zohhman, Zion ah lungpi
pakhat ka sia,
inn kil lung ah rilmi leh
a sunglawimi cu;
Culeh amah a zum tupoh
ningzah huahsak an i thok lo.”
7 Nangmi zumtu caah cun amah cu a sunglawi; ihmansela a zumlotupawl caah cun,
“Inn satupawl ih hnonmi
lung cu,
innkil lung thupi tleng
ah a cang rom,”
8 culeh
“Anmah tuasiksak tu leh
anmah a tausak tu
lungtum ah a cang,”
tiah a om.
Tua an sik cu thu an cangngaih lo ruangah a ii, acucu an ti dingih lairel cia mangin a ii.
9 Ihmansela nangmi cu khuamaw lak in donharŽhami a ceunak sung ah a tan ko hngaitu ih a dikcak mi thiltinakpawl simphuang dingah rilmi miphun, siangpahrang tlangbawi, miphun thianghlim, Pathian amah rori ih mipawl nan ii.
10 Voikhat lio ahcun miphun
nan ita lo,
ihmansela atucu Pathian ih
miphun nan ii;
voikhat lio ahcun
velngeihnak nan co ta lo,
ihmansela atucu velngeihnak
nan co rom.
11 Ka dawtmi le hngai, misiing leh saltaang nan ik mangin, nunkhua parah ral a tho tu tiksa hiarnakpawl suptia dingah ka tan torh hngai.
12 Zentail-mipawl lakah hin upattlak ziazaŽha rum nungcang uh la, cuticun thilŽhalo-titule tiah an tan puh hngai hman ah, upattlakmi nan thiltipawl an hmu kho thokih, Pathian cu thuŽhen dingin a phat tikah amah an sunparsak thok.
13 Bawipa ruangah minung thungeitu zate Khumpi cu a sangtleng tiin iseh,
14 iklole, thilŽha ti tule lawm dingin leh thilsual ti tule hrem dingah amah ni a thlah hngaimi tiin iseh cosangin an thu ngai uh.
15 Icatile thil hmaan nan vuaknak thawngin miaale ni thu tiahlopiih aanmi daikau nan vuak thok hi kovawh Pathian ih dawtzawng cu.
16 Pathian ih salpawl nan ik mangin aluat mipawl mangin om uh, ihmansela nan luatnak cu thilŽhalo vuaknak mi huhnak ah zong hmang hlah uh.
17 Micang upat uh. Zumtu unaupawl daw hngai uh. Pathian Žihzah uh. Khumpi upat uh.
18 Salle hngai, nan bawile cu, mi thinŽha leh thinnem mipawl ceu iloin a puarhraang mipawl khaw upatngai in an thu zul uh.
19 Icatile, a hmaanlopi in nan tuar lio ah Pathian dawtzawng a ik tiah in titiak nan in ahcun lom awk nan ii.
20 Thilsual nan ti ruangih thawi nan ik tikah nan in ahcun itu lom ding a om? Ihmansela a hmaanmi nan ti tikih a cucaah nan in ahcun Pathian lungkimnak nan ngah.
21 Icatile ahi dingah hin kawh nan i rom, Khrih ni khaw nan caah a tuar ih zohsunawk a tan mat hngai ruangah a keniah nan zulh awk a ii.
22 “Sualnak a vua lo,
cun a hmurka ah mideuhnak
a om lo.”
23 Hmuhsit a ik tikah hmuhsitnak in a let hngai lo; a intuar tikah a Žhihhawh hngai lo; ihmansela dinghmante in thu a Žhen tu pakhat hem tu ah amah leh amah a sangtia.
24 Sualnak in luatin dingfelnak ca-ih kan nunnak dingah amah rori ni kan sualnakpawl cu a ruangpun in thinglamtah ah a phurta hngai. A hriamma thawngin nan dam rom.
25 Icatile tuu mangin lam nan pial rero ta, ihmansela atu cu tukhal leh nan nunkhua kiltu hemah nan kirŽhan rom.