22
(Luk 14:15-24)
1 Jesuh ni an hemah voikhat la thuŽhim in a sim hngai Žhan ih:
2 “Vancung uknak cu a tiapa caah nupit puai a vuak piak tu siangpahrang pakhat rum tahŽhim khawh a ii.
3 Nupit puai zar zawh dingih sawm a i rom mipawl ko dingah a salle a thlah hngai, a inain an suah duh lo.
4 Sal pace thlah hngai seihratin, ‘Zar kawhmi le hemah: Zohhman uh, zar ka tuahtim rom, ka cawpetuum leh thaukau cawmmi sumhnampawl talh an i rom, izongza tiari a ii; zar zawh ah suak vel uh tiah ti uh’ a ti hngai.
5 A inain irelpiak hlei loin an tat mianmi, a hrekkhat cu lo ah, a hrekkhat cu an sumlehnak ah,
6 ataangpawl ni a salle cu ponin mualphongai in an vua, culeh an that la.
7 Siangpahrang cu a thin a kaangaw. A ralkapbuur a thlah hngai ih, acui mithatle cu va siatsuah in an khua an thlul.
8 Cuhnukah, ‘Tuartiaknak cu tiari a i kau, a inain zar kawhmi le cu an tlak lo.
9 Curuangah zalam ah tat lei cu khawh, nan tuahmi poh cu zar ko uh’ tiah a ti hngai.
10 Acui salle cu lampawl ah an tatih an tuahmi hmawhhmawh mi sia tilo mi Žha tilo an khawm; curuangah tuartiaknak inn cu khualpapawl in an khat.
11 “A inain siangpahrang cu zar zawhtule zoh hngai dingih a phat tikah, zar zawhnak partlai rum a om lo tu pakhat pa acunangah a om a hmusuakih
12 ‘Ka rual, zar zawhnak partlai rum thuamtialoin khawti in ahinang ah na lut thiam?’ tiah a ti. Acu pa cu aan awk tiahloin a om kau.
13 Cutikah siangpahrang ni rianŽuantule cu, ‘A kut leh ke Žawn uh, cun Žahnak leh hacang rialnak thok hmun pawnla khuamaw lakah zam uh’ tiah a ti hngai.
14 Icatile mi tlungpi sawm an ii, a inain mi tlawmte ril an ii,” tiah a ti.
(Mar 12:13-17; Luk 20:20-26)
15 Cuhnukah Farisi-le cu tatin Jesuh a thusim parin awh dawt ah thu an phiar.
16 Curuangah an kaizulle cu Herod Žantule thluattia in Jesuh hemah an thlah ih, “Zirhtupa, nang cu mihmaan na ii, Pathian dawtzawng khaw a iknak mangin na zirh, ahuhman upatcuangnak na lansak lo ti kan tiah; icatile mipawl khaw thleidannak rum na zoh hngai lo.
17 Na ruahmi cu man sim law. Khumpinote 22:17 ‘Khumpi’ ti cu Rom Cozah uktutleng a ii, a tangla ah siangpahrang tlungpi an om hemih ngunkhuai piak hi a phung ii maw i hlah?” tiah an ti.
18 Ihmansela Jesuh ni an lungput Žhalo tiahthiamin, “Icaah a ma hniksak hngai, nangmi mitisaktiapawl?
19 Ngunkhuai piak dingih nan hmanmi ngun ma hmuh hnik uh,” tiah a ti. Culeh denarias pakhat an pia.
20 Cutikah, “Hihi ahu ih muihmel leh Žuan min i hmen?” tiah a ti hngai.
21 Anmimi ni, “Khumpi ih,” tiah an sawn. Cutikah Jesuh ni, “I taw ah, Khumpi ih thilpawl cu khumpibawi pia uh la, cun Pathian ih thilpawl cu Pathian pia uh,” tiah a ti hngai.
22 Acucu an zak tikah an don a har; amah cu matain an vak mianmi.
(Mar 12:18-27; Luk 20:27-40)
23 Acui sun siksik ah thawhŽhannak a om lo a ti tu Sadusipawl mi hrekkhat Jesuh hemah pha in,
24 “Zirhtupa, Moses ni, ‘Pacang pakhat cu tia ngeiloin a thih ahcun, a naupa ni a mo nuhmei cu pii lei khawh a upa caah tianau a hrinpiak thok’ a ti, tiah an ti.
25 Kan lakah hin unaule pasarih an om; upatleng ni nu a pii ih tiangeiloin a thi, a nupi huhmei cu a naupa a matta.
26 A sontupa ni khaw a cumang siksik in a mata, a pathumnak khaw, a pasarihnak tiangin.
27 Netatleng ah acu nu cu amah rori a zongthi dah.
28 I taw ah thawhŽhan ni ah ahu ih nupi tleng i thok na? An pasarih ni an pii vek hekhawh,” tiah an ti.
29 Jesuh ni, “Lai Thianghlim iseh, Pathian huham iseh nan tiahlo ruangah nan palh a ik hi!
30 Icatile thawhŽhan ahcun nupi pi in leh pumah ngei in an om lo pi, vancung ih vanmipawl mang an ii hekhawh.
31 Mithi thawhŽhan thu ah, Pathian ni nan hemih a timi,
32 ‘Kei cu Abraham ih Pathian, Isaak ih Pathian, Jakob ih Pathian ka ii’ a timi khi nan rel rom lo hmen maw? Ani cu mithile ih Pathian a i lopi, a nungmi le ih Pathian a ii hekhawh,” tiah a sawn hngai.
33 Culeh mibuur ni acucu an zak tikah a thuzirh cu an don a har.
(Mar 12:28-34; Luk 10:25-28)
34 Sadusile daikau a vua hngai tiin Farisi-le ni an zak tikah hmunkhatah an khawmtia,
35 culeh anmah lakih pakhat, daanthiam pa ni hniksak dawt ah Jesuh cu thu pakhat a dil.
36 “Zirhtupa, daan sungih khawmang thukhaam khi pipatleng na?” tiah a ti.
37 Jesuh ni, “Bawipa na Pathian cu na thinlung zate, na nunkhua zate, leh na ruahnak zate rum na daw thok.’
38 Hihi thukhaam pipatleng leh a pakhatnak a ii.
39 Culeh a pahnihnak cu acu mang a ii: ‘Na innkiang cu namah na dawttiak mangin na daw thok,’ ti a ii.
40 Hi thukhaamle pahnih parah hin thukhaam leh profetpawl ih thuzirhmi zate an tumtia,” tiah a ti.
(Mar 12:35-37; Luk 20:41-44)
41 Farisi-le hmunkhatih an khawmtiak tikah Jesuh ni:
42 “Messiah hi khawti in ruat cu maw? Ahu ih tiapa ii maw?” timi thudilnak hi a dil hngai. Anmimi ni, “David ih tiapa,” tiah an ti.
43 Ani ni, “I taw ah khawti in David ni Thlarau thawngin amah cu Bawipa e tiah koin,
44 Bawipa ni ka Bawipa hemah,
‘Na ralle na ke tangih
ka siah hngai hlansung
ka vorhla ah to’Ref 22:44 Saam110:1
tiah a ti hmen?
45 David ni acutiin Bawipa tiih a kawh ahcun khawti in helei a tiapa a ik thiam?” tiah a ti hngai.
46 Ahuhman ni amah cu an sawn zo lo, acui ni in thawhin ahu ni khaw thudil beeng an ngam ti lo.