21
(Mar 11:1-10; Luk 19:28-40; Joh 12:12-19)
1 Jerusalem an hnaih vel ih, Oliv Tlang ih Bethfeis khua an phat tikah, Jesuh ni a kaizulle pahnih thlah hngai in,
2 “Nan hmala ih khua ah tat uh la, saammi laak pakhat, a suan rum nan hmu hruak thok; a hri phoih in ka hemah dawkta uh.
3 Mi pakhatkhat ni itu maw tan ti taw uh ah, ‘Bawipa ni a Žul hngai’ ti men uh. Culeh ani ni a thlah hngai lohli thok,” tiah a ti hngai.
4 Ahihi profet hemin simtakmi:
5 “Zion tianu hemah sim uh,
Zohhman, na siangpahrang cu
na hemah, niamcuh in,
culeh laak – laaktia,
a suan citia in a pha hi!”Ref 21:5 Zek 9:9
ti khi a kimngahnak ding ih a cangmi a ii.
6 Kaizulle cu tatin Jesuh ih cah hngai mangin an vua;
7 laak leh a suan cu Jesuh hemah an dawkta, culeh an zaang ah an angkithuahtual an thaapih Jesuh ni a citia.
8 Mibuur pi ni khaw lam parah an angkithuahtual an thap, cun mi pace ni hnahhluai setin lam ah an thaap.
9 A hmala ih a tat li tu mibuur leh a dung in a zultule ni,
“David Tiapa cu hosannanote 21:9 “Naktiahte in man rung, Atu man rung tican a ii. ii seh!
Bawipa ih min in a pha
tu cu mithluasuak a ii!
Vancung a sangtleng ah
Pathian cu hosanna i seh!”
tiah an au hiamho.
10 Jerusalem a luh tikah, a khuapawh in an hnaihnok cincen ih, “Hi pa hi ahu a ii?” tiah an diltia.
11 Mibuurpawl ni, “Ahihi Galilee peng sung Nazareth khuami profet Jesuh cu a ii,” tiah an ti.
(Mar 11:15-19; Luk 19:45-48; Joh 2:13-25)
12 Cuhnukah Jesuh cu Biakinn ah lutin biakinn sungih thilzuartu leh a leitule cu a Žhawl hngai, cun tangka thlengtule ih cabuaipawl leh laileng zuartule ih tokhengpawl a kuplet hngai.
13 An hemah,
“‘Ka inn cu thlacamnak inn
tiih kawh a i thok’;
a inain nangmi ni cu
rokhmangle ih buknak
lungkuak ah nan vuak hih
tiah ngan a ii,”Ref 21:13 Isa 56:7; Jer 7:11
a ti hngai.
14 Mitcaw leh kawngzawng ni biakinn ah Jesuh cu an pha ih a damsak la hngai.
15 Ihmansela donharŽha thilpawl a vuak hngai mi cu tlangbawi upapawl leh daanzirhtupawl ni an hmuh tikah leh, biakinn sungah tepangpawl ni, “David Tiapa cu hosanna i kau seh,” tiah an au an zak tikah an heh a har,
16 culeh, “Hile itu an aan za hngai cim?” tiah an ti. Jesuh ni, “Za ee;
‘Nausuanpawl leh hnawi-
tawpliomi naupawl ih
kaa sungin thangŽhatnak
na tuahtim’Ref 21:16 Saam 8:2
timi nan rel thah lo hmen maw?” tiah a ti hngai.
17 Mata hngai in, khua sungin a suakih, Bethani ah tatin, acunangah zan a caam.
(Mar 11:12-14, 20-25)
18 A zingla maw, Jerusalem ih a kirŽhan tikah a Ža a Žhi.
19 Lamhrial ah thei kung pakhat a hmu, a pan ih a hnahpawl simlo cu a kung parah ituhman a hmu lo. Cutikah, “Na hemin vuang suak Žhan hram hlah se law!” tiah a ti. Culeh thei kung cu a vuaicar vohvi.
20 Kaizulle ni acucu an hmuh tikah an donharin, “Khawti in thei kung cu a vuaicar vohvi a he?” tiah an ti.
21 Jesuh ni, “Thungai in ka tan sim hngai, zumhrot lonak ngeilote in nan zum phot ahcun, thei kung parih vuakmi ceu hi nan vua thok lo, hi tlang hem hman ah ‘Phoktia in rili sung ah zamtia’ nan ti ahcun, a cang kau thok.
22 Thlacamnak ah itukhaw zumnak rum nan dil ahcun nan ngah kau thok,” tiah a sawn hngai.
(Mar 11:27-33; Luk 20:1-8)
23 Biakinn sung a luh tikah, tlangbawi upapawl leh Sanhedrinnote 21:23 Judah tlangsuak tican a ii. upapawl cu a thuzirh rero lio ah a hemah an pha, culeh, “Itu thungeihnak in hi thilpawl hi na vua hngai, cun ahu ni hi thungeihnak hi a tan pia?” tiah an ti.
24 Jesuh ni, “Kei thu pakhat ka tan dil hngai ve thok; ahmaan in let taw cu ah itu thungeihnak in hi thilpawl ka vua hngai ti ka tan sim hngai ve thok.
25 Johan ih timihnimnak hi vancung in maw a suah, iklole minung hemin a thawhmi a ii?” tiah a ti hngai. Culeh pakhat leh pakhat, “‘Vancung in’ ti hu la le ani ni, ‘Icaah nan zum lo hmen?’ a man ti thok.
26 A inain ‘Minung hemin a thawhmi a ii’ ti hu la le mibuur kan Žih Žung; icatile an zate ni Johan cu profet pakhat ah an siahmi a ii,” tiah an altia.
27 Curuangah, “Kan tiah lo,” tiah Jesuh cu an let. Culeh ani ni, “Itu thungeihnak in hi thilpawl ka vua hngai rero ti kei ni khaw ka tan sim hngai ve ce thok lo,” tiah a ti hngai.
28 “Khawti in ruat cu maw? Pakhat pa ni tiapa pahnih a ngei hngai; a upasawn hemah tatin, ‘Ka tiapa, nihinni hi sabit dum ah tatin rianŽuan tu hmen’ a ti.
29 A tiapa ni, ‘Ka tat thok lo’ a ti nain neta ahcun a ruahnak thlengtia in a tat Žhan.
30 A pa cu a tiapa nauta hemah tatin acuti siksikin a ti ih a tiapa ni, ‘Ka tat lei, ka pa’ tiah a let; a inain a tat Žhan lo.
31 An pahnih ah ahu mang sawn ni a pa ih dawtzawng a vua?” tiah a dil hngai. Anmimi ni, “Upasawn ni,” tiah an ti. Jesuh ni, “Thungai in ka tan sim hngai, siahkhuanpawl leh numizuartiapawl ni Pathian uknak sung ah an tan luhhnek thok hi!
32 Icatile Johan ni dingnak lam in an tan pha nain nan zum la lo, a inain siahkhuanpawl leh numizuartiapawl ni cu an zumla, culeh acu nan hmuh hnuk hman ah nan sualrimin nan zum duh cuang lo.
(Mar 12:1-12; Luk 20:9-19)
33 “ThuŽhim pace hi ngai hman uh. Loram ngeitu pakhat a omih sabit duum a vua, a velkim a kul, a surnak ah khur a saai, cun a kilnak ah hawte a don. Cuhnukah hlawhsetmi le hemah sawn hngai in khual a tlawn.
34 Sabit lawh a zat tikah, a cohnga khawm dingin a salle cu hlawhsetmi le hemah a thlah hngai.
35 A inain hlawhsetmi le ni a salle cu ponin pakhat cu an thawi, pakhat an that, pakhat cu lung in an phon.
36 Peita van tlungsawnin a salle a thlah hngai sei ih, acumang siksik in an ti la.
37 Netatleng ah, ‘Ka tiapa tal cu an upat kau thok a ii,’ tiah tithahin an hemah a tiapa cu a thlah.
38 A inain hlawhsetmi le ni a tiapa an hmuh tikah anmah le mah, ‘Hi pa hi rocotu a ii; suak uh, that le hu khawh a rocomi lattia le hu’ an ti tia.
39 Curuangah an pon, sabit duum pawnla ah an zamih an that.
40 Sabit duum ngeitu a phat tikah acui hlawhsetmi le cu itu ti hngai thok na?” tiah a ti hngai.
41 Anmimi ni, “Acui misiavale cu thih sia in thih sak hngai lei khawh, sabit duum cu a vuang lawh zat tikih a cohnga amah a piala tu ding hlawhsetmi le a sawn hngai thok,” tiah an ti.
42 Jesuh ni, “Lai Thianghlim sungah:
‘Innsatule ih hnonmi lung cu
innkil ih lung ah a cang tia;
hihi kan Bawipa ih vuakmi a ii,
kan mithmuh ah donharŽha a ii’Ref 21:42 Saam 118:22-23
tiin nan rel thah lo hmen maw?
43 Curuangah ka tan sim hngai, Pathian uknak cu suh mianmi i lei cu khawh, uknak ziaza a suahpi tu thok mipawl hemah piak a i thok.
44 Hi lung parih a tlatia tu cu kuaizan lei khawh; a tlaknon mi cu maanin a rial thok,” tiah a ti hngai.
45 Tlangbawi upapawl leh Farisipawl ni hi thuŽhim hi an zak tikah, anmah thu a ang rero ti an tiahthiam.
46 Amah pon an daw; ihmansela mibuurpawl ni Jesuh cu profet pakhat ah an ruah ruangah mibuurpawl an Žih.