8
(Mat 15:32-39)
1 Acui caan lio ah mibuur pi cu awkŽha ituhman ngeiloin an khawmtiak Žhan tikah, Jesuh ni a kaizulle ko hngai in,
2 “Hi mibuur hi ka hemah ni thum theih an om romih itu awkŽha khaw an ngeih ti lo ruangah ka phusa an hik.
3 Inn ah ŽaŽhiin tlunsak hngai ningla lamlak ah an bah note 8:3 ‘bah’ ticu ŽaŽhit ruangih vah zo ti lo tican a ii. thok; mi hrekkhat le lamhlapi in a pha mi an ii,” tiah a ti hngai.
4 A kaizulle ni, “Ahinang ramcar ah mi ahi zet hi ahu ni khawti in khimkau caw do zo se law tiah,” tiin an sawn.
5 Jesuh ni, “Sang hlom zet ngei hmen cu?” tiah a dil hngai. A kaizulle ni, “Hlom sarih,” tiah an sawn.
6 Cutikah Jesuh ni mipi cu khur parah to dingin thu a pia hngai, cun sang hlom sarih cu la in lungawithu a sim hnukah a seu ih zem dingin a kaizulle cu a pia hngai; culeh mipi cu an zem.
7 Nganawi sa tlawmte khaw an ngei ih thlua a suah hngai hnukah zem ve dingin a kaizulle thu a pia hngai.
8 An aw ih an khim, cun an hlahmi cu pulung sarih khat an sar.
9 Mi cu thawng li tluk an ii. Culeh Jesuh ni a tlunsak hngai mianmi.
10 Cun a kaizulle rum lawng sung ah lut lohliin Dalmanutha peng laah an tat.
(Mat 16:1-4)
11 Farisi-le pha in amah rum thu an altia, amah hniksak dawt ah vaan la ih hmuhsaknak vuak an ngeen.
12 A thawpi suah tengtoin, “Icaah atu san mipawl ni hmuhsaknak cu nan ngeen hmen? Thungai ka tan sim hngai, atu san mipawl hi itu hmuhsaknak khaw piak an i thok lo,” tiah a ti.
13 Culeh a mata hngai ih lawng sung ah lutŽhanin khatla ral ah a tat.
(Mat 16:5-12)
14 Kaizulle ni sang hlom kentiak an palhtia ih lawng sungah cun sang hlom khat ceu an ngei.
15 Jesuh ni, “Farisipawl leh Herod ih colnu cu va ralrin paŽang uh,” tiah thu a kaa hngai.
16 Kaizulle ni, “Sang kan ngeih lo ruangah a i kau,” tiah pakhat leh pakhat an ti tia.
17 Acucu tiahthiamin Jesuh ni, “Icaah sang nan ngeih lo thu cu nan ang rero? Nan ruat thiam in nan tiahthiam rih lo maw? Nan lung khawng sak a ii he tuhmen?
18 Mit ngei nakauin maw khua nan hmuh lo? Naa ngei nakauin maw khua nan zak lo? Thu nan ciing lo hmen maw?
19 Mi thawng nga ca-ih sang hlom nga ka seu Žum ah khi an hlahmi pulung izet khat khawm ta hmen cu?” tiah a ti hngai. Anmimi ni, “Hleihnih,” tiah an ti.
20 “Culeh mi thawng li ca-ih sang hlom sarih ka seu Žum khi teh an hlahmi pulung izet khat khawm ta cu?” tiah a ti hngai. “Pasarih,” tiah an ti.
21 Culeh an hemah, “Nan tiahthiam rih lo hmen maw?” tiah a ti hngai.
22 Bethsaida an pha ih, mi hrekkhat ni mitcaw pa pakhat a hemah hruaitain, acu pa cu tham dingah Jesuh an ngeen.
23 Jesuh ni mitcaw pa cu a kut a tlai ih khuasung in hnar pawn ah a suahpi; cun a mit cilriit saakin a parah a kut a suan ih, “Itu tal hmu kho cim?” tiah a dil.
24 Acu pa ni khua a han zoh ih, “Mi cu ka hmu hngai kho kau, a inain an vahtah cu thingkung mang an ti,” tiah a ti.
25 Jesuh ni acu pa ih mit parah a kut a suang Žhan, acu pa cu tiakpi in a hrakih a mit a vaanngah, culeh izongza fiangte in a hmu.
26 Jesuh ni inn ah tlunsak mianmiin, “Khua sung hman lut pah hlah law,” tiah thu a kaa.
(Mat 16:13-20; Luk 9:18-20)
27 Jesuh cu a kaizulle rum Sisaria Filipi hrialkam khuatepawl ah an tat; lam ih an tah lio ah a kaizulle cu, “Mi ni kei hi ahu e ma ti tia uh?” tiah a dil hngai.
28 Culeh anmimi ni, “Timihnimtu Johan a ih an tan ti tia; cun mipace ni Elijah a ii an tan ti tia; cun mipace rih ni cu Profet pakhatkhat a ih an tan ti tia,” tiah an sawn.
29 Cutikah, “Nangmi ni teh ahu a ii ma ti cu?” tiah a dil hngai. Piter ni, “Messiah na ii,” tiah a sawn.
30 Culeh a thuhla ahuhman sim lo dingah ngekngeihin a kaa hngai.
(Mat 16:21-28; Luk 9:21-27)
31 Cuhnukah Jesuh ni Mi Tiapa cu rauhngai tuarin, upale, tlangbawi upapawl leh daanzirhtupawl ni hnongin an thah thok leh ni thum hnukih a thawhŽhan thok thu zirh hngai hram a thawh.
32 Hi thupawl hi tleem lote in a sim hngai. Culeh Piter ni thliar deuhin a tahpi ih a hringŽon.
33 Ihmansela Jesuh cu a kaizulle sanla ah mertia in Piter cu, “Satan, ka dungla ah om mianmi! Icatile Pathian thuruahdan mangin thuruat loin minung thuruahdan in thu na ruat kovawh,” tiah a cam.
34 Cun a kaizulpawl leh mibuur ko hngai in, “Mi pakhat ni ka kaizul can a dawt ahcun amah le mah hnongtia in, a thinglamtah puttia lei khawh ma zul seh.
35 Icatile a nunnak amah ca-ih hualhum a dawtu cu a sung thokih, kamah leh thuthangŽha ca ih a nunnak a sung tu cu a nunnak a hualhum ngah thok.
36 Mi pakhat ni vulei punpuluk congah hmansela a nunnak a sung Žung ahcun itu Žhathnemnak a ngah hmen?
37 A nunnak lei Žhan nak ding caah itu a piak tia zo thok hmen?
38 Hi Pathian tiahlo leh a sualmi san ah hin mi pakhat ni kamah leh ka thu zahpi taw ah, Mi Tiapa ni khaw a thiangmi vanmile rum a Pa ih sunlawinak in a phat tikah zahpi ve leh lei,” tiah a ti hngai.