7
(Mat 15:1-20)
1 Farisipawl leh Jerusalem in a pha mi daanzirhtu hrekkhat cu Jesuh velkim ih an khawmtiak tikah,
2 a kaizul hrekkhat kut thianglopi rum caw an awk an hmu, acucu, kut Žawltia lopi in tican a ii.
3 (Icatile Farisipawl leh Judahmi an zate cemmehin kut Žawltia loin caw an aw lo, cucu pupale ih thurosiah an zulhnak a ii,
4 dawr ih thil itukhaw Žawl peita loin an aw lo; cun thurosiah pace – hai, am, dar-uum timang Žawl daan khaw an zulhmi tlungpi an om rih.)
5 Curuangah Farisipawl leh daanzirhtupawl ni, “Icaah na kaizulle ni pupa thurosiah mangin nung loin, kut thianglo pi rum caw an aw?” tiah thu an dil.
6 Jesuh ni, “Nangmi mitisaktiale thu Isaiah ni a simnak ih:
‘Hile ni an ka pawn in cu
ama upat hngai nain,
an thinlung in cu
ama hlat hngai;
7 ama biak hngai khaw
hoitlawi a ii,
minung ih vuakcopmi
zulh ding daan khi
thupon phunin an zirhtia,’ Ref 7:6-7 Isa 29:13
tiah a nganmi cu a hmaan taktak.
8 Pathian thupiak zamta rulriin minung ih thurosiah la nan tlaihsan hi!” a ti hngai.
9 “Nan thurosiah tlaihsan nak ding ih Pathian thupiak al daan Žhangai nan ngei a ik hi!
10 Icatile Moses ni, ‘Nan pa leh nan nu upat uh’; cun ‘Apa iseh, a nu iseh a camkha tupoh a thi hrimhrim thok’ tiah a ti.
11 A inain nangmi ni cu a pa maw a nu maw hemah, ‘Korban a ii’ (Pathian hemih piakmi tican) a ti ahcun –
12 pa maw nu maw ca-ih itu thil ti thok khaw nan siang ti lo,
13 acuti cun nan thurosiah tlaihsannak thawngin Pathian anka cu thupilo ah nan cansak. Cun thil tlungpi acuti cun nan ti bil,” tiah a ti hngai.
(Mat 15:10-20)
14 Cuhnukah mibuur cu ko Žhan hngai in, “Nan zate in ma ngai uh la, cun tiahthiam lei cu:
15 mi pakhat sung ah lutin a hnomtamsak zo tu itu thil hman pawnla ah a om lo, a inain sungla in a vasuakmi thilpawl zong cu mi a hnomtamsak tu an ii,” tiah a ti hngai.
16 “Zaknak na a ngei tu ni ngai seh,” tiah a ti.
17 Mibuur mata hngai in inn sungih a luh tikah a kaizulle ni a thuŽhim ih sullam an dil.
18 Jesuh ni, “Acucu nangmi ni khaw nan tiahthiam cuang lo maw? Mi pakhat sung ah pawnla in a vonglutmi itu thil hman ni amah a hnomtamsak zo lo.
19 Icatile a thinlung ah lut loin a pun sung ah a lutih an suak leh ti nan tiah lo maw?” tiah a ti hngai. (Cuticun caw hmawhhmawh awk thiang ah a than.)
20 Cun, “Mi pakhat a hnomtamsak tu cu a sungin a vasuakmi a ii.
21 Icatile sungla in, minung thinlung sungin a ii: tinmi Žhalo: numipami sualkhatnak; titir, lainawnnak,
22 nuriimpariim sualnak, duhham, hrot-lawh, mideuh, thlahthlamtiak, nahsuahnak, mirawn, zumtiak, aat tipawl an vasuah.
23 Hi a Žha lomi thilpawl hi sungla in vasuakin mi an hnomtamsak,” tiah a ti.
(Mat 15:21-28)
24 Acunang in a pokih Tai-ar peng la a hang pha. Inn pakhat ah a lutih acunang ih a om cu ahuhman tiahsak hngai a daw lo; ihmansela mi ih hmuh cu a luat thiam hlei cuang lo.
25 Avoikhatah thlarau thianglo ih hrolhtiakmi tepang nu ih nu ni a za lohli, vongpha in a ke hramah a bok.
26 Acu nu cu Zentail-mi, Siria ram Fonisia peng ih suakmi a ii. A tianu sungih khawsia Žhawlpiak dingin Jesuh cu a ngeen.
27 Jesuh ni, “Tiale caw barh peita thok an ii kovawh, icatile tiale caw uico hnawh cu a mawi lo,” tiah a ti.
28 Acu nu ni, “A i ngai pan, Bawipa! A inain cabuai tangih uico hman ni tiale ih cawlektla tal cu an aw hena,” tiah a ti.
29 Culeh Jesuh ni cu nu cu, “Cutiih na ti ruangah na Žiin kho – na tianu sung in khawsia a suak rom,” tiah a ti.
30 Cu nu cu inn ah a Žiin ih a tianu cu ihkhun ah zauin, cun khawsia khaw suakromin a hmu.
(Mat 15:29-31)
31 Cuhnukah Tai-ar peng in a kirih, Sidon la zulin, Dekapolis peng ih ommi Galilee Rili laah a tat.
32 A hemah angthiam hriakhro lomi naset pakhat an phatpi, culeh a parih kut suang dingin an ngeen.
33 Cu pa cu mipi lak in thliarin abulin a ko ih, a kutzung in a nasung a von sawh hngai, cun cilriit saakin a lei a tham.
34 Cuhnukah van a han zoh ih, a thawpisuahin, “Effatha,” tiah a ti. Cu cu, “Hong tia,” tinak a ii.
35 Culeh a na cu an awng lohli, a lei khaw a thlamtia, cun fiangte in a ang.
36 Jesuh ni ahuhman sim lo dingah thu a kaa hngai, ihmansela thu a kaat hngai deuhdeuh tikah thathongai in mi an sim hoi hlehhlo.
37 Simkhawhlo tiang an don a harih, “A thilti cangin a Žha tlongtlong an ii, naset hman khuazaksakin, angthiamlo hman awn-angin a vuak hi!” tiah an ti.